Isaia 54:1 - ÎVUKU RÎA ÛVORO MWARO

¹ Ngai-Mûnene arauga atîrî, Ina, we mûndûmûka nthata we ûtaanaciara, ugîrîria na wine na vinya, we ûtaanegua ruuo rwa gûciara. Nîûndû ciana cia mûndûmûka ûrîa ûtigîtwe nî nyîngî, gûkîra cia mûndûmûka ûrîa ûrî na mûrûme!

Isaia 54:1 ပူးပေါင်းရင်းမြစ်များ

Kîam 21:6

Nake Sara nîwaugire atîrî, “Ngai nîatûmîte ntheke na mûndû wa wonthe ûkeegucaga ûvoro ûyû wa nake akaathekaga.”

Thaburi 113:9

Ngai-Mûnene nîavecaga mûndûmûka nthata mûciî; na agatûma agîe na gîkeno nîûndû wa kûmûva ciana. Kumiani Ngai-Mûnene!

Rwîmbo rwa Nyîmbo 8:8

Tûrî na mwarwaiya mûnini, na tî mumiu nyondo. Tûkaamwîka atîa rîrîa akagîa na mûnyanya?

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 24:14

Andû arîa magaatigara nîmakaugîrîria, nîmakaaina makenete. Arîa marî mwena wa îthûîro nîmakaanîrîra ûnene wa Ngai-Mûnene.

Isaia 44:23

Kenani mue arîa onthe mûtûûraga îgûrû, nîûndû Ngai-Mûnene nîekîte ûguo! Anîrîrani mue nthî kûrîa kûriku! Inani mûkenete mue irîma, mîtitû na mîtî yonthe îrîa îrî kuo! Nîûndû Ngai-Mûnene nîakûûrîte Jakovu, na nîatûûra akumagua vûrûrirî wa Isiraeli.

Isaia 49:13

Mue îgûrû inani mûkenete! Wanamue nthî kenani! Mue irîma ambîrîriani kwina! Nîûndû Ngai-Mûnene nîaûmîrîrîtie andû ake, na nîakeguîra ntha andû ake arîa marathînîka.

Isaia 49:19

“Nama vûrûri waku ûrîa mûcûkangie na ûgatiganîrua, nîûkethîrwa ûrî mûnini mûno wa gûtûûrwa nî andû aku; nao arîa maagûtavîte makethîrwa marî kûraca nawe.

Isaia 49:20

Ciana ciaku irîa waciarire ûrî îthamîriorî nîigaakwîra rîngî atîrî, ‘Vûrûri ûyû nî mûnini mûno, tûve vandû vengî va gûtûûra!’

Isaia 62:4

We ndûgaacoka gwîtwa rîngî, “Mûtiganîrie,” na vûrûri waku ndûgaacoka gwîtwa rîngî, “Mûndûmûka mûtiganîrie.” Nwatî ûgeetagwa, “Nîngenagua nîke,” naguo vûrûri waku ûgeetagwa, “Mûndû mûvikie.” Nîûndû Ngai-Mûnene nîakenetue nîwe, nake agaatuîka ta mûndûmûrûme avikîtie vûrûri waku.

Isaia 66:7

“Îtûûra rîakwa rîrîa rîtheru rîvana ta mûndûmûka aciarîte mwana wa kavîcî na îvenya, wana ateguîte ruuo rwa gûciara.

Zefania 3:14

Ina we mwarî wa Zayuni; ugîrîria we mwarî wa Zayuni! kena na ûcanjamûke ngoro, we mwarî wa Jerusalemu.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Agal 4:27

Nîûndû mandîkorî matheru kwandîkîtwe atîrî: “Kena we mûndûmûka ûyû ûtagîcaga ciana! Ina na wanîrîre ûrî na gîkeno, we ûtaanegua ûrûrû wa kûgîa na mwana. Nîûndû mûndûmûka ûrîa watigirwe, nî akaagîa na ciana nyîngî gûkîra ûrîa ûtaanatigwa nî mûthuuri wake.”

1Sam 2:5

Andû arîa meethagîrwa marî na irio nyîngî, rîu nîkwa marutaga wîra nîguo moone irio. Nwatî andû arîa meethagîrwa marî avûtu, rîu marî na irio. Mûndûmûka ûrîa warî nthata, rîu nîmûciaru ciana mûgwanja. Nwatî mûndûmûka ûrîa ûrî na ciana nyîngî, rîu atigîtwe atarî na mwana wana ûmwe.