Isaia 52:1 - ÎVUKU RÎA ÛVORO MWARO

¹ Ûkîra, ûkîra! Gîa na vinya, we Zayuni; îkîra nguo ciaku irîa mbaro, we Jerusalemu, îtûûra rîrîa rîamûre; nîûndû gûtirî mûndû ûtarî mûruu kana ûrî na mûgiro ûgaatonya gwaku rîngî.

Isaia 52:1 ပူးပေါင်းရင်းမြစ်များ

1Maû 16:29

Kumiani rîîtwa rîa Ngai-Mûnene rîrîa rîrî riiri, reteni matega na mûke mbere yake. Goocani Ngai-Mûnene arî varîa vatheru.

Nehemia 11:1

Atongoria a andû a Isiraeli maatûûraga Jerusalemu. Nao andû acio engî nîmaaikirie mîtî nîguo mathuure mbarî îmwe gatagatî ka mbarî îkûmi arîa maarî mathiî gûtûûra Jerusalemu îtûûra rîtheru, nacio mbarî kenda itigwe matûûrarî mau mengî.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Ntha 28:2

Ûgaatumîra mûrwanyûkwe Aroni nguo ntheru nîguo onekanage arî na riiri na arî mûthaka.

Ntha 28:40

“Ûgaatumîra avîcî a Aroni nguo mbaro ndaca, mîcivi, na iremba. Nacio nîigaatûma monekane marî athaka na marî na riiri.

Isaia 1:21

Na kaî îtûûra rîrîa rîarî rîvokeku nîrîtuîkîte ta mûmaraa-î! Vîndî îmwe nîrîecûrîte ûthingu na ûma, nwatî rîu rîcûrîte aûragani.

Isaia 1:26

Nîngaamûcokeria atucanîri ciira ta arîa a mbere, na andû a kûmûtaara wata arîa mwarî nao Kîammbîrîriarî. Vuva wa ûguo Jerusalemu nîgaacoka gwîtwa, ‘Îtûûra rîa Ûthingu,’ ‘Îtûûra Rîvokeku.’ ”

Isaia 26:2

Vingûrani ivingo cia îtûûra, nîguo vûrûri ûrîa mûthingu, na ûrîa mwîvokeku ûtonye ndaarî.

Isaia 35:8

Kûu werûrî nîgûkaagîa varavara nene, nayo nîgetwa, “Njîra Ntheru.” Gûtirî mûndû mwîvia ûkaavîtûkîrîra varavararî îo, na irimû itikaavîtia njîra îo.

Isaia 4:3

Arîa onthe magaatigara marî mwoyo îtûûrarî rîa Jerusalemu, arîa magaatigara kûu Zayuni nîmagetwa, “Atheru.” Acio nî arîa onthe marîîtwa mao makethîrwa mandîkîtwe nîguo matûûre kûu Jerusalemu.

Isaia 48:2

Kûnarî ûguo mwîtîîaga mûgîîtanagia na îtûûra rîtheru, na mugaga atî mwîvokaga Ngai wa Isiraeli, ûrîa rîîtwa rîake nî Ngai-Mûnene mwene vinya wonthe.

Isaia 49:18

Vingûra metho ûrorie mîena yonthe na wone; andû aku onthe maûnganîte vamwe maûkîte kûrî we! Wata ûrîa nie ndûûraga mwoyo, ûgeekîra andû aya onthe ta nguo, wata ûrîa wîkagîra nguo cia kwîgemia nacio, na ûmeyove wata ûrîa mûviki eyovaga rîrîa akwîgemia na mathaga make.

Isaia 51:17

Ûkîra, ûkîra, rûngama, we Jerusalemu! We ûnyuithîtue nî Ngai-Mûnene gîkombe Kîam marakara make, we ûkînyuîte nginya wakîthiria, wanyinyûkîrîrie mbakûri na îgîtûma ûtûgûge.

Isaia 51:9

Ûkîra, ûkîra, we Ngai-Mûnene! Îkîra vinya waku ûtûvonokie, ûkîra wata ûrîa wekire vingo ya tene, kûrî njiarwa cia tene. Na kinthî tîwe watinangirie Rahabu tûcunjî tûcunjî, wa we ûrîa wamundangire njûnamatu?

Isaia 60:1

We Zayuni rûngama na ûkenge nîûndû ûtheri nîûkwarîrîte, na riiri wa Ngai-Mûnene nîûkûmûrîkîrîte!

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Isaia 64:10

Matûûra maku marîa matheru matuîkîte werû; Zayuni gûtuîkîte werû, Jerusalemu gûtuîkîte maganjo.

Jeremia 31:23

Ngai-Mûnene mwene vinya wonthe Ngai wa Isiraeli arauga atîrî, “Rîrîa ngaacokia andû a Isiraeli vûrûrirî wao, marî vûrûrirî wa Juda na matûûrarî maguo, nîmakaauga atî: ‘Ngai-Mûnene akûrathime we kîrîma kîthingu Kîam Jerusalemu, akûrathime we kîrîma kîtheru!’

Ezek 44:9

“Kwoguo nie Ngai-Mûnene nauga atî, gûtirî mûndû wa ndûrîrî ûrîa ûtaruaga ûgaatonya hekarûrî yakwa, wana ethîrwa arî mûgeni ûrîa ûtûûraga gatagatî ka andû a Isiraeli.”

Danieli 10:9

Na rîrîa neguire mûgambo wake nînaarivanire nthî na ngîkara vo ndurumithîtie ûthiû nthî ndakwîîgua.

Joeli 3:17

Vîndî îo nîrîo we Isiraeli ûkaamenya atî, nînie Ngai-Mûnene Ngai waku, ndûûraga Zayuni, kîrîmarî gîakwa kîtheru. Jerusalemu îkethîrwa îrî ntheru, na ageni matikaarîvoota rîngî.

Nahumu 1:15

Taroria, mûnjaama nîaûkîrîr îte irîmarî arî na ûvoro mwaro. Aûkîte kwanîrîra ûvoro mwaro kûrî andû a Juda. Kûngûagîrani irugo cienyu mue andû a Juda, na mûvecage Ngai kîrîa mwamwîrîre. Nîûndû andû arîa aganu matikamûtharîkîra rîngî, nîûndû nîacûkangie viû.

Hagai 2:4

Kûnarî ûguo, ndûgakue ngoro we Zerubabeli. Îyûmîrîrie we Joshua mûvîcî wa Jehozadaki mûthînjîri-Ngai mûnene. Îyûmîrîrieni mue andû onthe a vûrûri ûyû. Rutani wîra nîûndû nie Ngai-Mûnene mwene vinya wonthe nîrî namue.

Zakaria 3:4

Mûraika nîwerire arîa maarûngamîte mbere yake atîrî, “Rutani Joshua nguo icio irî na gîko.” Nîwacokire akîra Joshua, mûthînjîri-Ngai mûnene atîrî, “Taroria, nînakûthengutîria wîvia waku wonthe na nîngûgwîkîra nguo cia goro.”

Mathaayo 4:5

Nayo Ngoma îo nîyacokire îkîvira Jesû îtûûrarî rîrîa rîtheru rîa Jerusalemu, na îkîmûrûngamia gacûmbîrî ga hekarû.

Luka 15:22

Nwatî îthe nîwetire ndungata ciake na akîmeera atîrî, ‘Thiîni narua mûrete nguo îrîa mbaro viû na mûmwîkîre. Na mûcoke mûmwîkîre mbete Kîamra na mûmwîkîre iratû.

Aroma 13:14

Nwatî îkîrani Mwathani Jesû Kristû arî take indo cienyu cia mbaara, na mûtige kwîthînia nîûndû wa mîîrî yenyu îrîa îvagia atî nîguo mûvingie maûndû marîa îriragîria.

Aroma 3:22

Ngai atucaga andû onthe athingu na njîra ya gwîtîkia Jesû Kristû. Ngai ekaga ûguo kwî andû onthe arîa metîkîtie nîûndû ndathuurûkanagia.

Aefeso 4:24

Nwanginya mwîkîre ûmûndû mûcerû ûrîa ûmbîtwe ûvananîte na Ngai na wîyonithanagia ûtûûrorî wa ma ûrîa mûthingu na mûtheru.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

Kûguû 11:2

Nwatî ndûkathime kîvaro kîrîa kîrî nja ya hekarû. Ndûgakîthime nîûndû nîkîvecanîtwe kûrî andû a ndûrîrî. Andû acio nîmakaathiga Îtûûra rîrîa rîtheru vandû va mîeri mîrongo îna na îîrî.

Kûguû 19:14

Nayo mbûtû ya athigari a îgûrû nîmaamûrûmîrîre mekarîrîte mbarathi cia rangi njerû, na mekîrîte nguo cia hariri ntheru cia rangi njerû.

Kûguû 19:8

Ke nîmûnengere nguo mbaro ya hariri îravenavenia ya gwîkîra.” (Nguo mbaro nî ciîko mbaro irîa andû a Ngai mekaga.)

Kûguû 21:2

Nînoonire îtûûra rîrîa rînene rîtheru, na nîrîo Jerusalemu njerû, rîkînyûrûrûka kuuma îgûrû kwî Ngai. Narîo rîagemetue ta ûrîa mûviki egemagia nîguo agatûnge mûthuuriwe.

Kûguû 21:27

Nwatî gûtirî kîndû kîrî mûgiro gîgaatonya îtûûrarî rîu înene. Mûndû wa wonthe wîkaga maûndû macûku na marî nthoni, kana andû arîa maveenanagia matigaatonya kuo. Arîa magaatonya nî arîa marîîtwa mao mandîkîtwe îvukuurî rîa Gatûrûme rîa mwoyo.