Isaia 55:1 - ÎVUKU RÎA ÛVORO MWARO

¹ Ngai-Mûnene arauga atîrî, “Mue muonthe arîa anyondu ûkani mûnyue manjî! Ûkani, wanamue mûtarî na mbeca, gûrani irio mûrîe! Ûkani! Gûrani ndivei na îriia, mûtarî na mbeca na mûtarî kîndû!

Isaia 55:1 ပူးပေါင်းရင်းမြစ်များ

Thaburi 143:6

Nyambararîtie njara ciakwa kûrî we, ngoro yakwa îkûnyonderete ta ûrîa nthî nyûmû înyondagîra manjî.

Thaburi 63:1

We Ngai, nîwe Ngai wakwa, na nîrakwîrirîria na ngoro yakwa. Mwîrî wakwa wonthe nîûrakwîrirîria ta mûndû mûnyondu; ngûnyondete ta nthî nyûmû îtarî na manjî.

Nthi 8:4

“Mue andû onthe, nînîramwîta, nîaraugîrîria kûrî andû onthe a nthî.

Nthi 9:1

Ûûgî nîatumîte nyomba yake, ke nîetûmîrîte itugî mûgwanja.

Nthi 9:5

“Ûkani mûrîe irio irîa nîmûvarîrîrîtie, na mûnyue ndivei mbaro îrîa mvarîrîrîtie.

Rwîmbo rwa Nyîmbo 1:2

Nîkava ûûmumunye na mîromo yaku, nîûndû wendo waku nî mwaro gûkîra ndivei.

Rwîmbo rwa Nyîmbo 1:4

Mboca tûthiî nawe na îvenya, tuîka mûthamaki wakwa na ûmvire gwaku mûciî. Tûgakenaga tûrî vamwe, tûgakumagia wendo waku gûkîra ndivei. Aka onthe nîmakwendete.

Rwîmbo rwa Nyîmbo 5:1

Nînatonya mûgûndarî wakwa, mwendwa wakwa, mûviki wakwa. Nîraûngania mînyamû mînungi waro ya mare yakwa. Nîrarîa ûûkî wakwa na mago. Nîranyua ndivei yakwa na îriia. Arata, rîani na mûnyue, nginya mûrîwe nî wendo!

Isaia 1:19

Ethîrwa nîmûgûîtîkîra kûmbathîkîra, nîmûkaarîa maciaro maro ma nthî.

Isaia 44:3

“Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Isaia 52:3

Nîûndû Ngai-Mûnene arauga atîrî, “Mue mwendirue ûkomborî gûtarî kîndû mûrutîrîtwe; na mûgaakûûrwa mûtakûrutîrwa mbeca.

Maca 5:4

Nwa nginya tûrîve manjî marîa tûnyunyaga, na nwanginya tûgûre ngû.

Ezek 47:1

Mûndû ûrîa nîwanjokirie mûromorî wa hekarû. Vau manjî maumaga na rungu rwa mûromo na makanyûrûrûka mathiîte mwena wa îrathîro (nîûndû hekarû yaroretie mwena wa îrathîro). Manjî manyûrûrûkaga kuuma nthî mwena wa îveti wa hekarû mavîtûkîrîrîte mwena wa îveti wa metha ya kîgongoona.

Ezek 47:9

Kûrîa kuonthe rûnjî rûu rûthiîrîrîte gûkethagîrwa na nyamû cia mîthemba yonthe na nthamaki. Rûnjî rûu rûgatûma manjî ma îria rîa cumbî matuîke maro, na kûrîa rûkathiîrîra nîrûgaatûma ciûmbe igîe na mwoyo.

Hosea 14:4

Ngai-Mûnene arauga atîrî, “Nîngagarûra mîtugo yao ya kûrega gwîtîkia, wendo wakwa kûrî o ndûkethîrwa na kîthimi, nîûndû ndikarakara nîo rîngî.

Joeli 3:18

Vîndî îo, irîma nîikaanyûrûrûkia ndivei îrî na mûrîo, na irîmarî kumage îria, gûkethîrwa kûrî na manjî tûrûnjîrî tuonthe twa Juda. Gûkethîrwa kûrî na karûnjî nyombarî ya Ngai-Mûnene, karûnjî kau nîgakaathiîrîra Kîamndarî gîa Shitimu.

Zakaria 10:7

Andû a Efiraimu magaatuîka ta njamba cia vinya mbaara irî vinya, makaagîa na gîkeno ta andû manyuîte ndivei. Ciana ciao nîigaakena ciona ûguo, ngoro ciao nîigaakena nîûndû wa Ngai-Mûnene.

Zakaria 2:6

Ngai-Mûnene arera andû ake atîrî, “Ûkani! Umani kûu vûrûrirî wa mwena wa rûgûrû, kûrîa namûnyaganîtie mîena yonthe.

Zakaria 9:15

Ngai-Mûnene mwene vinya wonthe nîakaagitîra andû ake, na nîmakaavoota nthû ciao na mathiga ma ikûtha. Makaaugagîrîria marî mbaararî ta mîrîu ya ndivei, magîtûrûra nthakame ya nthû ciao, ta îcûrîte mbakûrirî, îkanyûrûrûka mîthiiarî ya metha ya kîgongoona.

Mathaayo 10:8

Vonagiani arwaru, riûkagiani arîa akuû, theragiani arîa marî na mûrimû mûcûku wa ngothi, na mûrutûrûrage ndaimono. Nie namûva ûvoti ûyû mana, kwoguo vecanagani mana.

Mathaayo 13:44

“Ûthamaki wa îgûrû wîkariî ta mûthithû ûthithîtwe mûgûndarî. Mûndû ûmwe nîwonire mûthithû ûcio na akîûthitha mûgûndarî ûcio rîngî. Ke nîwakenire mûno na akîthiî akîendia indo ciake cionthe na akîgûra mûgûnda ûcio.

Mathaayo 26:29

Nîramwîra atî nie ndigaacoka kûnyua ndivei îno rîngî nginya mûthenya ûrîa ngaamînyua îrî njerû tûrî namue Ûthamakirî wa Vava.”

Mathaayo 5:6

Kûrathimwa nî arîa mavûtagîra na makanyondera maûndû ma ûthingu; nîûndû nîmakaavaithua!

Ciîko 8:20

Nwatî Petero nîwamwîrire atîrî, “We wana mbeca icio ciaku mûroûra nîûndû we nîwîciragia atî nwa ûvote kûgûra kîveo Kîam Ngai na mbeca!

Aroma 3:24

Nwatî na njîra ya kîveo kîrîa kiumanaga na wega wa Ngai, andû onthe nîmatuîtwe athingu na njîra ya Jesû Kristû ûrîa ûmakûûrîte kuuma meviarî.

1Akor 3:2

Kîrîra kîrîa nie namûveere gîekariî ta îria nwatî tî ta irio ino nyûmû, nîûndû mue mûtingîavotire kûrîa irio ino nyûmû. Wana rîu mue mûtingîvota kûirîa,

1Pet 2:2

Tuîkagani ta tûkenge. Vîndî cionthe nyondagîrani îriia rîrîa rîtheru rîa Kîîroho nîguo mwarînyua mûkûre na mûvonokue.

Kûguû 21:6

Nake nîwaugire atîrî, “Maûndû nîmavinga! Nie nînie wa mbere na wa mûthiia, Kîambîrîria na Kîrîkîro. Mûndû wa wonthe mûnyondu nîngaamwîtîkîria anyue manjî kuuma ithimarî irîa ciumaga manjî marîa mavecanaga mwoyo atakûrîva.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.

Ruthu 4:1

Boazu nîwathiîre kîvingorî gîa îtûûra na agîkara nthî vo. Nake mûndû ûrîa wa kuuma mbarî ya Elimeleku Boazu aarîtie ûvoro wake nîwavîtûkîrîre vau. Boazu nîwetire mûndû ûcio na akîmwîra atîrî, “Mûrata wakwa, ûka wîkare nthî ava.” Kwoguo mûndû ûcio nîwathiîre varî Boazu na agîkara nthî vo.