Isaia 54:13 - ÎVUKU RÎA ÛVORO MWARO

¹³ “Nie Ngai-Mûnene nînie ngathomithia ciana ciaku, na nîikaagîa na thayû mwîngî.

Isaia 54:13 ပူးပေါင်းရင်းမြစ်များ

Thaburi 119:165

Andû arîa mendete watho waku marî thayû mwîngî, gûtirî ûndû ûngîmavînga.

Thaburi 119:33

We Ngai-Mûnene, nthomithia kwathîkîra maathani maku, na nîngaamarûmîrîra nginya mûthiia.

Thaburi 147:14

Nîagitagîra mîvaka yenyu, nîakûvecaga ngano îrîa mbaro.

Thaburi 71:17

We Ngai, ûtwîre ûnthomithagia kuuma nîrî mûnini, na managîrîre ciîko ciaku cia magegania.

Isaia 11:9

Kîrîmarî kîrîa kîtheru Kîam Ngai, gûtigativanua kana gwîkwa maûndû macûku. Nîûndû nthî îkethîrwa îcûrîte ûmenyo wa Ngai-Mûnene, ta ûrîa manjî methagîrwa mecûrîte îriarî.

Isaia 2:3

Andû eengî nîmakaathiî kuo na mauge atîrî, “Ûkani, tunûkie kîrîmarî Kîam Ngai-Mûnene, tûthiîni nyombarî ya Ngai wa Jakovu, nîguo atûthomithie mîthiîre yake, natue tûrûmagîrîre njîra ciake. Nîûndû watho ûkaauma Zayuni, na ndûmîrîri ya Ngai-Mûnene îkaauma Jerusalemu.”

Isaia 26:3

We Ngai-Mûnene, arîa magwîtîkîtie, nîûmaigaga marî na thayû mûkinyanîru, nîûndû nwawe mevokete.

Isaia 28:9

Manthekagîrîra makîûragia atîrî, “Mûrathi ûcio arenda kûthomithia û? Areciria nîagûtûtarîria ndûmîrîri yake? Tue tûrî ciana cia ngenge irîa iratigithirue kwonga?

Isaia 29:24

Andû arîa ariitu nîmakaagîa na ûmenyo, nao arîa manugunaga nîmagetîkîra kûthomithua.”

Isaia 48:18

“Naarî kethîrwa nîweguîte maathani makwa! Thayû ûngîakûnyûrûrûkîre ta rûnjî, ûngîagîre na ûthingu mwîngî ta makûmbî ma manjî.

Isaia 50:4

Mwathani Ngai-Mûnene nîanthomithîtie ûrîa nguga, nîguo mvote kûmîrîria arîa mathirîte vinya. Wa kîraûko nîamvecaga wendi wa kûthikîrîria ûrîa arenda kûnthomithia.

Isaia 54:12

Nîngaatuma nyomba ciaku ndaca na mathiga marîa matune, nacio ivingo ciaku nîitume na mathiga marîa makanaga ta mwaki, naruo rûthingo rwaku ruonthe rûtumwe na mathiga ma goro.

Isaia 55:12

“Mûkaauma Babuloni mûkenete; na mûthiîcage mûtongoretue nî thayû. Irîma na tûrîma nîikaaina irî mbere yenyu, nayo mîtî yonthe ya kîthaka nîkaamûvûrîra mvî.

Isaia 66:12

Ngai-Mûnene arauga atîrî, “Ngaava îtûûra rîa Jerusalemu ûtonga mwîngî ta rûnjî, na ûtonga wa ndûrîrî ûgeecûra kuo ta rûnjî rûrî rwîcûru. Namue mûkoonga na mûkuuagwe ta mwana wa rûkenge, na mûthathawe ta mwana athathaagwa arî cierorî cia ng'ina.

Jeremia 31:34

Gûtirî mûndû ûgaacoka kûthomithia ûrîa wîngî akîmwîraga atî, ‘Menya Ngai-Mûnene,’ nîûndû andû onthe, anini na anene, nîmakaamenya. Nîngamarekera mavîtia mao na ndikaririkana mevia mao rîngî. Ûguo nîguo Ngai-Mûnene arauga.”

Jeremia 33:6

Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.

Ezek 34:25

Nîngaarûtha kîrîkanîro Kîam thayû nacio. Nîngaaruta nyamû cia kîthaka kuuma vûrûrirî nîguo ng'ondu ciakwa itûûre irî ngitîre kûu werûrî na imamage mûtitûrî.

Ezek 34:28

Itigaatavwa nî ndûrîrî ciîngî, kana ciûragwa kana irîwa nî nyamû cia kîthaka. Igaatûûra irî ngitîre na itakûmakua nî kîndû.

Ezek 37:26

Nîngaathondeka kîrîkanîro Kîam thayû nao na gîkethîrwa kîrî gîa gûtûûra tene na tene. Nîngaamarathima na ndûme mongerereke, na nîngaatuma hekarû yakwa vûrûrirî wao îtûûrage kuo tene na tene.

Hosea 2:18

Nîngarûtha kîrîkanîro na nyamû cia kîthaka, iconi cia rîerarî, vamwe na tûgunyû tûrîa tûkurumaga, na nîngathengutia ûta, rûviû, na indo cia mbaara vûrûrirî, na ndûme ûtûûre ûrî mûgitîre.

Mika 4:2

Na andû a mavûrûri mengî nîmakaauga atîrî, “Ûkani tunûkie kîrîmarî Kîam Ngai-Mûnene, tûthiî hekarûrî ya Ngai wa Isiraeli, nîguo agatûthomithie mîthiîre yake, natue tûrûmagîrîre njîra ciake. Nîûndû watho ûkauma Zayuni, na kiugo Kîam Ngai-Mûnene gîkauma Jerusalemu.”

Zakaria 10:7

Andû a Efiraimu magaatuîka ta njamba cia vinya mbaara irî vinya, makaagîa na gîkeno ta andû manyuîte ndivei. Ciana ciao nîigaakena ciona ûguo, ngoro ciao nîigaakena nîûndû wa Ngai-Mûnene.

Mathaayo 16:17

“Kûrathimwa nîwe Simioni mûrû wa Jona. Tî mûndû ûkûmenyithîtie ûûma ûyû, nwatî nî Vava ûrîa ûrî îgûrû.

Luka 24:45

Nake Jesû nîwamavotithirie gûtaûkîrwa nî Mandîko,

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Johana 6:45

Kwandîkîtwe mavukurî ma arathi atî, ‘Andû onthe nîmakaathomithua nî Ngai!’ Mûndû wa wonthe ûrîa wîgucaga Vava na akethomithia maûndû kuuma kûrî ke nîaûkaga kûrî nie.

Ciîko 2:39

Ngai nîweranîre kîîranîro gîkî kûrî mue, kûrî ciana cienyu na kûrî andû onthe arîa marî kûraca, na kûrî andû onthe arîa Mwathani Ngai wetû etaga kûrî ke.”

Aroma 14:17

Nîûndû ûthamaki wa Ngai tî wa kûrîa na kûnyua, nwatî nî ûthingu, thayû na gîkeno kuuma kûrî Roho Mûtheru.

Aroma 15:13

Nake Ngai, ûrîa arî ke kaumo ka mwîvoko wetû, aromwîcûria gîkeno na thayû nîûndû wa ûrîa mûmwîtîkie nîguo na njîra ya vinya wa Roho Mûtheru, wîtîkio wenyu ûthiî na mbere gûkûra.

Aroma 5:1

Na rîu, nîûndû nîtûtuîtwe athingu nî Ngai na njîra ya gwîtîkia, nîtwîgucanîte na Ngai na njîra ya Mwathani wetû Jesû Kristû.

1Akor 2:10

Nwatî Ngai nîatûguûrîrîtie nthitho yake na njîra ya Roho wake. Roho atuîragia maûndû monthe wana nginyagia nthitho irîa ndikîru mûno cia Ngai.

Agal 5:22

Nwatî Roho ûciaraga wendani, gîkeno, thayû, gûkirîrîria, gwîkana waro, gûtugana, kwîvokeka,

Aefeso 4:21

Nîrî na ma atî nîmwîguîte ûvoro wîgiî Kristû na mûrî ake. Kwoguo nîmûthomithîtue ûma ûrîa ûrî ndaarî ya Jesû.

Afil 4:7

Naguo thayû wa Ngai ûrîa ûtangîmenyeka nî andû ûgekaragia ngoro na meciria menyu, nîûndû wa kwîthîrwa mûrî ndaarî ya Kristû Jesû.

1Ath 4:9

Gûtirî na vata ya kûmwandîkîra ûvoro wîgiî kwenda ariû na aarî a îthe wetû, nîûndû Ngai nîamûthomithîtie ûrîa mwagîrîrwe nî kwendana.

Ahib 8:10

Mwathani arauga atîrî, “Gîkî nîkîo kîrîkanîro kîrîa ngaathondeka na andû a Isiraeli mîthenya îrîa îgaaûka, vîndî îo nîngekîra mawatho makwa meciriarî mao, na nîmandîke ngororî ciao. Nîngaatuîka Ngai wao, nao nîmagaatuîka andû akwa.

Ahib 8:11

Gûtirî mûndû gatagatîrî kao ûkaathomithia mûndû ûrîa wîngî, kana merane atîrî, ‘Menya Mwathani.’ Nîûndû andû onthe nîmakaamenya, kuuma ûrîa mûnene nginya ûrîa mûnini.

1Joh 2:20

Nwatî mue mûrî etîrîrie Roho Mûtheru nî Kristû, kwoguo mue muonthe nîmûmenyete ûma.

1Joh 2:27

Nwatî mue nîmûvetwe Roho mûtheru nî Kristû. Kîveo kîu nîkîo mûtûûraga nakîo, kwoguo gûtirî na vata wa kûthomithua nî mûndû, nîûndû Roho wake amûthomithagia maûndû monthe na maûndû marîa athomithagia nî ma ma, na tî ma maveeni. Thiîni na mbere kwathîkîra ûrîa Roho aramûthomithia na mwîkarage mûrî ûrûmwe na Kristû.