Isaia 55:2 - ÎVUKU RÎA ÛVORO MWARO

² Nîndûî gîtûmaga mûtûmîre mbeca na kîndû gîtangîvaithia mûndû? Nîndûî gîtûmaga mûrutîre wîra kîndû gîtangîvaithia mûndû? Nthikîrîriani na kinyi na mûrîcage kîndû kîrîa Kîamro, na mwîkenagie na indo irîa noru.

Isaia 55:2 ပူးပေါင်းရင်းမြစ်များ

Thaburi 22:26

Athîni makaarîa nginya mavae, arîa magoocaga Ngai-Mûnene nî makaamûkumia. Marotûûra mûrî athatûke tene na tene!

Thaburi 34:11

Ûkani kûrî nie mue anake mûnthikîrîrie, nîngûmûthomithia kûgooca Ngai-Mûnene.

Thaburi 36:8

Marîcaga irio nyîngî irîa ûmavecaga; na nîûmavecaga gîa kûnyua kuuma rûnjîrî rwa wega waku.

Thaburi 63:5

Nîmbîganîrîte ta ûrîa mûndû arîte irio mbaro, na nîngaakwinîra nyîmbo cia gûgûkumia ngenete.

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Nthi 1:33

Nwatî ûrîa ûnthikagîrîria ekaraga arî na thayû, ekaraga atarî na guoya, na atagwîtigîra maûndû macûku.”

Nthi 7:23

nginya îkarathîrwa vo na mûguî ûgatûrîkania nginya mararî; wata ûrîa gîconi kîvinyûraga mûtegorî wa rîmwe; mwanake ûcio ndaamenyaga atî nwa ate mwoyo wake.

Nthi 8:32

“Na rîu ciana ciakwa, nthikîrîriani, mûngîka ûrîa nîramwîra, nîmûgaakena.

Nthi 9:5

“Ûkani mûrîe irio irîa nîmûvarîrîrîtie, na mûnyue ndivei mbaro îrîa mvarîrîrîtie.

Mûvunjia 6:2

Ngai avecaga andû ûtonga, indo, gîtîîo na nîguo ndagature kîndû wa kîonthe kîrîa eriragîria. Nwatî Ngai ndetîkagîria mûndû akenerere indo icio. Vandû va ûguo indo icio vamwe na ûtonga irîcagwa nî mûndû wîngî. Ûcio nî wîra wa mana na nî mûcûku mûno.

Isaia 1:19

Ethîrwa nîmûgûîtîkîra kûmbathîkîra, nîmûkaarîa maciaro maro ma nthî.

Isaia 10:27

Vîndî îo, nîngaamwaûra mûrigo ûrîa Asîria mamwigîrîrîte, na munange îcoki rîrîa mamwigîrîrîte ngingo.”

Isaia 25:6

Kîrîmarî gîkî gîa Zayuni, nîkuo Ngai-Mûnene mwene vinya wonthe akaavarîrîria andû onthe kîrugo Kîam nyamû noru, ndivei îrîa mbaro ya kûvivwa, nyamû noru irî na maguta mavîndîrî na ndivei îno ntheru îvivîtwe waro.

Isaia 44:20

Mûndû ûcio arîcaga mûu, nîûndû meciria make nîmo mamûveenetie, akaremwa nî kwîvonokia wana kana kuga atîrî, “Kinthî tî maveeni nyitîte na njara yakwa ya ûrîo?”

Isaia 46:6

Andû arîa metûrûraga thaavu kuuma mîvukorî yao, makîthimaga sîlûva na ithimi ciao, mandîkaga mûturi wa thaavu, nake akathondeka mûvuanano wa ngai yao; nao macokaga makamîturîria maru makamîgooca!

Isaia 51:1

Ngai-Mûnene arauga atîrî, “Tanthikîrîriani mue mwendaga gûkûûrwa, mue mûnjaragia nie Ngai-Mûnene. Îcirieni ûvoro wa îthiga varîa mwaumire, na ûvoro wa kware varîa mwenjirwe.

Isaia 51:4

“Andû akwa, tanthikîrîriani, ta ndegerani matû mue rûrîrî rwakwa; nîûndû nie nînie ngaamûretere watho na kîvooto, nacio nîigaatuîka ûtheri kûrî andû.

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Isaia 62:8

Ngai-Mûnene nîevîtîte na njara yake ya ûrîo, nîakaavingia mwîvîtwa ûcio na vinya wake akiugaga atî: “Ndikaava nthû cienyu irio cienyu rîngî, na ageni matikaanyua rîngî ndivei îrîa mûnogerete.

Isaia 62:9

Nwatî mue mwaikethire nîmue mûkaairîcaga, na mûngumagie, nie Ngai-Mûnene. Namue arîa mûvivaga ndivei îo, nîmue mûkaamînyunyaga mûrî ivaarorî cia hekarû yakwa.”

Isaia 65:23

Matikaarutaga wîra ûtarî na umithio, kana magîa na ciana cia kûnyitagwa nî mathîna; nîûndû nîngaamarathimaga o ene wa vamwe na njiarwa ciao.

Jeremia 12:13

Andû akwa maavandire ngano, maakethire mîgua, marutaga wîra na vinya, nwatî mationaga umithio. Nîmagaconoka moona kîrîa maketha, nîûndû wa marakara manene ma Ngai-Mûnene.”

Jeremia 17:24

Ngai-Mûnene arauga atîrî, “Mûngînthikîrîria na mûrege gûkuua kîndû mûthenya wa thavatû mûkîvîtûkîrie ivingorî cia îtûûra rîa Jerusalemu, nwatî mûririkanage mûthenya wa thavatû mûwamûrage na mûtikarute wîra mûthenya ûcio,

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Jeremia 31:14

Nîngaavaithia athînjîri-Ngai na indo mbaro, na mvingîrie andû akwa maavata mao monthe. Ûguo nîguo nie Ngai-Mûnene nauga.”

Hosea 12:1

“Andû a Efiraimu maguîmaga rûkûngi, marûmanagîrîria na rûkûngi rwa mwena wa îrathîro mûthenya mûgima. Maveeni na mbaara nîciongererekaga gatagatî kao. Nîmanyitanagîra a Asîria na makavûra mbiacara na Misiri.”

Hosea 8:7

Mavandaga rûvuvo, na magaaketha rûkûngi rûnene! Mîmera yao ya ngano ndîgaciara wanarî kîndû, na îngîgaciara, maciaro mayo makarîwa nî ageni.

Habakuku 2:13

Anga tî kuuma kûrî Ngai-Mûnene mwene vinya wonthe, wîra wao mwîngî ûragîra mwakirî, na mavûrûri menogagia mana.

Mathaayo 15:9

Ûgooci ûrîa mamvecaga ndûrî vata, nîûndû o mathomithanagia mawatho marîa mathondeketwe nî andû, takwa arî mo mawatho makwa.’ ”

Mathaayo 22:4

Nake nîwacokire agîtûma ndungata ciîngî na agîciîra atîrî, ‘Îrani andû arîa metîtwe kîrugorî atî: Îruga rîakwa nîrîvarîrie. Ndegwa na njaû irîa noru nî nthînje na irio nî mvîu; ûkani îrugarî rîa ûviki!’

Mathaayo 5:6

Kûrathimwa nî arîa mavûtagîra na makanyondera maûndû ma ûthingu; nîûndû nîmakaavaithua!

Maariko 7:14

Jesû nîwacokire agîîta andû mathiî varî ke rîngî na akîmeera atîrî, “Tanthikîrîriani muonthe na mûtaûkîrwe.

Luka 15:23

Mûcoke mûthînje karegwa karîa kanoru viû nîguo tûkarîe tûkenete,

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

Aroma 10:17

Kwoguo wîtîkio umanaga na kwîgua ûvoro mwaro, naguo Ûvoro Mwaro umanaga na kûvunjia ûvoro wîgiî Kristû.

Aroma 9:31

Andû a Isiraeli nîmaacaragia watho ûrîa mangîrûmîrîra nîguo matuîke athingu nwatî nîwaturire.

Gûco 11:13

“Kwoguo, athîkagîrani maathani marîa ngûmûva ûmûnthî; endagani Ngai-Mûnene Ngai wenyu na ngoro yonthe na mûmûtungatagîre na mwoyo wonthe.

Ahib 13:9

Mûtigetîkîre kûvîtithua nî mîthomithanîrie mîgeni îrîa îrî kuo ya mîthemba mîîngî. Nî waro ngoro igîcage na vinya kuuma kûrî wega wa Ngai, nwatî tî kuumana na kwathîkîra mawatho megiî irio. Nîûndû arîa mathîkagîra mawatho mama matîtethekaga nîmo.