Isaia 54:17 - ÎVUKU RÎA ÛVORO MWARO

¹⁷ Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Isaia 54:17 ပူးပေါင်းရင်းမြစ်များ

Ayubu 1:11

Nwatî ta oca ûtonga ûcio wake wone agîkûruma ûkîonaga!”

Ayubu 2:5

Nwatî rîu ta vutia mwîrî wake na wone nîakûruma wa ûmûroretie.”

Ayubu 42:7

Ngai-Mûnene arîkia kwaria a Ayubu nîwacokire akîîra Elifazi Mûtemani atîrî, “Nîrî mûrakaru mûno nîûndû waku, vamwe na arata aku aîrî; nîûndû matianaria ûvoro ûmbîgiî ta ûrîa Ayubu ndungata yakwa yekaga.

Thaburi 32:6

Kwoguo andû onthe arîa makûrûmagîrîra nîmakûvoyage vîndî cionthe, vîndî îrîa mathîna maûka ta mwîcûro wa manjî, matigaakinyagîrîrwa nî mo.

Thaburi 61:5

We Ngai, nîwîguîte ciîranîro ciakwa, na nî ûmvete îgai rîrîa ûvecaga arîa magwîtigîrîte.

Thaburi 71:16

Nîngaanîrîra ciîko ciaku cia vinya, we Mwathani Ngai-Mûnene; nîngaanîrîra atî we wenga tu, nîwe mûthingu.

Thaburi 71:19

Ûthingu waku we Ngai, ûkinyîte matuurî, we nîwîkîte maûndû manene. We Ngai, nû wîkariî tawe?

Isaia 17:12

Aia, ûcio nî mûrurumo wa andû eengî, mararuruma ta ûrîa îria rîrurumaga. Aia, nî mûrurumo wa ndûrîrî, irî na mûrurumo ta wa manjî meengî.

Isaia 26:2

Vingûrani ivingo cia îtûûra, nîguo vûrûri ûrîa mûthingu, na ûrîa mwîvokeku ûtonye ndaarî.

Isaia 29:8

Mavûrûri monthe marîa matharîkagîra Kîrîma gîa Zayuni magekara ta mûndû arî mûvûtu akîrota akîrîa irio, kana ta mûndû mûnyondu akîrota akînyua manjî, nwatî akîramûka akethîra arî mûnogu na arî mûnyondu.

Isaia 3:10

Andû arîa athingu nîmagaakena, nîmakaarîa matunda ma maûndû marîa mekîte.

Isaia 40:2

Arîriani andû a Jerusalemu na ûvoreri. Na mûmeere atî ûkomborî ûrîa mararî nîwathira, na mevia mao nîmoverwa. Na atî Ngai-Mûnene amaverithîtie kwîgana nîûndû wa mevia mao monthe.”

Isaia 41:11

“Taroria, arîa onthe maakûrakarîre nîmagaaconoka na maconorithue. Arîa magianaga nawe magaatuîka kîndû vatarî na nîmagaakua.

Isaia 46:13

Nîngûrete mûthenya wakwa wa kûmûvonokia vakuvî, ndûrî varaca, mûthenya wa kûmûvonokia tîwîkara mûno. Nîngaavonokia Zayuni na monie Isiraeli riiri wakwa.”

Isaia 50:8

nîûndû Ngai arî vakuvî. Nû ûgaaciira nanie? Nîaûke tûthiî îgootirî tûgaciire vamwe. Nthû yakwa nû? Nîaûkaûke vakuvî nanie.

Isaia 50:9

Taroria Mwathani Ngai-Mûnene nîke ûndethagia. Nû ûngîvota kûnduîra atî nîrî na mavîtia ciirarî? Onthe makaathira ta nguo; nîmakaarîwa nî igunyû.

Isaia 51:5

Gûkûûrana gwakwa kûrî vakuvî, naguo ûvonokio wakwa nî mwambîrîriu kwoneka. Nie mwene nînie ngaatha mavûrûri; andû arîa matûûraga mavûrûrirî ma kûraca nîmambetererete, na mevokete nîmavonokie.

Isaia 54:15

Mûndû wa wonthe angîgaaûka gûkûtharîkîra, ndakethîrwa atûmîtwe nînie; ûrîa wonthe ûgaakûtharîkîra, nîûkaamûvoota.

Isaia 54:16

“Taroria, nînie naûmbire mûturi wa indo cia cuuma, ûrîa ûvurutaga mwaki wa makara, agacoka agatura indo cia mbaara naguo. Na nwanie naûmbire mûndû ûrîa ûcûkangagia akathiria.

Isaia 58:14

nîûkaagîa na gîkeno kîrîa mvecaga arîa mandungatagîra, na ngûvecage ûvootani maûndûrî monthe ma gûkû nthî, na nîngaatûma ûkenagîre vûrûri ûrîa nagaîre aguo, Jakovu. Nînie, Ngai-Mûnene nauga ûguo.”

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Jeremia 23:6

Îvindarî rîake andû a Juda nîmakavonokua, nao andû a Isiraeli matûûre marî na thayû. Agetagwa, ‘Ngai-Mûnene nîke ûthingu wetû.’

Danieli 3:26

Kwoguo Nebukadinezarû nîwathiîre vakuvî na mûromo wa varîa mwaki ûcio warî na agîtana augîrîrîtie atîrî, “Shadiraka, Mîsheki na Abendinego, ndungata cia Ngai ûrîa Mûnene mûno, umani mûke ava!” Nao Shadiraka, Mîsheki na Abendinego nîmaumîrire mwakirî ûcio mûnene.

Danieli 6:20

Rîrîa aakuvîvîrie îrima, nîwetire Danieli arî na kîeva kîngî mûno na akîmwîra atîrî, “Ûûi Danieli, ndungata ya Ngai ûrîa ûtûûra mwoyo! Ngai ûrîa ûtungatagîra wa mûthenya nîaravotire gûgûtethûra kûrî mînyambû?”

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Aroma 10:4

Nîûndû Kristû nîwathiririe watho nîguo mûndû wa wonthe ûmwîtîkîtie etîkîrîke nî Ngai.

Aroma 3:22

Ngai atucaga andû onthe athingu na njîra ya gwîtîkia Jesû Kristû. Ngai ekaga ûguo kwî andû onthe arîa metîkîtie nîûndû ndathuurûkanagia.

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Afil 3:9

tûtuîke kîndû kîmwe nake viû. Rîu ndiîthagîrwa nîrî na ûthingu wakwa nie mwene ûrîa umanaga na watho. Nîrî na ûthingu wa Ngai, ûrîa ûvecanagwa nîûndû wa gwîtîkia Jesû Kristû. Ûthingu ûcio uumaga kûrî Ngai na njîra ya wîtîkio.

Josh 24:10

Nwatî ndingîetîkîrie Balaamu amûruma kîrumi, îthenya rîa ûguo Balaamu nîkwa aamûrathimire. Kwoguo nînaamûvonokirie kuuma kûrî Balaki.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

Kûguû 12:10

Nînacokire ngîgua mûgambo mûnene kuuma îgûrû ûkiuga atîrî, “Ûvonokio, ûvoti, Ûthamaki wa Ngai wetû na wathani wa Mesaya wake rîu nîûrîkîtie gûka! Nîûndû mûcukani ûrîa warûngamaga mbere ya Ngai wetû na agacuka ariû na aarî a îthe wetû ûtukû na mûthenya nîaikîtue nthî

1Sam 23:17

Jonathani nîwerire Daudi atîrî, “Tiga gwîtigîra, nîûndû vava Saûlo ndangîkûraga. We nîûgaatuîka mûthamaki wa Isiraeli nanie nîngaatuîka mûnini waku na vava Saûlo nîwicî ûguo.”