Isaia 52:12 - ÎVUKU RÎA ÛVORO MWARO

¹² Vîndî îno mûtikaauma kuo na îvenya, na mûtikaathiî mûvinyûrîte. Nîûndû Ngai-Mûnene nîke ûkaamûtongoreria, nake Ngai wa Isiraeli nîke ûkaamuma vuva amûgitîrîte.

Isaia 52:12 ပူးပေါင်းရင်းမြစ်များ

1Maû 14:15

Rîrîa ûkegua mûgambo ta wa andû mathiîte marî îgûrû rîa mîtî ya mîkûngûgû ûkaamatharîkîra, nîûndû nî Nie Ngai ngethîrwa nthiîte mbere yenyu kûvoota athigari a Afilisiti.”

Ntha 12:11

Mûkaairîa na îvenya na mwîkîrîte nguo ta andû mathiîte rûgendo. Mûkeethîrwa mwîkîrîte iratû magûrû na mûrî na mîragi yenyu njara. Gîkethîrwa kîrî kîrugo Kîam pasaka ya Ngai-Mûnene.

Ntha 12:33

Nao andû a Misiri nîmaathaithire andû a Isiraeli maume vûrûrirî wao na îvenya makîmeeraga atîrî, “Ethîrwa tîmûthiî tuonthe nîtûgûkua.”

Ntha 12:39

Maaumire Misiri na îvenya matarugîte mîgate. Nwatî nîmaakuire mûtu ûtarî mwîkîre ndawa ya kwimbia. Mûtu ûcio nîmaaûrugire mîgate.

Ntha 14:8

Nake Ngai-Mûnene nîwatûmire ngoro ya mûthamaki wa Misiri yûma, na akîrûmîrîra andû a Isiraeli arîa maathiîre marî na ûmîrîru.

Isaia 26:7

Njîra ya andû arîa athingu nî nûngarû; we Ngai-Mûnene nîûrûngaragia njîra cia andû arîa athingu.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 42:16

“Nîngaatongoreria itumumu njîrarî irîa mataicî. Ngaamatongoreria tûcîrarî tûrîa matamenyete. Nîngaagarûra nduma îrîa îrî mbere yao îtuîke ûtheri, na kûndû kûrîa gûtarî kwaraganu nîkwaraganie. Mama nîmo maûndû marîa ngeeka, na ndikaamatiganîria.

Isaia 45:2

Nie mwene nîngaagûtongoreria, ngîaraganagia irîma mbere yaku. Nîngaaunanga mîrango ya gîcango tûcunjî, na munange mîkîgo ya kuo ya cuuma.

Isaia 49:10

Matikavûûta kana manyonda. Riûa kana ûrugarî wa werûrî itikaamavîvia, nîûndû nîmagaatongorerua nî ûrîa ûmendete, na nîakaamavira kûrîa manjî matherûkaga.

Isaia 49:11

“Nîngaarûtha njîra irîmarî ciakwa cionthe, na nîngaarûngaria njîra ciakwa.

Isaia 51:14

Andû arîa movetwe nîmakaarekererua na îvenya; matigaakua na mathiî kwa arîa akuû, wana kana mature gîa kûrîa.

Isaia 57:18

“Nîmonete mîthiîre yao, nwatî nîngamavonia. Nîngamatongoria, na nîmaûmîrîrie; nîngavoreria andû arîa macakayaga.

Isaia 58:8

“Mweka maûndû mau, wega wakwa ûkaamwaragîra ta riûa rîkîratha, na mwarwara mûkaavoraga na îvenya. Ciîko cienyu mbaro nîcio ikaamûtongoragia, naguo riiri wa Ngai-Mûnene ûmûgitagîre kuuma mwena wa vuva.

Mika 2:13

Ngai nîakaamavingûrîra njîra na amatongorie maume îthamîriorî. Nao nîmakaauna kîvingo gîa îtûûra na maume nja, matongoreretue nî mûthamaki wao; Ngai-Mûnene ke mwene nîke ûkaamatongoria.

Ndari 10:25

Mûthiiarî ikundi cia andû a mûvîrîga wa Dani, nîciambîrîrie rûgendo irûmîrîrîte vendera yao. Acio nîo maarî arangîri a ikundi cionthe mwena wa vuva. Mûtongoria wao aarî Ahiezeri mûvîcî wa Amishadai.

Gûco 16:3

Mîgate îrîa mûkarîcaga kîrugorî gîkî ndîkethagîrwa îkîrîtwe ndawa ya kwimbia, na mûkaarîcaga mîgate îo mîthenya mûgwanja wata ûrîa mwekire vîndî îrîa mwaumaga Misiri na îvenya. Mûgate ûyû ûgetagwa wa mathîna, nîguo mavinda marîa monthe mûgûtûûra mwoyo mûririkanage mûthenya ûrîa mwaumire Misiri.

Gûco 20:4

Ngai-Mûnene Ngai wenyu nîke ûkaamûrûagîrîra kûrî nthû cienyu na akamûva ûvootani.’

Josh 4:11

Vîndî îrîa andû onthe maaringire rûnjî rwa Jorodani, athînjîri-Ngai nao makuuîte îthandûkû rîa kîrîkanîro nîmaathiîre matongoreretie andû.

Josh 6:9

Nao andû arîa maarî na indo cia mbaara nîmaathiîre mbere ya athînjîri-Ngai arîa maavuvaga tûrumbeta. Na engî nîmaarûmîrîre îthandûkû rîa kîrîkanîro na vîndî îo tûrumbeta nwa twavuvagwa.

Atir 4:14

Debora nîwacokire akîra Baraki atîrî, “Thiî! Ngai-Mûnene nîagûgûtongoria! Ûmûnthî nîagûkûvotithia kûvoota Sisera.” Kwoguo Baraki nîwaumire kîrîmarî gîa Taboru arûmîrîrîtwe nî andû acio ngiri îkûmi.