Isaia 50:2 - ÎVUKU RÎA ÛVORO MWARO

² “Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Isaia 50:2 ပူးပေါင်းရင်းမြစ်များ

Kîam 18:14

Kûrî ûndû Ngai-Mûnene atangîvota gwîka? Wata ûrîa nauga, nî ngaacoka vuva wa mîeri kenda kuuma rîu, na Sara nîakaagîa na kamwana.”

2Maû 32:15

Mûtikareke Hezekia amûveenie kana amûvîtithie na njîra ta îo. Mûtikamwîtîkie nîûndû gûtirî ngai ya vûrûri wanarî ûrîkû kana ûthamaki ûrîkû yanavota kûvonokia andû a yo kuuma kûrî nie kana kuuma kûrî methe makwa. Ngai ûcio wenyu angîmûvonokia kuuma kûrî nie atîa!”

Thaburi 106:9

Nîwathire îria îtune rînyaare, na rîkînyaara, aavîtûkîrîrie andû ake îriarî takwa marî nthî nyûmû.

Thaburi 107:33

Nîagarûraga nyûnjî igatuîka werû, na akanyaria kûrîa kûtherûkaga manjî.

Ntha 14:21

Musa nîwacokire akîambararia njara yake îgûrû rîa Îria. Nake Ngai-Mûnene nîwatûmire manjî ma îria macokue na vuva nî rûkûngi rûnene rûrîa rûvurutanaga rumîte mwena wa îrathîro. Naruo rûkûngi rûu rwavurutanire ûtukû wonthe na rûgîtûma îria rîtuîke nthî nyûmû. Manjî nîmaagaûkanire.

Ntha 14:29

Nwatî andû a Isiraeli maavîtûkîrîre îriarî kûrî nthî nyûmû, na nthingo cia manjî irî mîena yoîrî.

Ntha 7:18

Nthamaki irîa irî rûnjîrî rwa Nailo nîigûkua na rûnjî rwa Nailo rûnunge mûno, nao andû a Misiri matikaavota kûnyua manjî ma ruo.’ ”

Ntha 7:21

Nthamaki irîa ciarî rûnjîrî rwa Nailo nîciakwire, na manjî makînunga naaî mûno. Nao andû a Misiri nîmaaremirwe nî kûnyua manjî kuuma rûnjîrî rwa Nailo. Kûndû kuonthe vûrûrirî wa Misiri gwecûrîte nthakame.

Nthi 1:24

Nîûndû naamwîtire na mûkîrega kwîgua, namûveneerie na njara na gûtirî mûndû watindanîrîre nanie.

Isaia 11:15

Ngai-Mûnene nîaakanyarithia Îria Îtune, na arete rûkûngi rûviû nîguo rûnyarithie rûnjî rwa Farati, na arûgaanie rûtuîke tûrûnjî mûgwanja, nîguo andû maringage na magûrû.

Isaia 19:5

Manjî ma Rûnjî rwa Nilo nîmakaavûa, naruo rûnjî rûnyare.

Isaia 23:11

Ngai-Mûnene nîatambarûkîtie njara yake îgûrû rîa îria, na akainainia mothamaki; nîarutîte watho atî kûrîa kuonthe kûgitîre Kanaani gûcûkangue.

Isaia 36:20

Nî ngai îrîkû gatagatîrî ka ngai icio cia mavûrûri mau cianavonokia mavûrûri mao kuuma kûrî nie, atî nîguo Ngai-Mûnene akûre Jerusalemu kuuma kûrî nie?”

Isaia 41:28

Nwatî naroria, ndirona mûndû, gatagatîrî ka mîvuanano îno, gûtirî mûtaarani, ûngîvota gûcokia kîûria vîndî îrîa naûria.

Isaia 42:15

Nîngaacûkangia irîma na tûrîma, na nyûmithie tûmîtî tuonthe twa kuo. Nîngaavûîthia nyûnjî ituîke nthî nyûmû, na mvûîthie manjî marîa marî mariarî.

Isaia 43:16

Ngai-Mûnene arauga atîrî, “Nînarûthire njîra îriarî, na ngîrûtha gacîra manjîrî meengî,

Isaia 44:27

Nînie mbugaga kûrîa kûrî manjî mariku kûvûe, na nîngaavûîthia nyûnjî cienyu.

Isaia 51:10

Kinthî tîwe wavûîthirie îria, manjî ma îria rîrîa rînene, we ûrîa warûthire njîra îriarî kûrîa kûriku, nîguo arîa maarî akûre mavîtûkîrîre kuo?

Isaia 54:6

Jerusalemu, Ngai-Mûnene nîagwîtîte rîngî ta mûndûmûka aratetwe nî mûrûme na arî na ruuo ngororî, ta mûndûmûka avikîtue arî mwîthî akînatewa. Ngai waku arauga atîrî,

Isaia 59:1

Tigani gwîciiria atî Ngai-Mûnene ndarî na vinya wa kûmûvonokia, kana atî matû make nîmavingaru ndangîvota kûmwîgua!

Isaia 59:16

Ke nîwonire atî gûtiarî na mûndû ûngîtethia arîa akinyîrîrie. Kwoguo ke nîatûmîra vinya wake amavonokie na amave ûvootani.

Isaia 63:13

Ngai-Mûnene aamatongorerie makîthiîra kûu kûriku ta mbarathi irî werûrî na matiavîngwa.

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Isaia 65:12

mûthiiarî ngaatûma mûragwe na rûviû. Ngaamûragithia muonthe, nîûndû rîrîa netanire mûtiambîtîka, rîrîa naririe mûtianthikîrîria. Nwatî mwekire maûndû macûku na mûkîthuura maûndû marîa mataangenagia.

Isaia 66:4

Kwoguo nîngûmaretithîria mathîna; na nîmaretere indo irîa metigîrîte, nîûndû rîrîa netanire gûtirî mûndû wetîkire; rîrîa naririe matiathikîrîria. Nwatî meekire maûndû macûku ngîonaga, na makîthuura maûndû marîa mataangenagia.”

Jeremia 14:9

Nîndûî gîtûmîte wîkare ta mûndû mwagagu, mûndû ûrî na vinya nwatî ndangîvonokia mûndû? Nwatî we Ngai-Mûnene ûrî gatagatî getû; twîtanîtue na rîîtwa rîaku ndûgatûtiganîrie.”

Jeremia 35:14

Maûndû marîa Jonadabu mûvîcî wa Rekabu aathire ciana ciake, atî matikanyue ndivei, nîmaamarûmîrîre, na nginya ûmûnthî matiananyua ndivei nîûndû nîmathîkîrîte watho wa îthe wao. Nwatî mbîthîrîtwe ngîaria namue mavinda kwa mavinda na mûtimbîgucaga.

Jeremia 35:15

Nînîmûtûmîrîte arathi ndungata ciakwa, na nîo arathi mavinda kwa mavinda nîguo meere wa ûmwe wa cienyu atigane na waganu wake, arûnge mîthiîre yake na atige kûgooca ngai cia mîvuanano nîguo mûtûûre na thayû vûrûrirî ûrîa namûveere mue wana methe menyu, nwatî mûtianthikîrîria kana mûmbîgua.

Jeremia 5:1

Vinyûrani kûndû na kûndû varavararî cia Jerusalemu, mûrorie na mwîyonere! Mûtuîrie na kûu thokorî, mwone kana kûrî wanarî ûmwe, ûrûmagîrîra kîvooto na ûcaragia ûma. Mwamwona, nie Ngai-Mûnene nîngûrekera Jerusalemu.

Jeremia 7:13

Mue nîmwîkîte maûndû mama monthe, na mavinda meengî na namwarîrie na mûkîrega kûmbîgua, na namwîta mûkîrega kûmbîtîka.

Jeremia 7:27

“Kwoguo we Jeremia, îra andû akwa maûndû mama monthe, nwatî tîmakûthikîrîria. We nîûkameta, nwatî matigagwîtîka.

Jeremia 8:6

Mbîthîrîtwe nthikîrîrîtie waro, nwatî matiaragia ûvoro wa ma. Gûtirî mûndû wanarî ûmwe wîriraga nîûndû wa waganu wake; na eyûrie atî, ‘Mbîkîte atîa?’ Wa mûndû athiîcaga njîra yake ke mwene, ta mbarathi îvinyûrîte mbaararî.

Danieli 3:15

Rîu-î, rîrîa mûkegua rîngî mîgambo ya coro, mîtûrirû, ngita, wandîndî, na inanda cia mîthemba yonthe, mûkenamîrîria mothiû menyu mûgooce mûvuanano ûcio naarûthithirie wa thaavu. Ethîrwa mûtikaaûgooca, nîmûgaaikua wa rîmwe mwakirî mûnene mûno. Nî ngai îrîkû îngîmûvonokia kuuma kûrî nie?”

Danieli 3:29

“Kwoguo nie nathana atî mûndû wana ûrîkû kuuma iruka cionthe, mavûrûri monthe, wana andû a nthiomi cionthe arîa mangîaria ûndû wa kûmenereria Ngai wa Shadiraka, Mîsheki na Abedinego, agaatemangwa icunjî na nyomba ciao ciomomorangwe; nîûndû gûtirî ngai îngî îngîvota kûvonokania ûguo.”

Danieli 6:20

Rîrîa aakuvîvîrie îrima, nîwetire Danieli arî na kîeva kîngî mûno na akîmwîra atîrî, “Ûûi Danieli, ndungata ya Ngai ûrîa ûtûûra mwoyo! Ngai ûrîa ûtungatagîra wa mûthenya nîaravotire gûgûtethûra kûrî mînyambû?”

Danieli 6:27

Nîke ûvonokagia andû na akamatethûra marî thînarî, aringaga ciama na akonania morirû, îgûrû wana gûkû nthî. Nîavonoketie Danieli kuuma ithuurî cia mînyambû.”

Hosea 11:2

Wa ûrîa nathiî na mbere kûmeta, nwa guo maathiîcaga varaca nanie. Nîmaathiîre na mbere kûrutîra ngai cia Baali magongoona, na kûvîvîria mîvuanano ûbani.

Hosea 11:7

Andû akwa nîmatuîte mandiganîrie, mambîtaga Ûrîa Ûrî Îgûrû Mûno nwatî matindîîaga nama.

Nahumu 1:4

Nîathaga îria na rîkanyaara, ke nîanyarithagia nyûnjî. Mîgûnda ya Bashani na kîrîma gîa Karimeli nîciûmagaraga, maûa ma Lebanoni makavova.

Habakuku 3:8

We Ngai-Mûnene nî nyûnjî ikûrakarîtie? Nî manjî ma îria makûrakarîtie? Nîwathiîre ûtwîte mbarathi yaku, na ikaari ciaku cia mbaara ûkîvootana.

Ndari 11:23

Nake Ngai-Mûnene nîwacokerie Musa atîrî, “Anga vinya wakwa wîthagîrwa ûrî na kîthimi? Eterera wone kana ûrîa mbugîte tîgûtuîkîka!”

Maariko 4:39

Nake Jesû aramûka, nîwakanirie rûkûngi na vinya, na akîra îria atîrî, “Vorera!” Naruo rûkûngi nîrwatigire kûvurutana, narîo îria rîkîvoorera.

Johana 1:11

Kiugo aathiîre vûrûrirî wake mwene na andû ake mwene matiamûnyita ûgeni.

Johana 3:19

Andû matucagîrwa na njîra îno: ûtheri nîûrîkîtie gûka nthî, nwatî andû nîmendete nduma gûkîra ûrîa mendete ûtheri nîûndû ciîko ciao nî njûku.

Josh 3:16

manjî marîa maanyûrûrûkaga nîmaarûngamire na makîyûmba vamwe. Maarûngamire varaca vandû vetagwa Adamu, îtûûra rîrîa rîrî vakuvî na Zarethani. Manjî nî maatigire kûnyûrûrûka îriarî rîa Cumbî, nao andû makîringîra nthî nyûmû vakuvî na Jeriko.