Isaia 52:15 - ÎVUKU RÎA ÛVORO MWARO

¹⁵ nwaguo îkaamakia ndûrîrî nyîngî, nao athamaki magaakira ki, magegete nîûndû wake, nîûndû nîmakoona maûndû marîa matanerwa, na nîmageciria maûndû marîa mateguîte ûvoro wamo.”

Isaia 52:15 ပူးပေါင်းရင်းမြစ်များ

Ayubu 21:5

Ta ndoriani na nîmûkûmaka, na nîmûgûkunîka tûnyua na njara.

Ayubu 40:4

“Nie ndirî vata, nîngîgûcokeria atîa, nîngûkunîka kanyua gakwa.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Isaia 51:5

Gûkûûrana gwakwa kûrî vakuvî, naguo ûvonokio wakwa nî mwambîrîriu kwoneka. Nie mwene nînie ngaatha mavûrûri; andû arîa matûûraga mavûrûrirî ma kûraca nîmambetererete, na mevokete nîmavonokie.

Isaia 55:5

Nama nîmûgeta ndûrîrî irîa mûtaicî, na andû a ndûrîrî irîa itagwîcî nîmagaaûka kûrî we mavinyûrîte! Nie Ngai-Mûnene Ngai wenyu Ûrîa Mûtheru wa Isiraeli, nînie ndûmîte maûndû mau monthe mekîke, nînie ndûmîte ûvewe riiri.”

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Zakaria 2:13

Andû onthe kirani mûrî mbere ya Ngai-Mûnene, nîûndû nîagûka aumîte kûndû gwake kûrîa kûtheru.

Ndari 19:18

Mûndû ûrîa mwîtheriu nîagoca hisofu na amîrinde manjîrî, na acoke aminjaminjîrie îgema, na indo cionthe irîa irî kuo vamwe na andû arîa marî kuo. Nîagaacoka aminjîrie manjî mûndû ûrîa ûkeethîrwa avutîtie îvîndî rîa mûndû mûkuû, kimba kana mbîrîra.

Ndari 8:7

ta û: Maminjîrie manjî matheru na ûmeere meyenje mîîrî yao yonthe na mathambie nguo ciao nîguo methîrwe marî atheru.

Mathaayo 28:19

Kwoguo thiîni kûrî andû onthe arîa marî nthî yonthe mûkamatue arutwa akwa. Mavatithagieni na rîîtwa rîa Îthe, na rîa Mûriû na rîa Roho Mûtheru.

Ciîko 2:33

Jesû nîwanenevirue na rîu ekaraga mwena wa ûrîo wa Ngai Îthe wake. Nake Ngai Nîwamûvere Roho Mûtheru wata ûrîa aamwîrîrîte. Kwoguo Jesû nîatwîtîrîrîtie Roho ûcio. Ûndû ûyû mûrona na mûregua nî kîveo Kîam Roho ûrîa Jesû atwîtîrîrîtie.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

Ahib 11:28

Wîtîkio nîguo watûmire Musa athondeka kîrugo Kîam pasaka na akîathana nthakame îminjaminjîrue mîrango, nîguo mûraika ûrîa ûretaga gîkuû ndakaûrage marikithathi ma Isiraeli.

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.