Isaia 57:1 - ÎVUKU RÎA ÛVORO MWARO

¹ Mûndû mûthingu nîakucaga na gûtirî mûndû ûmakaga; andû aro mangîkua, gûtirî mûndû ûmenyaga atî Ngai nîkwa amagitagîra matikanyitwe nî maûndû macûku.

Isaia 57:1 ပူးပေါင်းရင်းမြစ်များ

1Atha 14:13

Andû onthe a Isiraeli nîmakaamûcakaîra macoke mamûthike. Nîke wenga kuuma mûciî wa Jeroboamu ûrîa ûkaathikwa, nîûndû nîke wenga tu ûkenetie Ngai-Mûnene, Ngai wa Isiraeli.

2Atha 22:20

kwoguo ndikaaverithia Jerusalemu wî mwoyo. Nîngaamba gweterera ûkue na thayû.” Andû acio nîmaacokerie mûthamaki Josia ndûmîrîri îo.

2Maû 32:33

Mûthamaki Hezekia nîwakwire na akîthikwa mwena wa îgûrû wa mbîrîra irîa ciathikagwa athamaki. Andû onthe a Juda na a Jerusalemu nîmoonanirie gîtîîo kînene mûno kûrî Hezekia arîkia gûkua. Nake mûvîcî Manase nîwatuîkire mûthamaki vuva wake.

2Maû 34:28

Kwoguo, nîngaatûma ûkue na ûthikwe na thayû. Ndûkoona mathîna monthe marîa ngaareta vûrûrirî ûyû na kûrî andû arîa matûûraga kuo.” Nao anjaama acio maatûmîtwe nîmaacokirie ndûmîrîri îo kûrî mûthamaki Josia.

2Maû 35:24

Kwoguo ndungata ciake nîciamûrutire gîkaarirî gîake Kîam mbarathi na makîmwîkîra gîkaarirî kîngî gîake na makîmûvira Jerusalemu. Nîwakwire na akîthikwa mbîrîrarî irîa ciathikagwa athamaki. Andû onthe a Juda na a Jerusalemu nîmaacakaîre gûkua kwa Josia.

Thaburi 12:1

Tûtethie, Ngai-Mûnene! Gûtirî mûndû mwaro ûtigarîte, andû arîa evokeku nî athiru gûkû nthî.

Thaburi 37:37

Taroria andû arîa aro, na athingu; andû arîa marî thayû marî njiarwa nyîngî.

Isaia 42:25

Kwoguo nîwametûrûrîre marakara make, na akîmarekereria matharîkîrwe na mbaara. Marakara make maamathiûrûrûkîrie mîena yonthe ta mwaki, nwatî matiataûkîrwa nî gîtûmi; marakara mau maamavîvirie nwatî matiethomithia ûndû.

Isaia 47:11

Nwatî nîûkaanyitwa nî maûndû macûku, na ndûkaavota kûmenya kûrîa maumîte. Nîûkaanyitwa nî mathîna, na ndûkaavota kûmathiria, maûndû ma gûkûthiria nîmagaaûka kûrî we wa rîmwe, marîa ûtanamenya ûvoro wamo.

Isaia 47:7

Weîrire atî nîûtûûra wî mûndûmûka mûthamaki tene na tene, na ndweciria maûndû mama ngororî yaku, kana wîciria ûrîa gûgekara mûthiiarî.

Isaia 57:11

Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Jeremia 18:11

Kwoguo rîu, îra andû a Juda na atûûri a Jerusalemu atî nie Ngai-Mûnene, nînîravanga maûndû macûku îgûrû rîao. Nînîravanga ûrîa ngûmaverithia. Garûrûkani muonthe, wa mûndû atigane na mîthiîre yake mîcûku, mûrûngarie mîthiîre yenyu na ciîko cienyu.

Jeremia 22:10

Andû a Juda mûtikarîrîre mûthamaki Josia kana mûmûcakaîre. Nwatî rîrani na vinya nîûndû wa mûvîcî Joahazu, nîûndû ndagaacoka rîngî kwona vûrûri ûrîa aaciarîrwe.

Ezek 21:3

Îra vûrûri wa Isiraeli atî nie Ngai-Mûnene mbugîte nîngûcomora rûviû rwakwa kuuma njûrarî na mbûrage andû aro wana arîa aganu nîmarute kûrî we.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Malaki 2:2

ethîrwa tîmûnthikîrîria na mwonanie na ciîko cienyu atî nîmûmveete gîtîîo, nîngûmûretera kîrumi, na ndûme irathimo cienyu cionthe ituîke kîrumi. Nama nînîirumîte nîûndû ûvoro wa kûndîîa ndûrî ngororî cienyu.

Ndari 23:10

Njiarwa cia Isiraeli ciîngîvîte ta rûkûngû, nî eengî mûno ûndû matangîtarîka. Tiga nthirie mîthenya yakwa ta ûmwe wa andû a Ngai. Tiga ngue na thayû ta mûndû mûthingu.”