Isaia 5:25 - ÎVUKU RÎA ÛVORO MWARO

²⁵ Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Isaia 5:25 ပူးပေါင်းရင်းမြစ်များ

1Atha 14:11

Mûndû wa wonthe wa mûciî wa Jeroboamu ûrîa ûgaakuîra îtûûrarî, nîakaarîwa nî ngui, nake mûndû wa wonthe wa mûciî waku ûrîa ûgaakuîra mûgûndarî, nîakaarîwa nî nderi. Ûguo nîguo Ngai-Mûnene augîte.’ ”

1Atha 16:4

Mûndû wa wonthe wa nyomba yaku ûrîa ûgaakuîra îtûûrarî rîrîa rînene nîakaarîwa nî ngui, nake mûndû wa wonthe wa nyomba yaku ûrîa ûgaakuîra werûrî nîakaarîwa nî nderi.”

1Atha 21:24

Mûndû wa wonthe wa mbarî ya Ahabu ûrîa ûgaakuîra îtûûrarî nîakaarîwa nî ngui, nake mûndû wa wonthe wa mbarî yake ûrîa ûgaakuîra nja ya îtûûra nîakaarîwa nî iconi cia rîerarî.”

2Atha 13:3

Kwoguo Ngai-Mûnene nîwarakarirue nî andû a Isiraeli na nîwatûmire mekare makîvootagwa mbaararî nî Hazaeli, mûthamaki wa Sîria na mûvîcî Benihadadi.

2Atha 9:37

nakîo kimba gîake gîkaanyagarûka ta mai mûgûndarî kûu vûrûrirî wa Jezireeli, na gûtirî mûndû ûkaavota gûkîmenya’ ”

2Maû 36:16

Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.

Ayubu 9:13

“Marakara ma Ngai matingîgirîrîkia; arîa matethagia njûnamatu îrîa îtagwa Rahabu, nîmamwînamagîrîra.

Thaburi 106:40

Kwoguo Ngai-Mûnene nîwarakarirue nî andû ake; nîwatimbirwe nî andû ake ke mwene.

Thaburi 114:7

We nthî, inaina ûrî mbere ya Ngai-Mûnene; ûrî mbere ya Ngai wa Jakovu;

Thaburi 18:7

Nthî nîyagîre na kîthingithia na îkinaina, itina cia irîma wana cio nîciainainire, nîûndû Ngai aarî mûrakaru.

Thaburi 68:8

nthî nîyathingithire na mbura îkiura kuuma îgûrû, nîûndû Ngai wa Sinai nîwaûkire, nîûndû Ngai wa Isiraeli nîwaûkire.

Thaburi 77:18

Mûrurumo wa ngwa yaku warî kîvuvûkaniorî, mveni nîciatûmire nthî ng'ima kûgîe na ûtheri; na nthî nîyainainire na îkîthingitha.

Thaburi 78:38

Nwatî Ngai nîwaeguîrîre andû ake ntha, na akîmarekera mevia mao. Mavinda meengî nîwerigagîrîria kûrakara, na nîwerigagîrîria mang'ûrîka.

Thaburi 83:10

andû arîa wathirîrie Endoru, na mîîrî yao yorere nthî.

Ntha 7:19

Nake Ngai-Mûnene nîwerire Musa atîrî, “Îra Aroni oce mûragi wake na akûnjûre njara yake îgûrû rîa nyûnjî cionthe cia Misiri, mîtaro ya manjî, maria monthe nîguo matuîke nthakame. Nakuo nîgûkaagîa nthakame vûrûri wonthe wa Misiri, indorî irîa ciîkagîrwa manjî cia mbaû wana cia mathiga.”

Isaia 10:4

Gûtirî ûndû mûgeka tiga kwînyitania na andû arîa ove, kana mûgwe kûrî arîa aûrage. Kûnarî ûguo, marakara ma Ngai-Mûnene tîmathiru, na nîatambarûkîtie njara yake averithanie.

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Isaia 14:19

nwatî we ûtetwe nja kûraca na mbîrîra yaku, wîkariî ta kîvuno kîrî na magigi, kimba gîaku nî gîkinyange, gîkunîkîrîtwe nî ciimba cia andû maûragîtwe na rûviû, na gîgaikua îrimarî rîa mathiga.

Isaia 23:11

Ngai-Mûnene nîatambarûkîtie njara yake îgûrû rîa îria, na akainainia mothamaki; nîarutîte watho atî kûrîa kuonthe kûgitîre Kanaani gûcûkangue.

Isaia 25:11

Nîmakaambararia njara ciao ta mûndû akîgeria kûthambîra, nwatî Ngai-Mûnene nîakaathiria mwîtîîo wao vamwe na wara wao

Isaia 29:2

Kûnarî ûguo nîngaatûma Jerusalemu kûgîe kîeva, na nîgûkaagîa kîrîro na macakaya, na kûrî nie îtûûra rîu rîkethîrwa rîkariî ta metha ya kîgongoona îrî na nthakame.

Isaia 42:25

Kwoguo nîwametûrûrîre marakara make, na akîmarekereria matharîkîrwe na mbaara. Marakara make maamathiûrûrûkîrie mîena yonthe ta mwaki, nwatî matiataûkîrwa nî gîtûmi; marakara mau maamavîvirie nwatî matiethomithia ûndû.

Isaia 51:20

Ciana ciaku nî ngirîku, mamamîte nthî ndeererî cia njîra cionthe, ta nthwariga înyitîtwe nî mûtego. Nîanyite nî marakara ma Ngai-Mûnene, nîanyite nî îvera rîa Ngai wenyu.

Isaia 64:3

Rîrîa wekire maûndû ma kûgegania marîa tûterîgîrîre; nîwanyûrûrûkire nthî na ûgîtûma irîma cinaine nî guoya ciakwona.

Isaia 66:15

Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Isaia 66:24

“Makiuma kûu nîmakoonaga ciimba cia andû arîa maareganire nanie; igunyû irîa ikaairîcaga itigaakucaga, na mwaki ûrîa ûkaaivîvagia ndûkaavorekagia, na ciimba icio ikoonekaga irî na magigi nî andû onthe.”

Isaia 9:11

Kwoguo, Ngai-Mûnene nîakaarete nthû ciao nîguo imatharîkîre.

Isaia 9:16

Atongoria a andû aya nîmamavîtithîtie, nao arîa matongoragua nî andû aya nîmaûrîte.

Isaia 9:17

Kwoguo Mwathani ndakenagua nî anake aya, ndarî na ntha na ciana ciao cia ndigwa na aka ao a ndigwa, nîûndû andû onthe matiîcî Ngai, na nîeki naaî na maragia maûndû ma waganu. Nîûndû wa maûndû mau monthe, marakara make tî mathiru, nwatî nwa atambarûkîtie njara yake nîguo îverithanie.

Isaia 9:20

Macunanaga indo nwatî matiîganagîra, marîcaga nyama cia mûndû ûrîa wîngî, wa mûndû atharîkagîra mûndû ûrîa wîngî.

Isaia 9:21

Manase na Efiraimu matharîkanagîra o ene, nao oîrî marî vamwe matharîkagîra Juda. Nîûndû wa maûndû mau monthe marakara ma Ngai-Mûnene tî mathiru, nwa atambûrûkîtie njara yake nîguo îverithanie.

Jeremia 15:3

Nie Ngai-Mûnene nîmvangîte kûmaretera maûndû mana ma kûmathiria: maûragîrwe mbaararî, ngui imatambururange, marîwe nî iconi, na nyamû cia kîthaka imarîa imathirie.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 17:4

Nwa nginya mûtiganîrie vûrûri ûrîa namûveere, na nîngatûma mûtungatîre nthû cienyu mûrî vûrûrirî ûrîa mûtaicî, nîûndû marakara makwa makanîte ta mwaki ûrîa wakanaga tene na tene.”

Jeremia 4:24

Nînaroririe irîmarî na ngîona ikinaina, wana tûrîma tuonthe tûkinaina.

Jeremia 4:8

Nîûndû wa ûguo îkîrani nguo cia macakaya, mûrîre na mûcakae, nîûndû Ngai-Mûnene tîmûtigu kûrakara nîûndû wetû.”

Jeremia 6:12

Nyomba ciao nî ikavecanwa kûrî andû engî, wana mîgûnda yao na aka ao, nîûndû nîngatambûrûkia njara yakwa, mverithie andû a vûrûri ûyû. Ûguo nîguo Ngai-Mûnene arauga.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Jeremia 9:22

Ngai-Mûnene nîwambîrire mbuge atî: “Ciimba cia andû inyagarûkîte ta mai ma ng'ombe mîgûndarî, ta imanja cia ngano itemetwe nî mûkethi, itarî na mûndû wa gûciûngani.”

Maca 5:22

Kana nîkwa ûtûtiganîrîtie viû? Nîkwa ûrî mûrakaru mûno nîtue?

Ezek 15:6

Kwoguo, Ngai-Mûnene arauga atîrî, “Wata ûrîa mûtî wa mûthavibu wocagwa kîthakarî na ûgaikua riiko nîguo mwaki wakane, nwaguo ngooca andû arîa matûûraga Jerusalemu,

Ezek 30:25

Nîngekîra njara cia mûthamaki wa Babuloni vinya, nwatî nîngaatûma njara cia mûthamaki wa Misiri iregere. Rîrîa ngaanengera mûthamaki wa Babuloni rûviû rwakwa rwa njûra nake arûcomore arûe na vûrûri wa Misiri nîmakaamenya atî, nie nînie Ngai-Mûnene.

Ezek 6:14

Nîngaakûnjûra njara yakwa nîguo njûkangie vûrûri wao kûrîa matûûraga ûtuîke îganjo, kuuma werûrî nginya îtûûrarî rîa Ribula rîrîa rîrî mwena wa rûgûrû. Nao nîmagaacoka mamenye atî nie nînie Ngai-Mûnene.”

Danieli 9:16

We Mwathani, nîûndû wa ûthingu waku tiga kûverithia Jerusalemu, îtûûra rîaku rîrîa rîrî kîrîmarî kîrîa kîtheru. Andû aku, na îtûûra rîa Jerusalemu methagîrwa marî na gîconoko mbere ya mavûrûri marîa mamarigicîrîtie, nîûndû wa mevia metû na maûndû macûku marîa meekirwe nî methe metû ma tene.

Hosea 14:4

Ngai-Mûnene arauga atîrî, “Nîngagarûra mîtugo yao ya kûrega gwîtîkia, wendo wakwa kûrî o ndûkethîrwa na kîthimi, nîûndû ndikarakara nîo rîngî.

Amosi 8:8

Nîûndû wa gîtûmi gîkî, nthî nîkainaina, na mûndû wa wonthe ûtûûraga nthî acakae. Vûrûri wonthe nîûgecûra ta rûnjî rwa Nilo, ûgaaikanagia ta rûnjî rwa Nilo.”

Mika 1:4

Irîma nî ikaararûka ta mûvûra irî rungu rwa magûrû make; ikaanyûrûrûka ciandarî ta manjî makînyûrûrûka kuuma kîrîmarî.

Nahumu 1:5

Irîma nîcinainaga mbere yake, na tûrîma tûkararûka. Rîrîa Ngai-Mûnene aumîra nthî nîinainaga, nthî na indo cionthe irîa irî kuo.

Habakuku 3:10

Irîma ciakwonire igîtetema, gûkîgîa na mwîcûro wa manjî kuuma maturî. Manjî ma îria kûrîa kûriku makîruruma, na magikia makûmbî ma manjî na îgûrû.

Zefania 1:17

Ngai-Mûnene arauga atîrî, “Nîngareta mûthiro kûrî andû, nîguo mathiîcage ta atumumu nthakame yao îgetûrûrwa ta rûkûngû, nacio ciimba ciao ciîtûrûrwe ta mai.

Gûco 31:17

Rîrîa mageeka ûguo, nîngaarakara nîo na nîmatiganîrie, nao macoke macûkangue. Nîmakaagîa na mathîna na mînyamaaro mîîngî na nîmakaamenya atî marona mathîna na mînyamaaro îo nîûndû, Ngai wao ndarî vamwe nao.

Gûco 31:18

Vîndî îo ndikaamatethia nîûndû nîmekîte maûndû macûku na makagooca ngai ciîngî.

1Ath 2:16

Wana nîmaageragia gûtûgiria tûtikavunjîrie andû a ndûrîrî ndûmîrîri îrîa îngîtûma mavonoke. Na njîra îno nîmarîkîtie gûkinya mûthiia wa mevia marîa matwîre mekaga. Namo marakara ma Ngai nîmakinyîte kûrî o.

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.