Isaia 53:7 - ÎVUKU RÎA ÛVORO MWARO

⁷ “Nîwavinyîrîrue na akîthînua, nwatî ndaauga wanarî ûndû. Aakirire ta ng'ondu îvirîtwe kûthînjwa, na aakirire wata ûrîa ng'ondu îkiraga vîndî îrîa guoya wayo ûrenjwa, ndaatumûra kanyua gake.

Isaia 53:7 ပူးပေါင်းရင်းမြစ်များ

Thaburi 38:14

Nie mbîkariî ta mûndû ûtegucaga, ta mûndû ûtangîvota kwîyarîrîria.

Thaburi 38:15

Nwatî nîngwîvokete we Ngai-Mûnene; na we Ngai-Mûnene, Ngai wakwa nîwe ûkûnjokeria.

Thaburi 44:22

Nwatî vîndî cionthe tûûragagwa nîûndû waku, tûtucagwa ta ng'ondu cia kûthînjwa.

Isaia 50:6

Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Isaia 53:6

“Tue tuonthe nî tûrîte ta ng'ondu, wa mûndû akathiî njîra yake ke mwene. Nwatî Ngai-Mûnene nîwamwigîrîre mevia, marîa twagîrîrwe nî gûkuua tuonthe.

Jeremia 11:19

Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Ndari 7:27

ndegwa îtarî ngûrû, ndûrûme îmwe na gatûrûme ga ûkûrû wa mwaka ûmwe irî îtega rîa kûvîvua,

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Maariko 14:61

Nwatî Jesû ndaamatumûka, aakirire kivi. Wana rîngî Mûthînjîri-Ngai mûnene nîwaûririe Jesû atîrî, “We nîwe Mesaya, Mûriû wa Ngai ûrîa Mûrathime?”

Maariko 15:5

Wana rîngî Jesû nîwaregire gûcokia wa naarî ûndû. Kwoguo Pilato nîwamakire mûno.

Luka 23:9

Kwoguo Pilato nîwaûririe Jesû ciûria nyîngî, nwatî Jesû ndaamûcokeria.

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

Johana 19:9

Nîwacokire agîtonya rîngî kûu nyomba na akîûria Jesû atîrî, “We wî wa kuuma kû?” Nwatî Jesû ndaamûcokeria.

1Pet 2:23

Rîrîa aarumirwe, ndeerîvîrîria na kûrumana. Rîrîa aathînirue, gûtirî mûndû eevîtîre, nwatî aaigire mwîrîgîrîro wake kûrî Ngai ûrîa ûtucanagîra cira na kîvooto.

Kûguû 5:6

Nanie nînaacokire ngîona Gatûrûme arûngamîte vau gatagatî ka gîtî Kîam ûthamaki kathiûrûrûkîrîtue nî ciûmbe icio inya irî mwoyo na athuuri acio mîrongo îîrî na ana. Gatûrûme kau koonekaga takwa kaarî kaûrage. Nako kaarî na mvîa mûgwanja na metho mûgwanja, marîa arî mo maaroho mûgwanja marîa maatungataga Ngai na matûmîtwe nthî yonthe.