Isaia 51:12 - ÎVUKU RÎA ÛVORO MWARO

¹² Ngai-Mûnene arauga atîrî, “Nie nînie ngûvoragîria. Wîtigagîra mûndû wa gûkua nîkî, ûgetigîra mûndû wa gûkû nthî ûrîa ûthiraga ta nyaki?

Isaia 51:12 ပူးပေါင်းရင်းမြစ်များ

2Atha 1:15

Nake mûraika wa Ngai-Mûnene nîwerire Elija atîrî, “Nyûrûrûkani nake; ndûkamake.” Kwoguo Elija nîwathiîre marî na mûnene ûcio kûrî mûthamaki

Thaburi 118:6

Ngai-Mûnene arî vamwe nanie, gûtirî kîndû nîngîtigîra; mûndû angîvota kûmbîka atîa?

Thaburi 146:4

Rîrîa akua acokaga rûkûngûrî, mûthenya wa ûcio akua nîrîo mîvango yake îthiraga.

Thaburi 92:7

atî andû arîa aganu nwa makûre ta nyaki, andû arîa mekaga maûndû macûku magîe na maûndû maro; nwatî mûthiiarî onthe nîmakaathirua viû.

Nthi 29:26

Andû eengî nîmeyendithagia kûrî mûthamaki, nwatî mûndû anyitaga kîvooto kuuma kûrî Ngai-Mûnene.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 2:22

Ndûkevoke mûndû wa gûkû nthî. Ûtûûro wake ûthiraga ta mîvevû. Mûndû nîwa vata ûrîkû?

Isaia 40:1

Ngai wenyu arauga atîrî, “Ûmîrîriani andû akwa, thiîni mûkamaûmîrîrie!

Isaia 43:25

Nie nînie nakwoveere mevia maku nîûndû wa kwenda gwakwa, na ndikaaririkana mevia maku.

Isaia 49:13

Mue îgûrû inani mûkenete! Wanamue nthî kenani! Mue irîma ambîrîriani kwina! Nîûndû Ngai-Mûnene nîaûmîrîrîtie andû ake, na nîakeguîra ntha andû ake arîa marathînîka.

Isaia 51:3

“Nîûndû nie Ngai-Mûnene nîngavoreria îtûûra rîa Zayuni, na ndûthe kûndû gwakuo kuonthe kûrîa gûcûkangu. Nîngaatua werû wa kuo ta mûgûnda wa Edeni, werû wa kuo nîûtue ta mûgûnda wa Ngai-Mûnene; kûu nîgûkethîrwa na gîkeno na gûcanjamûka, na nyîmbo cia gûcokia ngatho nîikeguîka kuo.

Isaia 52:9

Mue kûndû kûrîa gûcûkangu kwa Jerusalemu, ambîrîriani kwina vamwe mûkenete. Nîûndû Ngai-Mûnene nîavoreretie andû ake, nîakûûrîte Jerusalemu.

Isaia 57:11

Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Isaia 61:2

Nîandûmîte manîrîre mwaka wa Ngai-Mûnene wa gûtugana, na mûthenya wa Ngai wetû wa kwîrîvîrîria nî mûkinyu, na nyûmîrîrie arîa onthe maracakaya.

Isaia 66:13

Nie ngaamûmîrîria mûrî kûu Jerusalemu wata ûrîa mwana aûmagîrîrua nî ng'ina.

Isaia 8:12

“Ndûkanyitanîre na mîvango yao, na ndûgetigîre maûndû marîa maretigîra, kana wîgua guoya.

Jeremia 38:19

Nake mûthamaki Zedekia nîwerire Jeremia atîrî, “Nînîretigîra Ayahudi arîa maaumire gûkû makîthiî gîtûûra gwa Akalidei, nîûndû navota kûnenganîrwa kûrî o, nao mamverithie.”

Jeremia 41:18

nîûndû nîmetigagîra Akalidei kuuma vîndî îrîa Ishumaeli mûvîcî wa Nethania aaûragire Gedalia mûvîcî wa Ahikamu ûrîa wathuurîtwe atuîke mûnene wa vûrûri ûcio.

Ezek 2:6

“Nwatî we mûndû ndûkametigîre kana wîtigîre mîario yao. Wana wathiûrûrûkîrua cong'e na mîgua, kana wîkarîre tûng'aurû, ndûkamakue nî mîario yao kana wîtigîre irethiû ciao, nîûndû o aremi.

Mathaayo 10:28

Mûtigetigîre andû arîa maûragaga mwîrî, nwatî matingîûraga mwoyo. Vandû va ûguo îtigîreni Ngai ûrîa ûngikia mwîrî wana mwoyo îcuarî na agaicûkangia.

Johana 14:18

“Nie ndikûmûtiga ta ciana cia ndigwa; ngaamûcokerera.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

1Pet 1:24

Mandîko matheru maugîte atîrî: “Andû onthe mekariî ta nyaki, na riiri wao wonthe wîkariî ta maûa ma kîthaka. Nyaki nîyûmaga, namo maûa nîmagûcaga,

1Sam 15:24

Nake Saûlo nîwerire Samueli atîrî, “Îî, nie nînjîvîtie. Nînaaregire gwîka ûrîa Ngai-Mûnene ambathîte, wana ûrîa we wambîrîte. Nînetigîre andû akwa na ngîka ûrîa meendaga.

1Sam 17:11

Rîrîa Saûlo na andû onthe a Isiraeli meeguire ûrîa Mûfilisiti ûcio aaugire, nîmaamakire na magîîtigîra.

1Sam 21:13

Kwoguo rîrîa rîonthe Daudi angîethagîrwa marî na andû acio, nîwetuucaga kîûgû na agekaga maûndû ta mûndû wa ngoma. Rîrîa mangîageririe kûmûvingîrîria, ke nîwandîkangaga mîrangorî ya îtûûra na agetagîrîria mata nderurî ciake.