Isaia 5:2 - ÎVUKU RÎA ÛVORO MWARO

² Nîwacimbire mûgûnda ûcio na akîûngania mathiga monthe; na akîvanda mîthavibu îrîa mîaro mûno. Nîwatumire nyomba ndaca na îgûrû gatagatî ka mûgûnda ûcio nîûndû wa kûûgitîra, na akîrûtha vandû va kûvivîra ndivei kûu mûgûndarî. Nîweterere mîthavibu iciare, nwatî mîthavibu îo yaciarire thavibu cia kîthaka.

Isaia 5:2 ပူးပေါင်းရင်းမြစ်များ

2Sam 7:10

Nî nthuurîrîte andû akwa a Isiraeli kûndû kwa gûtûûra na nîngaatûma matûûre kuo, nîguo na matigacoke kûvinyîrîrua rîngî ta ûrîa meekagwa mbererî nî andû arîa aganu.

Nehemia 13:15

Kavinda kau nînonire andû a Juda makîviva thavibu mûthenya wa thavatû na nîmaaretaga irio cia mîgûnda maikuithîtie mvunda. Na engî nîmaaretaga ndivei, thavibu, na ndamaiyû îtûûrarî rîa Jerusalemu mûthenya wa thavatû maikuîte na mvunda. Nînaamakaanirie na ngîmeera matikendie indo mûthenya wa thavatû.

Thaburi 80:8

Waretire mûthavibu kuuma Misiri, ûkîvinyûria ndûrîrî irîa ciîngî, na ûkîûvanda vûrûrirî wao.

Thaburi 80:9

Nîwaûrîmîre nîguo ûkûre, nîwamerire na mîri yaguo nîyarikîre îgîtamba nthî yonthe.

Ntha 33:16

Ethîrwa tîûthiîcania natue, andû mangîmenya atîa atî ûrîmûkenie nînie wana andû aku? Kûthiîcania natue nîkuo gûgatûma tûgîe na ngûrani gatagatî getû na andû acio engî onthe a nthî.”

Isaia 1:8

Îtûûra rîa Zayuni rîtigîtwe rîrî rîonga, ta kanyomba ka mûrangîri karî mûgûndarî wa mîthavibu, kana kanyomba karî mûgûndarî wa marenge, ta îtûûra rîrî rîrigicîrie.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Jeremia 11:17

Ngai-Mûnene mwene vinya wonthe, ûrîa wamûvandire arauga nîakûmûthiria na mûthiro nîûndû wa waganu ûrîa wîkîtwe nî andû a Isiraeli na a Juda. Nîmandakarîtie nîûndû wa kûrutîra Baali magongoona.

Jeremia 2:21

Nwatî nînakûvandire ta mûthavibu mûthuure mbegû mbaro kuuma mûthavibu ûrîa mwaro. Nî ndûî gîtûmîte ûgarûrûke ûtuîke ta kîndû gîcûku, kana ta mûthavibu wa kîthakarî?

Hosea 10:1

Andû a Isiraeli mekariî ta mûthavibu ûrîa mwaro mûno, mûthavibu ûrîa ûciaraga matunda mûno. Wa ûrîa matunda mathiîcaga na mbere kwongereka; nwaguo mathiîre na mbere na gûtuma metha cia kîgongoona. Wa ûrîa maciaro ma vûrûri mongerekire, nwa guo maathiîre na mbere kûvanda itugî ciao cia kûvoyagîra.

Mika 4:8

Nawe kîrîma Kîam Jerusalemu, vandû vatûgîru varîa Ngai aroragîrîria andû ake ta mûrîthi, nîûgaatuîka îtûûra rînene rîa ûthamaki ûrîa warî waku, Jerusalemu nîgaatuîka rîngî îtûûra rînene rîa mûthamaki.

Ndari 23:9

Nîrî îgûrû rîa irîma nînîmoonaga, nînîmaroragia nîrî îgûrû rîa irîma. Acio nî andû matûûraga marî onga; nîmaicî atî nî arathime gûkîra andû a mavûrûri marîa mengî!

Mathaayo 21:19

Rîrîa oonire mûtî wa mûkûyû mûkîrarî wa njîra, nîwathiîre varî guo nwatî akîona ûtarî na maciaro tiga mathangû matheri. Kwoguo ke nîwawîrire atîrî, “We ndûrî vîndî ûgaaciara ngûû rîngî.” Naguo mûkûyû nîwaûmire wa rîmwe.

Mathaayo 21:33

Nake Jesû nîwamerire atîrî, “Tathikîrîriani ngerekano îngî. Vîndî îmwe kwarî na mûndû wavandire mîthavibu mûgûndarî wake. Nîwacokire akîwiriga, akînja îrima rîa kûvivîra thavibu na agîtuma nyomba ya arangîri. Nîwacokire agîûkomborithia arîmi na akîthiî vûrûri wîngî.

Mathaayo 21:34

Na rîrîa kavinda ga gûketha thavibu gaakinyire, mûndû ûcio nîwatûmire ngombo ciake kûrî arîmi acio, nîguo imûgîrîre îgai rîake rîa maketha.

Maariko 11:13

Na rîrîa oonire mûkûyû ûrî varaca na ûrurîte waro, nîwathiîre kwona kana warî na ngûyû. Nwatî rîrîa aakinyire varî guo, nîwonire atî ndwarî na ngûyû tiga mathangû tu, nîûndû kau tîko kaarî kavinda kaguo ga gûciara.

Maariko 12:1

Jesû nîwambîrîrie kûthomithia andû na ngerekano na akîmeera atîrî, “Vîndî îmwe kwarî na mûndû wavandire mîthavibu mûgûndarî wake. Nîwawirigîre, akînja îrima rîa kîndû gîa kûvivîra ndivei, na agîtuma nyomba ya arangîri. Nîwacokire agîûkomborithia arîmi na akîthiî vûrûrirî wîngî.

Maariko 12:2

Rîrîa kavinda ga gûketha thavibu gaakinyire, mûndû ûcio nîwatûmire ngombo yake kûrî arîmi acio, nîguo îmûgîrîre îgai rîake rîa maketha.

Aroma 9:4

Andû acio nî Aisiraeli na nîo Ngai aatuire ciana ciake na akîmaguûrîria riiri wake. Ke nîwathondekire irîkanîro nao na akîmava watho. Andû acio nîmamenyete kûgooca Ngai nama na nîmamûkîrîte ciîranîro ciake.

1Akor 9:7

Nî mûthigari ûrîkû ûrîvaga matûmîri make ke mwene vîndî îrîa arî mbaararî? Nî mûrîmi ûrîkû ûtarîcaga matunda marîa maumaga mûgûndarî wake wa mîthavibu? Nî mûrîthi ûrîkû ûtanyunyaga îriia kuuma ndîthiarî yake?

Gûco 32:6

Ûguo nîguo mwagîrîrwe nî gwîka Ngai-Mûnene, mue irimû ino na mûtarî na ûûgî? Kinthî tîke aguo ûrîa wamûmbire, ûrîa wamûmbire na akîmûtua rûrîrî?

Atir 16:4

Vuva wa ûguo Samusoni nîmeendanire na mûndûmûka ûmwe wa kuuma Kîamndarî gîa Soreki wetagwa Delila.