Isaia 5:9 - ÎVUKU RÎA ÛVORO MWARO

⁹ Nîmbîguîte Ngai-Mûnene mwene vinya wonthe akiuga atîrî, “Nama nyomba nyîngî igaatigwa irî ntheri, nyomba nene na mbaro itarî na andû a gwîkara kuo.

Isaia 5:9 ပူးပေါင်းရင်းမြစ်များ

2Maû 36:21

Ûguo nîguo kwavingirue ûrîa Ngai-Mûnene aarîtie kûvîtûkîra mûrathi Jeremia atî, “Vûrûri ûgaatigwa ûrî mûtheri îvinda rîa mîaka mîrongo mûgwanja (70) nîguo ûgîe na îvinda rîa kûvurûka kûringana na mavinda ma thavatû marîa ûtaavurûkîte.”

Ayubu 15:28

Atûûraga maganjorî, nyombarî irîa ciathamîrwe nî andû, irîa irî vakuvî kwomomoka.

Ayubu 20:21

nîûndû arîcaga atagûtigaria, kwoguo ûtonga wake ndûgatûûra.

Nthi 15:27

Andû arîa mendaga kûgîa ûtonga na njîra îtarî mbagîrîru matûmaga mîciî yao îgîe na thîna, nwatî andû arîa mathûrîte mavaki nî matûûraga îvinda îraca.

Isaia 22:14

Ngai-Mûnene mwene vinya wonthe nîwanguûrîrie akîmbîra atîrî, “Nama, mûtikoverwa wîvia ûyû nginya rîrîa mûgaakua.” Ûguo nîguo Ngai-Mûnene mwene vinya wonthe augîte.

Isaia 27:10

Nîûndû îtûûra rîrîa ririgîre rîtigîtwe rîrî rîonga, rîtiganîrîtue na rîkathamwa ta werû. Kûu nîkuo ng'ombe irîthagua na ikamama wa kuo.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Amosi 6:11

Taroria! Ngai-Mûnene nîarathana, nyomba nene na nini nîikaavaraganua ithire.

Mathaayo 22:7

Nake mûthamaki nîwarakarire. Kwoguo nîwatûmire athigari ake makaûrage aûragani acio, na mavîvie îtûûra rîao.

Mathaayo 23:38

Kwoguo hekarû yaku nîgaatiganîrua na îkare îrî ntheri.

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.