Isaia 51:1 - ÎVUKU RÎA ÛVORO MWARO

¹ Ngai-Mûnene arauga atîrî, “Tanthikîrîriani mue mwendaga gûkûûrwa, mue mûnjaragia nie Ngai-Mûnene. Îcirieni ûvoro wa îthiga varîa mwaumire, na ûvoro wa kware varîa mwenjirwe.

Isaia 51:1 ပူးပေါင်းရင်းမြစ်များ

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 15:4

Nwatî vîndî ya thîna, nîmaagarûrûkagîra Ngai-Mûnene, Ngai wa Isiraeli. Nîmaamûcaragia na makamwona.

Thaburi 24:6

Andû ta acio nîo magoocaga Ngai, nîo magoocaga Ngai wa Jakovu.

Thaburi 94:15

Ciira nîûgaacoka rîngî gûtucagwa na kîvooto, na andû onthe arîa atheru ngoro nî makaarûmîrîra kîvooto kîu.

Nthi 15:9

Ngai-Mûnene nîathûrîte mîthiîre ya andû arîa aganu, nwatî nîendete arîa mekaga maûndû ma ûthingu.

Nthi 21:21

Mûndû ûrîa wîkaga maûndû ma ûthingu na kwîgucanîra ntha, nîagaatûûra îvinda îraca na atîwe nî andû.

Isaia 45:19

Nie ndiaragia nîîthithîte kana nîrî vûrûrirî wa nduma. Nie ndiera njiarwa cia Jakovu inîîvoke mana. Nie nînie Ngai-Mûnene na mbaragia ûma; Nyumbûraga maûndû ma ma.”

Isaia 48:1

Tathikîrîriani ûndû ûyû, mue nyomba ya Jakovu, mue mwîtanîtue na rîîtwa rîa Isiraeli, mue mûrî a mûvîrîga wa Juda, arîa mwîvîtaga mûkîgwetaga rîîtwa rîa Ngai-Mûnene, na mugaga atî mûgoocaga Ngai wa Isiraeli, nwatî tîna njîra ya ma kana wagîrîru.

Isaia 48:12

Ngai-Mûnene arauga atîrî, “Tanthikîrîria we Jakovu, tanthikîrîria we Isiraeli ngîgwîta! Nie nînie Ngai-Mûnene, nînie wa mbere na nînie wa mûthiia!

Isaia 51:4

“Andû akwa, tanthikîrîriani, ta ndegerani matû mue rûrîrî rwakwa; nîûndû nie nînie ngaamûretere watho na kîvooto, nacio nîigaatuîka ûtheri kûrî andû.

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Isaia 55:6

Cariani Ngai-Mûnene vîndî îrîa angîoneka, mwîteni vîndî îrîa arî vakuvî.

Isaia 65:10

Ciandarî cia Sharoni igaatuîka cia kûrîthagua ng'ondu, nacio Ciandarî cia Akori ituîke kûndû gwa kûnogokagwa nî ng'ombe cia andû akwa arîa maanjaragia.

Amosi 5:6

Cariani Ngai-Mûnene, namue nîmûgûtûûra mwoyo. Ethîrwa tîmûmûcaria nîakaamûthiria mue njiarwa cia Josefu na Mwaki. Mwaki nîûkavîvia atûûri a Betheli na gûtirî mûndû ûkaavota kûûvoria.

Zefania 2:3

Cokererani Ngai-Mûnene mue muonthe arîa avoreri, mue arîa mwîkaga ûrîa kwagîrîrîte, cariani ûthingu cariani wînyivia. Kwavoteka ûkethîrwa ûtarî vamwe na andû arîa makaverithua, mûthenya ûrîa Ngai-Mûnene akonania marakara make.

Mathaayo 5:6

Kûrathimwa nî arîa mavûtagîra na makanyondera maûndû ma ûthingu; nîûndû nîmakaavaithua!

Mathaayo 6:33

Nwatî ambani mûcarie Ûthamaki wa Ngai na ûthingu wake, nake nî akaamûva indo icio ciîngî cionthe.

Aroma 10:3

Nîûndû wa kûrega kûmenya ûthingu ûrîa uumaga kûrî Ngai, o nîmageretie kwîrûthîra ûndû wao o ene. Kwoguo nîmaaregire kûrûmîrîra njîra îrîa Ngai atûcaga mûndû mûthingu.

Aroma 14:19

Kwoguo nîtûcaragie maûndû marîa maretaga thayû na marîa mangîtûtethia kwonganagîrîra vinya.

Afil 3:13

Ariû na aarî a îthe wetû, nîramwîra nama atî nie ndirî nîranyita kîrîa ngînyîrîte; ûrîa mbîkaga nî kûriganîrwa nî marîa mavîtûku na ngageria mûno gûkinyîra marîa marî mbere yakwa.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

2Tim 2:22

Reganaga na maûndû marîa macûku meriragîrua nî andû ethî na wîrutanîrie kûgîa na ûthingu, wîtîkio, wendani na thayû, mûrî vamwe na andû arîa maumbûraga Mwathani marî na ngoro ntheru.

Ahib 12:14

Geragiani kwîthîrwa mwîgucanîte na andû onthe na mûgeragie gûtûûra ûtûûro mûtheru, nîûndû mûndû ûtarî naguo ndakoona Mwathani.