Isaia 52:7 - ÎVUKU RÎA ÛVORO MWARO

⁷ Kaî nî ûndû mwaro-î kwona mûndû arî irîmarî aretete ûvoro mwaro, akîanîrîra ûvoro wa thayû, na akîanagîrîra ûvonokio! Arera andû a Zayuni atîrî, “Ngai wenyu nîke ûrathana!”

Isaia 52:7 ပူးပေါင်းရင်းမြစ်များ

Thaburi 59:13

macûkangie ûrî na marakara; ûmacûkangie viû, nîguo andû onthe mamenye atî Ngai nîke wathanaga Isiraeli, na atî wathani wake wîcûrîte nthî yonthe.

Thaburi 68:11

Mwathani nîwathanire, nao aka eengî nîmaanîrîre ndûmîrîri makiugaga atîrî,

Thaburi 93:1

Ngai-Mûnene nî mûthamaki. Ecûrîtwe nî riiri na vinya; nîatûmîte nthî îîvande na ndîngîenyenyeka.

Thaburi 96:10

Îrani mavûrûri monthe atîrî, “Ngai-Mûnene nî mûthamaki. Nthî nîîkindîrîtie na ndîngîenyenyeka; ke agaatuîra andû na kîvooto.”

Thaburi 97:1

Ngai-Mûnene nî arathana, kena we nthî. Kenani, mue icîgîrîra irîa irî îriarî!

Thaburi 98:2

Ngai-Mûnene nîonanîtie ûvootani wake, nîonanîtie vinya wake wa kûvonokania kûrî ndûrîrî.

Thaburi 98:3

Nîendete andû a Isiraeli na arî mwîvokeku kûrî o. Andû onthe a nthî nîmonete ûvootani wa Ngai wetû.

Thaburi 99:1

Ngai-Mûnene nî mûthamaki, andû nî mateteme. Ekarîrîte gîtî Kîam ûthamaki îgûrû rîa Akerubi; nayo nthî nîîthingithe.

Rwîmbo rwa Nyîmbo 2:8

Nînîregua mûgambo wa mwendwa wakwa. Avîtûkîrîrîte irîmarî avinyûrîte, avinyûrîrîte tûrîmarî aûkîte kûrî nie.

Isaia 24:23

Mweri nîûgaaconorithua, narîo riûa rîguithue nthoni, nîûndû Ngai-Mûnene mwene vinya wonthe nîakaathana, arî îgûrû rîa Kîrîma gîa Zayuni kûu Jerusalemu, na nîakoonania riiri wake kûrî atongoria a andû ake.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 40:9

Unûkia îgûrû rîa kîrîma kîraca na îgûrû we Zayuni, anîrîra ûvoro ûrîa mwaro! Ugîrîria na vinya we Jerusalemu, anîrîra ûvoro mwaro. Ugîrîria na ndûgetigîre na wîre matûûra ma Juda atî: “Ûyû nîke Ngai wenyu!”

Isaia 41:27

Nie Ngai-Mûnene nînie naarî wa mbere kwîra Zayuni ûvoro, nînatûmire mûnjaama kûu Jerusalemu akavire ndûmîrîri ya ûvoro mwaro.

Isaia 42:11

Werû na matûûra marîa marî kuo nîmaugîrîrie, andû a icagi cia Kedari nîmamûkumie! Andû arîa matûûraga Sela nîmaine makenete, nîmaugîrîrie marî îgûrû rîa irîma!

Mika 4:7

Andû acio ithua nîo magatigara marî mwoyo, nao arîa maavirirwe îthamîriorî matuîke rûrîrî rûrî na vinya. Nanie nîngaamathaga nîrî kîrîmarî gîa Zayuni kuuma vîndî îo nginya tene na tene.”

Nahumu 1:15

Taroria, mûnjaama nîaûkîrîr îte irîmarî arî na ûvoro mwaro. Aûkîte kwanîrîra ûvoro mwaro kûrî andû a Juda. Kûngûagîrani irugo cienyu mue andû a Juda, na mûvecage Ngai kîrîa mwamwîrîre. Nîûndû andû arîa aganu matikamûtharîkîra rîngî, nîûndû nîacûkangie viû.

Nahumu 2:1

We Nineve, nîûratharîkîrwa! Menyerera ûgitîri waku! Gitîra varavara ciaku! Îîvarîrie! Îîvarîrie nîûndû wa mbaara!

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Maariko 13:10

Nwatî mbere ya îvinda rîu rîkinye, nwa nginya andû onthe mavunjîrue ûvoro mwaro.

Maariko 16:15

Nake Jesû nîwamerire atîrî, “Thiîni nthî yonthe mûkavunjîrie andû onthe ûvoro mwaro.

Luka 2:10

Nake mûraika ûcio nîwamerire atîrî, “Tigani kûmaka! Nie nîmûretere ûvoro mwaro na wa gîkeno kînene kûrî andû onthe,

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Aefeso 6:15

na wendi wenyu wa kûvunjia ûvoro mwaro wa thayû ta arî guo iratû irîa mwîkagîra.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”

Kûguû 14:6

Nie nînaacokire ngîona mûraika wîngî agûrûkîte îgûrû rîerarî. Mûraika ûcio aarî na ûvoro mwaro wa tene na tene wa kûvunjia kûrî andû arîa matûûraga nthî, kûrî iruka cionthe, mbarî, nthiomi, na mavûrûri monthe.