Isaia 52:3 - ÎVUKU RÎA ÛVORO MWARO

³ Nîûndû Ngai-Mûnene arauga atîrî, “Mue mwendirue ûkomborî gûtarî kîndû mûrutîrîtwe; na mûgaakûûrwa mûtakûrutîrwa mbeca.

Isaia 52:3 ပူးပေါင်းရင်းမြစ်များ

Thaburi 44:12

Nîwendetie andû aku na thogora mûnini mûno, na ndwetia kîndû kînene wamendia.

Thaburi 44:13

Andû arîa tûriganîtie nao nîmarona ûrîa watwîkire, na nîmaratûruma na magatûthekerera.

Isaia 1:27

Îtûûra rîa Zayuni rîgakûûrûa na kîvooto, na arîa marî kuo mavera makûûrwe na ûthingu.

Isaia 45:13

Nînie nathire Cairasi avingie ûrîa nendaga na kîvooto, na nîngaarûngaria njîra ciake cionthe. Nîagaatuma rîngî îtûûra rîakwa Jerusalemu, na arekererie andû akwa arîa marî îthamîriorî. Ageeka ûguo atakûrîvwa kana avakwa kîveo.” Ûguo nîguo Ngai-Mûnene augîte.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Isaia 62:12

Andû acio nîo mageetagwa, “Andû arîa atheru, arîa mavonoketue nî Ngai-Mûnene.” Nawe Jerusalemu ûgeetagwa, “Îtûûra rîrîa Ngai endete,” nwatî tî “Îtûûra rîrîa rîtiganîrie.”

Isaia 63:4

Nînatuire na ngoro yakwa atî mûthenya wa kwîrîvîrîria nî mûkinyu, na vîndî ya gûkûûra andû akwa nî nginyu.

Jeremia 15:13

Ngai-Mûnene arauga atîrî, “Nîngatûma ûtonga wenyu na mîthithû yenyu îtavwe, nîûndû ûcio nîguo mûcara wa mevia menyu marîa mwîkîte vûrûrirî wonthe.

Ezek 16:31

Makathîkanorî ma njîra cionthe nîwetumîrîte kûndû gwa kûgoocagîra mîvuanano, na ivaarorî ûgatuma kûndû gûtûgîru. Ndwarûthaga ta mûmaraa nîûndû ndwetagia mbia.

Ezek 34:27

Mîtî îrîa îrî mîgûndarî nîgaaciara matunda, mîgûnda nîkaagîa na maketha meengî na nîigaatûûra na thayû vûrûrirî wacio. Rîrîa ngaatucanga mînyororo ya andû arîa maaituire ngombo, na nîivonokie kuuma kûrî o, nîikaamenya atî nie nînie Ngai-Mûnene.

Alawi 25:54

Ethîrwa tîakûûrwa na njîra îmwe ya icio, ke vamwe na ciana ciake nwanginya makaarekererua mwakarî ûcio wîngî wa mîrongo îtano.

1Pet 1:18

Mue nîmwîcî atî nîmwakûrirwe kuuma mîtûûrîrerî îtarî vata îrîa mwatigîrwe nî methe menyu ma tene. Mûtiakûûrwa na na kîndû ta sîlûva kana thaavu irîa ingîcûka.