Isaia 54:16 - ÎVUKU RÎA ÛVORO MWARO

¹⁶ “Taroria, nînie naûmbire mûturi wa indo cia cuuma, ûrîa ûvurutaga mwaki wa makara, agacoka agatura indo cia mbaara naguo. Na nwanie naûmbire mûndû ûrîa ûcûkangagia akathiria.

Isaia 54:16 ပူးပေါင်းရင်းမြစ်များ

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Nthi 16:4

Ngai-Mûnene aaûmbire indo cionthe irî na itûmi ciacio, wana mûthiia wa andû arîa aganu nî kûthirua.

Isaia 10:15

Îthanwa nwa rîtîîre mûndû ûrîa ûrarîtûmîra? Mûcumano nwa wîneneverie mûndû ûrîa ûtinagia naguo? Nîkwa rûthanju rûngîambararia mûndû ûrîa ûrûkagîrîria, kana mûragi ûkîrîrie mûndû ûrîa ûûtûmagîra!”

Isaia 37:26

“Senakeribu nîkwa ûteguîte atî naavangire ûndû ûyû kuuma tene? Ûrîa nîreka rîu naaûvangire kuuma tene. Nakûveere vinya wa kwomomora matûûra marîa mairigîre matuîke maganjo.

Isaia 46:11

Nîngeta mûndû kuuma mwena wa îrathîro; mûndû kuuma vûrûri wî kûraca, nîguo eke maûndû marîa mbîrîgîrîrîte gwîka. Nînie mbugîte ûguo na nîngaavingia; nînie mvangîte ûguo na nîngeka guo.

Isaia 54:15

Mûndû wa wonthe angîgaaûka gûkûtharîkîra, ndakethîrwa atûmîtwe nînie; ûrîa wonthe ûgaakûtharîkîra, nîûkaamûvoota.

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Zakaria 1:20

Ngai-Mûnene nîwacokire akîmonia aturi ana a cuuma.

Zakaria 2:1

Nînaroririe na ngîona kûrî na mûndû warî na rûrigi rwa kûthima arûgwete na njara.

Zakaria 2:4

na akîmwîra atîrî, “Vinyûra ûthiî wîre mwanake ûrîa ûrî na rûrigi rwa kûthima atî ‘Îtûûra rîa Jerusalemu nîrîtuîka îtûûra rîtarî ririgîre na rûthingo nîûndû rîkethagîrwa na andû eengî mûno na nyamû nyîngî mûno cia kûrîthua.

Johana 19:11

Nake Jesû nîwamûcokerie atîrî, “We ndûrî na ûvoti wa kûmbîka wanarî ûndû ethîrwa ûvoti ûcio ndûvetwe guo nî Ngai. Kwoguo mûndû ûrîa ûmindire kûrî we arî na wîvia mûnene makîria.”

1Sam 13:19

Vîndî îo gûtiarî mûturi wa indo cia cuuma wanarî ûmwe vûrûrirî wonthe wa Isiraeli, nîûndû Afilisiti nîmaageretie mûno kûgiria Ahibirania mathondeka mviû na matumû.