Isaia 55:9 - ÎVUKU RÎA ÛVORO MWARO

⁹ Nîûndû wata ûrîa îgûrû rîrî kûraca na nthî, nwaguo njîra ciakwa irî kûraca na cienyu, na nwaguo meciria makwa makîrîte menyu.

Isaia 55:9 ပူးပေါင်းရင်းမြစ်များ

2Sam 7:19

Nwatî wonete kau karî kaûndû kanini we Mwathani Ngai-Mûnene. Nîûthondekete ciîranîro îgûrû rîgiî njiarwa ciakwa mîaka mîîngî îgaaûka. Na nîwîtîkîrîte mone ûndû ûyû, we Mwathani Ngai-Mûnene!

Thaburi 103:11

Nîûndû ta ûrîa îgûrû na nthî iracavanîrîrîtie, nwaguo wendo wake ûtathiraga ûrî mwîngî kûrî arîa mamwîtigîrîte.

Thaburi 36:5

We Ngai-Mûnene, wendo waku ûtathiraga ûkinyîte îgûrû; wîvokeku waku ûkinyîte matuurî.

Thaburi 77:19

We nîwathiîrîre îriarî; nîwavîtûkîrîre îriarî kûrîa kûriku, nwatî makinyo maku mationeka.

Thaburi 89:2

Nîmbicî atî wendo waku nîûtûûra tene na tene, na wîvokeku waku wîkindîrîtie ta ûrîa îgûrû rîîkindîrîtie.

Thaburi 92:6

Mûndû kîrimû ndangîmenya ûndû, mûndû mûritu ndangîtaûkîrwa nîûndû ûyû,

Isaia 14:24

Ngai-Mûnene mwene vinya wonthe evîtîte akauga atîrî, “Ûrîa mvangîte nîguo gûgeekîka, na ûrîa nduîte nîguo gûkaavinga.

Mathaayo 11:25

Kavinda kau Jesû nîwaugire atîrî, “Vava, Mwathani wa îgûrû na nthî! Nie nîragûcokeria ngatho nîûndû nîûthithîte maûndû mama andû arîa aûgî na amenyi na ûkamaguûria kûrî andû arîa matarî na ûmenyo.