Isaia 51:5 - ÎVUKU RÎA ÛVORO MWARO

⁵ Gûkûûrana gwakwa kûrî vakuvî, naguo ûvonokio wakwa nî mwambîrîriu kwoneka. Nie mwene nînie ngaatha mavûrûri; andû arîa matûûraga mavûrûrirî ma kûraca nîmambetererete, na mevokete nîmavonokie.

Isaia 51:5 ပူးပေါင်းရင်းမြစ်များ

Thaburi 110:6

Nîagaatuîra ndûrîrî ciira, na ecûrie kûrîa kûrûagîrwa mbaara na ciimba, na nîakaavoota athamaki a nthî yonthe.

Thaburi 67:4

Mavûrûri nîmakene na maine macanjamûkîte, nîûndû ûtucagîra andû na kîvooto, na nîûtongoragia mavûrûri monthe ma nthî.

Thaburi 85:9

Nama nîevarîrîtie kûvonokia andû arîa mamwîtigîrîte, nîguo riiri wake ûtûûre vûrûrirî wetû.

Thaburi 96:13

îkaaina îrî mbere ya Ngai-Mûnene rîrîa agaaûka. Nîûndû agaaûka gûtuîra andû a nthî ciira. Ke agaatuîra nthî na waragania na andû a nthî na kîvooto.

Thaburi 98:9

mûrî mbere ya Ngai-Mûnene, nîûndû nîaûkîte gûtuîra nthî ciira. Ke agaatuîra andû na waragania na kîvooto.

Isaia 11:11

Mûthenya ûcio, Mwathani nîagaatambûrûkia njara yake rîngî nîguo acokie andû ake arîa matigarîte Sîria, Misiri, Pathirosi, Ethiopia, Elamu, Shinari, Hamathi na icîgîrîrarî cia îria.

Isaia 24:15

Kwoguo mue mûtûûraga mwena wa îrathîro kumiani Ngai-Mûnene. Arîa mûtûûraga ndeererî cia îria kumiani Ngai-Mûnene, Ngai wa Isiraeli.

Isaia 26:4

Îîvokage Ngai-Mûnene tene na tene, nîûndû Ngai-Mûnene, Ngai nî îthiga rîa ûgitîri tene na tene.

Isaia 33:2

Ûûi Ngai-Mûnene, twîguîre ntha; we nîwe twîkaraga twîrîgîrîrîte. Tuîka vinya wetû mîthenya yonthe, na ûtûvonokagie vîndî ya thîna.

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 40:10

Taroria Mwathani Ngai-Mûnene nîaûkîte na vinya, vinya wake nîguo ûrathana, nîaûka na andû arîa avonoketie na iveo cia andû ake.

Isaia 42:4

Ndagaakua ngoro kana athirwe nî vinya, nginya rîrîa agaatûma kîvooto kîîvande gûkû nthî, andû arîa matûûraga icîgîrîrarî na ndeere cia îria metagîrîra watho wake.”

Isaia 46:13

Nîngûrete mûthenya wakwa wa kûmûvonokia vakuvî, ndûrî varaca, mûthenya wa kûmûvonokia tîwîkara mûno. Nîngaavonokia Zayuni na monie Isiraeli riiri wakwa.”

Isaia 49:1

Tanthikîrîriani mue mavûrûri ma kûraca, tegani matû mue andû arîa mûtûûraga kûndû kûraca! Ngai-Mûnene aambîtire mbere ya njiarwe, aanthuurire nduîke ndungata yake nîrî îvurî rîa nyanya.

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Isaia 56:1

Ngai-Mûnene arauga atîrî, “Rûmagîrîrani kîvooto na mwîkage maûndû ma ûthingu, nîûndû nîrî vakuvî gûka kûmûvonokia, ûthingu wakwa ûrî vakuvî kûguûranîrua.

Isaia 59:16

Ke nîwonire atî gûtiarî na mûndû ûngîtethia arîa akinyîrîrie. Kwoguo ke nîatûmîra vinya wake amavonokie na amave ûvootani.

Isaia 60:9

Nî meri ciumîte mavûrûrirî ma kûraca, itongoreretue nî meri cia Tarishishi. Iretete andû aku kuuma kûndû kûraca, marî na sîlûva na thaavu ciao, nîûndû wa rîîtwa rîa Ngai-Mûnene Ngai wenyu, na nîûndû wa Ûrîa Mûtheru wa Isiraeli, nîûndû nîatûmîte mûgîe riiri.

Isaia 62:11

Taroriani Ngai-Mûnene nîanîrîrîte nthî yonthe. Îrani andû a Zayuni atîrî, “Ngai-Mûnene nîaûkîte kûmûvonokia, aûkîte arî na iveo ciake, aûkîte na andû arîa aavonokirie.”

Isaia 63:5

Nînaroririe, nwatî ndiona mûndû wanarî ûmwe ûngîndethia; nînamakire, nwatî gîtiarî na wa kûnyûmîrîria. Kwoguo nînavootanire na vinya wakwa namo marakara makwa makîmbîkîra vinya.

Joeli 3:12

“Nwanginya mavûrûri mevarîrie; maûke Kîamndarî gîa îtuîro. Kûu nîkuo nie Ngai-Mûnene ngekara, kûu nîkuo ngekara ngîtuîra mavûrûri monthe ma nthî.

Zefania 2:11

Ngai-Mûnene akethîrwa arî wa kûmakania kûrî o, agaatua ngai cia nthî ta îtarî kîndû. Mavûrûri monthe ma nthî nîmakaamûtîîa, wa vûrûri ûrî vandû va guo.

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Mathaayo 3:2

akiugaga atîrî, “Îîrireni mevia menyu nîûndû ûthamaki wa Îgûrû ûrî vakuvî!”

Maariko 16:15

Nake Jesû nîwamerire atîrî, “Thiîni nthî yonthe mûkavunjîrie andû onthe ûvoro mwaro.

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Ciîko 17:31

nîûndû nîatuîte mûthenya ûrîa agaatuîra andû onthe a nthî arî na kîvooto. Ke ageeka ûguo na njîra ya mûndû ûrîa athuurîte, na nîwonetie andû onthe atî ûvoro ûcio nî wa ma na njîra ya kûriûkia mûndû ûcio!”

Aroma 2:16

Kwoguo, kûringana na ûvoro mwaro ûrîa mvunjagia ûguo nîguo gûkethîrwa gwîkariî mûthenya ûrîa Ngai na njîra ya Jesû Kristû agaatua ciira wa maûndû ma nthitho marîa marî ngororî cia andû.

2Akor 5:10

Nîûndû tuonthe nwanginya tûkaarûgama mbere ya Kristû tûtuîrwe nîke. Wa mûndû nîakaagwata kîrîa kîmwagîrîrîte, kîrî Kîamro kana kîrî gîcûku kûringana na wîra ûrîa mûndû arutîte arî na mwîrî.

Gûco 30:14

Maathani mau marî vakuvî mûno namue. Marî tûnyuarî twenyu na ngororî cienyu, kwoguo mavingagieni.

1Sam 2:10

Ngai-Mûnene nîagacûkangia nthû ciake, nîakaairiva na mûgambo ta wa ngwa arî îgûrû. Ngai-Mûnene nîagaacirithia andû onthe a nthî, na ave mûthamaki ûrîa ke athuurîte ûvoti, amûve vinya wa kûvootana.”