Isaia 54:5 - ÎVUKU RÎA ÛVORO MWARO

⁵ Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Isaia 54:5 ပူးပေါင်းရင်းမြစ်များ

Ayubu 19:25

Nie nîmbîcî mûngûûri arî mwoyo, na mûthiiarî nîakaanjirîrîra na kîvooto.

Isaia 11:9

Kîrîmarî kîrîa kîtheru Kîam Ngai, gûtigativanua kana gwîkwa maûndû macûku. Nîûndû nthî îkethîrwa îcûrîte ûmenyo wa Ngai-Mûnene, ta ûrîa manjî methagîrwa mecûrîte îriarî.

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 43:14

Ngai-Mûnene Mûkûri wenyu Ûrîa Mûtheru wa Isiraeli arauga atîrî, “Nîngûtûma athigari a mbaara kûu Babuloni nîûndû wenyu, na nîngaaunanga ivingo cionthe cia îtûûra rîu, na gîkeno Kîam Akalidei nîgîgaatuîka macakaya.

Isaia 45:11

Ngai-Mûnene Ûrîa Mûtheru wa Isiraeli, ûrîa mûmûmbi arauga atîrî, “Nwa mûmbûrie ûvoro wa ciana ciakwa, kana mûmbathîre wîra ûrîa ndutaga nie mwene?

Isaia 48:17

Ngai-Mûnene Ûrîa Mûtheru wa Isiraeli mûvonokia waku, arauga atîrî, “Nie nînie Ngai-Mûnene, Ngai waku, nînie ngûrutaga maûndû ma gûkûguna, nînie ngûtongoragia njîra îrîa wagîrîrwe nî kûthiîrîra.

Isaia 48:2

Kûnarî ûguo mwîtîîaga mûgîîtanagia na îtûûra rîtheru, na mugaga atî mwîvokaga Ngai wa Isiraeli, ûrîa rîîtwa rîake nî Ngai-Mûnene mwene vinya wonthe.

Isaia 51:15

“Nie nînie Ngai-Mûnene Ngai wenyu, nînie ndûmaga îria rikie ndivû, na ngatûma makûmbî ma rîo marurume. Ngai-Mûnene mwene vinya wonthe nîrîo rîîtwa rîakwa.

Isaia 54:8

Nakûthithire ûthiû wakwa gwa kavinda kanini, nîûndû wa ûrîa natûmbîtwe nî marakara, nwatî nîngaakwîguîra ntha na wendo ûtathiraga.” Ûguo nîguo Ngai-Mûnene Mûkûri waku arauga.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Isaia 65:16

Kwoguo, mûndû wa wonthe vûrûrirî wenyu ûrîa ûkenda kûrathimwa, akaathiîcaga kûrathimwa nî Ngai ûrîa wa ma. Nake mûndû wa wonthe ûkevîtaga, akevîtaga akîgwetaga rîîtwa rîa Ngai ûrîa wa ma; nîûndû mathîna marîa makûrû nîmakaariganîra na ndikamaririkana rîngî.”

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 3:14

Ngai-Mûnene arauga atîrî, “Njokererani, mue ciana ciakwa mûtarî evokeku; nîûndû nînie mwathi wenyu; nîngamwoca ûmwe kuuma îtûûrarî rîmwe, na andû aîrî kuuma wa mûciî; na nîmûvire Zayuni.

Jeremia 51:19

Ngai wa Jakovu ndavana ta cio; nîûndû nîke waûmbire indo cionthe, na akîthuura mûvîrîga wa Isiraeli ûtuîke andû ake kîûmbe. Ngai-Mûnene mwene vinya wonthe nîrîo rîîtwa rîake.

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Hosea 2:16

Nie Ngai-Mûnene nîrauga atîrî: “Mûthenya ûcio we ûkambîta ‘Mûthuuri wakwa’ na ndûkambîta ‘Baali yakwa’ rîngî.

Hosea 2:18

Nîngarûtha kîrîkanîro na nyamû cia kîthaka, iconi cia rîerarî, vamwe na tûgunyû tûrîa tûkurumaga, na nîngathengutia ûta, rûviû, na indo cia mbaara vûrûrirî, na ndûme ûtûûre ûrî mûgitîre.

Zakaria 14:9

Ngai-Mûnene akethîrwa arî mûthamaki wa nthî yonthe, na nîke ûkethîrwa arî Ngai-Mûnene wenga na rîîtwa rîake rîkethîrwa rîrî rîo rîîtwa rîonga.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Luka 1:32

Nake nîagaatuîka mûndû mûnene na nîagetagwa Mûrû wa Ûrîa ûrî Îgûrû Mûno. Mwathani Ngai nîakaamûtua mûthamaki wata Daudi, îthe wake wa tene.

Johana 3:29

Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

Aefeso 5:32

Gîcunjîrî gîkî Kîam mandîko matheru varî na nthitho ya vata mûno, na nîrona atî ciugo ino iraria ûvoro wîgiî Kristû na kanitha.

Josh 3:11

Taroriani, îthandûkû rîa kîrîkanîro Kîam Mwathani wa nthî yonthe rîkaaringa rûnjî rwa Jorodani,

Josh 3:13

Athînjîri-Ngai arîa makuuîte îthandûkû rîa Kîrîkanîro Kîam Ngai-Mûnene wa nthî makaathiî marî mbere yenyu. Rîrîa magûrû mao magaakinya manjî, rûnjî rwa Jorodani nîrûgaatiga kûthiî. Manjî marîa maranyûrûrûka makeyûmbanîrîra vandû vamwe.”

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”