Isaia 51:15 - ÎVUKU RÎA ÛVORO MWARO

¹⁵ “Nie nînie Ngai-Mûnene Ngai wenyu, nînie ndûmaga îria rikie ndivû, na ngatûma makûmbî ma rîo marurume. Ngai-Mûnene mwene vinya wonthe nîrîo rîîtwa rîakwa.

Isaia 51:15 ပူးပေါင်းရင်းမြစ်များ

Nehemia 9:11

Nîwagaanirie îria mbere yao nîguo ûmathondekere njîra, na ûkîmavîtûkîrîria nthî nyûmû. Arîa maamathingatîte nîmaaûrîre manjîrî kûndû kûriku mûno, ta ûrîa îthiga rîvorokagîra manjîrî meengî.

Ayubu 26:12

Vinya wake nîwavorerie îria, na ûmenyo wake nîwacûkangirie njûnamatu îrîa îtagwa Rahabu.

Thaburi 107:25

Nîwathanire, na rûkûngi rûnene rûkîvurutana, rûgîtûma makûmbî ma manjî îriarî maûkîrîre.

Thaburi 136:13

Nîke wagaanirie îria îtune maita maîrî; nîûndû wendo wake ûtathiraga ûtûûraga tene na tene;

Thaburi 74:13

We nîwagaanirie îria na vinya waku mûnene, na ûgîtombora ciongo cia njûnamatu irîa nene cia îriarî.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Isaia 47:4

Rîîtwa rîa mûkûri wetû nî Ngai-Mûnene mwene vinya wonthe, Ûrîa Mûtheru wa Isiraeli.

Isaia 48:2

Kûnarî ûguo mwîtîîaga mûgîîtanagia na îtûûra rîtheru, na mugaga atî mwîvokaga Ngai wa Isiraeli, ûrîa rîîtwa rîake nî Ngai-Mûnene mwene vinya wonthe.

Isaia 51:10

Kinthî tîwe wavûîthirie îria, manjî ma îria rîrîa rînene, we ûrîa warûthire njîra îriarî kûrîa kûriku, nîguo arîa maarî akûre mavîtûkîrîre kuo?

Isaia 54:5

Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 31:35

Ngai-Mûnene ûrîa arî ke Ngai mwene vinya wonthe arauga atî: Nîke ûvecaga riûa ûtheri nîguo rîare mûthenya, na akava mweri na njata ûtheri nîguo imûrîkage ûtukû. Nîke winainagia îria gûkagîa na makûmbî ma manjî na makaruruma.

Jeremia 51:5

Nîûndû nie Ngai-Mûnene mwene vinya wonthe, ndirî mûtiganîriu andû a Isiraeli na a Juda, wana ethîrwa vûrûri wao na wa Akalidei nîûvîtîrîtie Ûrîa Mûtheru wa Isiraeli.

Alawi 11:44

Nie nînie Ngai-Mûnene, Ngai wenyu na nwanginya mwîkare mûrî atheru nîûndû nîrî mûtheru.