Isaia 5:17 - ÎVUKU RÎA ÛVORO MWARO

¹⁷ Twori twa ng'ondu, twori twa mbûri na tûcaû, tûkaarîcaga nyaki matûûrarî marîa momomoku.

Isaia 5:17 ပူးပေါင်းရင်းမြစ်များ

Nehemia 9:37

Ûtonga wa vûrûri ûyû ûthiîcaga kûrî athamaki arîa waigire matwathage, nîûndû tue nîtwevirie matwîkaga wa ûrîa makwenda vamwe na ndîthia cietû. Tûrî na thîna nyîngî mûno!”

Thaburi 119:70

Ngoro ciao imatîte ta maguta, nwatî nie nîngenaga nî watho waku.

Thaburi 17:10

Matirî ntha na maragia na mwîtîîo.

Thaburi 17:14

mvonokia na vinya waku we Ngai-Mûnene, kuuma kûrî andû arîa marî na indo cionthe irîa mendaga. Maverithie na îvera rîrîa ûmaigîrîte, ciana ciao irokinyîrwa nî îvera rîu, na rîkinyîre ciana cia ciana ciao!

Thaburi 73:7

Ngoro ciao itherûkaga waganu, na meciria mao mavangaga maûndû ma waganu.

Isaia 1:7

Vûrûri wenyu nî mûcûkangie, namo matûûra menyu makavîvua na mwaki. Ageni maregwatîra vûrûri wenyu wa mûkîonaga, na magacûkangia indo cionthe.

Isaia 10:16

Kwoguo Mwathani, Ngai-Mûnene mwene vinya wonthe, nîakaarete mûrimû wa gûtûma athigari ake arîa anoru magînje, naguo riiri wake nîûkaavîvua wakane ta mwaki ûkîrîrîmbûka.

Isaia 17:2

Matûûra ma Sîria nîmatûûra marî mathame tene na tene. Ng'ondu na ng'ombe nîcio igekaraga kuo, ikaamamaga kuo na gûtirî mûndû ûkaaimakia.

Isaia 32:14

Nîûndû nyomba ya mûthamaki nîkaathamwa, na îtûûra rîrî îgweta ûguo rîtiganîrue. Irîma na nyomba ndaca na îgûrû cia arangîri igaatuîka maganjo tene na tene, nyûmbû nîigaakenaga irî kuo, na ng'ondu irîcage kuo.

Isaia 40:11

Akaarîthia ndîthia yake ta mûrîthi, agaacokanîrîria tûgondu na njara ciake, na atûkuue atuigîrîrîte kîthûrirî gîake, na atongorerie ng'ondu irîa irongithia wa kavora.

Isaia 65:10

Ciandarî cia Sharoni igaatuîka cia kûrîthagua ng'ondu, nacio Ciandarî cia Akori ituîke kûndû gwa kûnogokagwa nî ng'ombe cia andû akwa arîa maanjaragia.

Isaia 7:25

Nacio irîma cionthe kûrîa kwarîmagwa, gûgaakûra nthaugû na mîgua na gûtirî mûndû ûkaathiî kuo. Gûkethîrwa kûrî kûndû gwa kûrîthia ng'ombe na ng'ondu.”

Jeremia 5:28

nîanoru na nîarûngarû. Ciîko ciao njûku nîikîrîte njano, matitucagîra ciana cia ndigwa na kîvooto, na mationanagia waragania kûrî andû arîa avinyîrîrie.”

Maca 5:2

Vûrûri wetû nîwocetwe nî ageni, mîciî yetû îtûûrîtwe nî andû engî.

Hosea 4:16

Andû a Isiraeli maûmîtie ngingo ta mvunda; Ngai-Mûnene nwa amarîthie, ta ng'ondu îreketue gîtimarî kînene?

Hosea 8:7

Mavandaga rûvuvo, na magaaketha rûkûngi rûnene! Mîmera yao ya ngano ndîgaciara wanarî kîndû, na îngîgaciara, maciaro mayo makarîwa nî ageni.

Mika 2:12

“Nwatî nama mue andû a Jakovu nîngaamûgomania vamwe, nîngaûngania andû a Isiraeli arîa matigarîte, nîmagomanie vamwe ta ng'ondu irî Kîamgarî, ta ndîthia nene ya ng'ondu irî kîthakarî, nîmûgaatuîka gîkundi Kîam andû eengî,”

Zefania 2:14

Nyamû cionthe cia kûrîthua nîikaamama kuo. Nyamû cionthe cia kîthaka nîikaamama kûrîa gûcûkangie. Ndundu ikaagambaga irî ndiricarî na ndiiû igambe irî matîrirî, nîûndû nyomba ciao cia mîtarakwe nîigaatiganîrua.

Zefania 2:6

Mue ndeererî cia îria nîmûgaatuwa kûndû gwa kûrîthua ng'ombe na ng'ondu, mûgatuîka ciomba cia arîthi na ciaga cia ng'ondu.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.