Isaia 50:6 - ÎVUKU RÎA ÛVORO MWARO

⁶ Nînavecanire mûkurukuthu wakwa kûrî arîa maandivire, nao arîa maangûûrire nderu ciakwa ngîmavûgûrîra makai makwa, ndiathitha ûthiû wakwa atî nîguo ndigaconorithue kana nduîrwa mata.

Isaia 50:6 ပူးပေါင်းရင်းမြစ်များ

Nehemia 13:25

Nînakararanirie nao na ngîmaruma irumi, amwe ao ngîmariva na ngîmakûranga njuîrî cia ciongo. Nînaamevîtithirie na rîîtwa rîa Ngai atî gûtirî vîndî îngî o kana ciana ciao ikaavikia kana ivikue nî andû acio.

Ayubu 16:10

Andû manyararaga na makanthekerera, magomanaga marî ikundi makanthiûrûrûkîria, na makanjamûra rûvî nî kûmena.

Ayubu 30:10

Nîmamenete na matiendaga kûmona, rîrîa maamona tu, maminjaga mînyîrî.

Thaburi 129:3

Nthû ciakwa nîcianguraririe mûrukuthu, ngîkara ta mûgûnda ûrîmîtwe na mûraû.

Thaburi 69:7

Njambîtue nîûndû waku, na ngecûrwa nî gîconoko.

Thaburi 69:8

Nduîkîte ta mûgeni kûrî andû etû, andû a mûciî wakwa matiramenya.

Isaia 53:5

Nwatî aativirue nîûndû wa mevia metû, aathînirue nîûndû wa waganu wetû. Aaverithirue nîguo tûgîe na mwoyo, na tûkîvonua na njîra ya ivoko irîa aarivirwe.

Isaia 53:7

“Nîwavinyîrîrue na akîthînua, nwatî ndaauga wanarî ûndû. Aakirire ta ng'ondu îvirîtwe kûthînjwa, na aakirire wata ûrîa ng'ondu îkiraga vîndî îrîa guoya wayo ûrenjwa, ndaatumûra kanyua gake.

Maca 3:30

Nwa nginya etîkîre kûrivwa na kûrumwa.

Mika 5:1

Andû a Jerusalemu gomaniani athigari enyu vamwe, nîûndû nthû nîitûrigicîrîtie, iratharîkîra mûtongoria wa Isiraeli.

Ndari 12:14

Nwatî Ngai-Mûnene nîwacokerie Musa atîrî, “Kethîrwa îthe nîwamûtuîrîre mata ûthiû, Miriamu angîagîîre gîconoko îvinda rîa mîthenya mûgwanja. Kwoguo nîengatwe kuuma kûrîa mûtûûraga îvinda rîa kiumia kîmwe, na vuva wa ûguo acokue.”

Mathaayo 26:67

Nao andû amwe nîmaatuîrîre Jesû mata ûthiû na makîmûriva. Engî nao nîmaamûcamûrire na mvî

Mathaayo 27:26

Pilato nîwacokire akîrekereria Baraba. Na arîkia kûrivithia Jesû na ivoko, nîwamûnenganîre akambwe.

Mathaayo 27:30

Nao nîmaamûtuîrîre mata, magîoca rûthanju na makîmûringa kîongo.

Mathaayo 5:39

Nwatî nie nîramwîra atî: mûndû angîkûvîtîria ndûkanerîvîrîrie. Mûndû angîgûcamûra rûvî rûthîa rwaku rwa ûrîo mûvûgûrîre rûthîa rûu rwîngî wana ruo arûcamûre.

Maariko 14:65

Nao andû amwe gatagatîrî kao nîmaambîrîrie gûtuîra Jesû mata, makîmûkunîka metho, na makîmûriva na mvî makîmwîraga atîrî, “Tecirîrie nî ûrîkû wakûringa.” Arangîri wa nao nîmaamûrivire.

Maariko 15:19

Nao nîmaamûrivire kîongo na rûthanju, makîmûtuîra mata na makîmûturîria maru takwa maramûgooca.

Johana 18:22

Rîrîa Jesû aarîkirie kuga ûguo, mûrangîri ûmwe ûrîa warî vau nîwamûringire na rûvî na akîmûria atîrî, “Ûngîvota gûcokeria Mûthînjîri-Ngai mûnene ûguo atîa?”

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.