Isaia 5:26 - ÎVUKU RÎA ÛVORO MWARO

²⁶ Ngai-Mûnene nîakaamenyithia vûrûri wa kûraca, na augîrie andû mûrûri kuuma mîthiia ya nthî; nao magaaûka mavinyûrîte.

Isaia 5:26 ပူးပေါင်းရင်းမြစ်များ

Thaburi 60:4

Nîûkaanîtie andû arîa magwîtigîrîte, nîguo matigacûkangue.

Thaburi 72:8

Aroathana kuuma îriarî nginya îriarî, kuuma rûnjîrî rwa Farati nginya mîthiia ya nthî.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 11:12

Nîagaaûkîrîria vendera ya kwonia mavûrûri, atî nîakaaûngania andû a Isiraeli arîa matarî kîene, nîakaaûngania andû a Juda arîa manyaganîtie mîthiiarî îna ya nthî.

Isaia 13:2

Ngai augîte atîrî, “Vandani vendera îgûrû rîa kîrîma gîtarî na mîtî, ugîrîriani mwîte athigari, na mûmavenerie na njara, nîguo matonyere kîvingo gîa îtûûra rîa andû arîa marî îgweta.

Isaia 13:3

Nie mwene nîmbathîte arîa nyamûrîte, nîmbîtîte andû akwa arîa njamba arîa makenaga rîrîa navootana, makarûe na arîa mandakarîtie.”

Isaia 13:4

Tathikîrîriani înegene rîrîa rîrî irîmarî îgûrû, nîta rîa andû eengî mûno! Tathikîrîriani înegene rîa mothamaki na mavûrûri magomanîte vamwe. Ngai-Mûnene mwene vinya wonthe nîaravarîrîria athigari ake a mbaara.

Isaia 13:5

Maûkîte maumîte mavûrûri ma kûraca, maumîte mîthiia yonthe ya nthî. Ngai-Mûnene arî na marakara akuuîte indo ciake cia mbaara, nîguo acûkangie nthî yonthe nîûndû wa marakara make.

Isaia 18:3

Mue arîa mûtûûraga mavûrûrirî monthe ma nthî, namue mûtûûraga nthî, rîrîa kîmenyithia gîkoonanua îgûrû rîa kîrîma, mûkaaroria! Rîrîa karumbeta gakaavuvwa, mûkaathikîrîria!

Isaia 30:16

Vandû va ûguo mue mwaugire atîrî, “Naarî! Tue tûkaavinyûra tûtwîte mbarathi irîa irî îvenya.” Îî nîguo, nîmûkaavinyûra na mbarathi irîa irî îvenya, nwatî arîa makaamûvinyûria makethîrwa matwîte mbarathi irî na îvenya makîria!

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Isaia 39:3

Mûrathi Isaia nîwacokire akîthiî kwa Hezekia na akîmûria atîrî, “Andû aya makwîra atîa na maumîte kû?” Hezekia nîwacokirie atîrî, “Maûka kûrî nie maumîte Babuloni vûrûri wa kûraca.”

Isaia 7:18

“Vîndî îo, Ngai-Mûnene nîakaaugia mûrûri ete andû a Misiri maûke ta ngi kuuma kûrîa tûrûnjî twa Nailo tumîte, na Asîria maûke ta njûkî kuuma vûrûrirî wao.

Jeremia 4:13

Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!

Jeremia 5:15

Ngai-Mûnene arera andû a Isiraeli atîrî, “Nîngûmûretere rûrîrî kuuma kûndû kûraca rûmûtharîkîre. Rûrîrî rûkûrû rûtangîvooteka, rûrîrî mûtangîmenya rûthiomi rwaruo, wana mûtangîtaûkîrwa nî ûrîa marauga.

Jeremia 51:27

“Vandani vendera ya mbaara gûkû nthî, vuvani karumbeta mavûrûrirî; varîriani mavûrûri nîguo marûe mbaara nake. Îtani mothamaki ma Ararati, Mini na Ashikenazi maûke maûtharîkîre. Thuurani njamba ya kûrûa nake; rîretereni mbarathi ta ikundi cia ngige.

Maca 4:19

Arîa maatûvinyûrîtie maarî na îvenya mûno, gûkîra ndiiû irî îgûrû, maavinyûranîrie natue irîmarî, na magîtwîthithîra werûrî.

Ezek 38:17

Kinthî tîwe, nie Mwathani Ngai-Mûnene naririe ûvoro waku tene na njîra ya arathi a Isiraeli ndungata ciakwa, ngiuga atî vîndî îmwe nîngaagûtûma akatharîkîre Isiraeli?”

Joeli 2:7

Marûaga ta arûi a mbaara matûcaga nthingo ta athigari. Mathiîcaga marûmanîrîrîte, na maticenjagia njîra ciao.

Habakuku 1:8

“Mbarathi ciao irî îvenya gûkîra itang'a; nînyûmîrîru gûkîra ciathi irî mvûtu. Itwîte mbarathi ciumîte kûndû kûraca; andû ao arîa mathiîcaga maumaga kûndû kûraca, igûrûkaga na îvenya ta nderi îkînyita gîa kûrîa.

Zakaria 10:8

Nîngaameta na nîmagaacokanîrîra vamwe, nîûndû nînîmakûrîte, na nîmakoongerereka na mengîve ta ûrîa meekariî mbererî.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Gûco 28:49

Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.