Isaia 55:12 - ÎVUKU RÎA ÛVORO MWARO

¹² “Mûkaauma Babuloni mûkenete; na mûthiîcage mûtongoretue nî thayû. Irîma na tûrîma nîikaaina irî mbere yenyu, nayo mîtî yonthe ya kîthaka nîkaamûvûrîra mvî.

Isaia 55:12 ပူးပေါင်းရင်းမြစ်များ

Thaburi 105:43

Kwoguo nîwatongoririe andû ake makiuma vûrûrirî, andû ake maaumire kuo makinaga marî na gîkeno.

Thaburi 47:1

Mue andû onthe, vûrani mvî na mugîrîrie! Kumiani Ngai na nyîmbo mugîrîrîtie!

Thaburi 65:12

Kûndû gwa kûrîthua gwîcûrîte ndîthia ya ng'ondu; irîmarî gwîcûrîte ikeno.

Thaburi 65:13

Mîgûndarî gwîcûrîte ng'ondu; ciandarî gwîcûrîte ngano. Indo cionthe nîirakûngûîra nî gûkena.

Thaburi 69:34

Mue îgûrû na nthî, kumiani Ngai, maria na ciûmbe cionthe irîa irî kuo, mûkumieni.

Isaia 14:8

Mîthithinda na mîtarakwe ya Lebanoni nîîrakena, îrakenerera kûgwa kwa mûthamaki îkiugaga atî, ‘nîûndû rîu nîûgwîthîtue, gûtirî mûndû ûgaaûka gûtûtema!’

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.

Isaia 44:23

Kenani mue arîa onthe mûtûûraga îgûrû, nîûndû Ngai-Mûnene nîekîte ûguo! Anîrîrani mue nthî kûrîa kûriku! Inani mûkenete mue irîma, mîtitû na mîtî yonthe îrîa îrî kuo! Nîûndû Ngai-Mûnene nîakûûrîte Jakovu, na nîatûûra akumagua vûrûrirî wa Isiraeli.

Isaia 48:20

Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”

Isaia 49:13

Mue îgûrû inani mûkenete! Wanamue nthî kenani! Mue irîma ambîrîriani kwina! Nîûndû Ngai-Mûnene nîaûmîrîrîtie andû ake, na nîakeguîra ntha andû ake arîa marathînîka.

Isaia 51:11

Andû arîa aku wakûûrire we Ngai-Mûnene nîmagaacoka, magaakinya Zayuni makinaga, magecûrwa nî gîkeno gîa tene na tene. Nîmakaagîa na gîkeno na macanjamûke, kîeva na kîmako nîikaathira viû.

Isaia 52:9

Mue kûndû kûrîa gûcûkangu kwa Jerusalemu, ambîrîriani kwina vamwe mûkenete. Nîûndû Ngai-Mûnene nîavoreretie andû ake, nîakûûrîte Jerusalemu.

Isaia 54:10

Irîma nwa ithengute vo, na tûrîma tûkarutwa vo, nwatî wendo wakwa ûtathiraga ûrîa ngwendete naguo ndûkaathenguta kûrî we, na kîrîkanîro gîakwa Kîam thayû gîtikaathengutua.” Ûguo nîguo Ngai-Mûnene ûrîa ûkwîgucagîra ntha arauga.

Isaia 54:13

“Nie Ngai-Mûnene nînie ngathomithia ciana ciaku, na nîikaagîa na thayû mwîngî.

Jeremia 29:11

Nîûndû, nie Ngai-Mûnene nîmbîcî mîvango îrîa nîrî nayo kûrî mue, mîvango ya maûndû maro na tî maûndû macûku nîguo mûtûûrîre wenyu wa vîndî îrîa îgaûka wîthîrwe ûrî na kîîrîgîrîro.

Jeremia 30:19

Atûûri a Jerusalemu nîmakaaina nyîmbo cia kûgooca, nîmakaugîrîria nî gûkena, nîngatûma mongerereke na matikanyiva; nîngatûma matîwe na matikairwa.

Jeremia 33:11

andû makiugîrîria macanjamûkîte nî gûkena, andû makiugîrîria marî kîrugorî Kîam ûviki. Nîmûkegua andû makina makenete makîrete maketha ma gûcokia ngatho hekarûrî ya Ngai-Mûnene makiugaga, ‘Kumiani Ngai-Mûnene mwene vinya wonthe, nîûndû nî mwaro, nîûndû wendo wake ûtathiraga nîwa tene na tene.’ Nîngatûma vûrûri ûyû ûgîe na maûndû maro wata ûrîa wekariî mbere. Ûguo nîguo nie Ngai-Mûnene nîrauga.”

Jeremia 33:6

Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.

Ezek 17:24

Nayo mîtî yonthe kûu vûrûrirî nîkaamenya atî nie nînie Ngai-Mûnene. Nîmvotaga gûtûma mîtî îrîa mîraca îtuîke mîkuvî na mîtî îrîa mîkuvî îtuîke mîraca. Nînyûmagia mîtî îrîa mîthî na îrîa mîûmû ngatûma îtuîke mîthî. Nie Ngai-Mûnene nînie mbugîte ûguo, na nîngeka guo.”

Luka 15:10

Nîramwîra atî, ûguo nwa guo araika a Ngai makenagîra mwîvia ûmwe ûrîa wîrirîte mevia make.”

Aroma 15:13

Nake Ngai, ûrîa arî ke kaumo ka mwîvoko wetû, aromwîcûria gîkeno na thayû nîûndû wa ûrîa mûmwîtîkie nîguo na njîra ya vinya wa Roho Mûtheru, wîtîkio wenyu ûthiî na mbere gûkûra.

Aroma 5:1

Na rîu, nîûndû nîtûtuîtwe athingu nî Ngai na njîra ya gwîtîkia, nîtwîgucanîte na Ngai na njîra ya Mwathani wetû Jesû Kristû.

Aroma 5:11

Na twa ûguo tu, nwatî nîtûkenete nî Ngai nîûndû na njîra ya Jesû Kristû nîtûtuîkîte arata ake.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Akol 1:11

Ngai aromûvotithia kûgîa na vinya îrîa yumanaga na ûvoti wa riiri wake, nîguo mûvote kûmîrîria maûndû monthe mûkirîrîtie na mûrî na gîkeno.