Isaia 5:1 - ÎVUKU RÎA ÛVORO MWARO

¹ Ta minîre mwendwa wakwa rwîmbo, mwendwa wakwa aarî na mûgûnda wa mîthavibu, mûgûnda warî kîrîmarî Kîamrî na mûthetu mûnoru mûno.

Isaia 5:1 ပူးပေါင်းရင်းမြစ်များ

Thaburi 101:1

Nîraina rwîmbo rwa wîvokeku na kîvooto, we Ngai-Mûnene nîwe ngwinîra rwîmbo rûrû.

Thaburi 45:1

Ngoro yakwa îcûrîtwe nî ciugo mbaro, ngîtunga rwîmbo rwa kwinîra mûthamaki. Rûrîmî rwakwa rwîkariî ta karamu, ka mûndû wicî kwandîka waro.

Thaburi 60:5

Tûvonokie na vinya waku na ûtûthikîrîrie, ûtûvonokie tue andû aku arîa wendete.

Thaburi 80:8

Waretire mûthavibu kuuma Misiri, ûkîvinyûria ndûrîrî irîa ciîngî, na ûkîûvanda vûrûrirî wao.

Rwîmbo rwa Nyîmbo 2:16

Mwendwa wakwa nî wakwa nanie nîrî wake, arîthagia ng'ondu ciake kûrîa kûrî maûa,

Rwîmbo rwa Nyîmbo 5:16

Ciugo ciake irî mûrîo, ngenagua nî maûndû make monthe. Mue aka a Jerusalemu, ûguo nîguo mwendwa wakwa ekariî.

Rwîmbo rwa Nyîmbo 5:2

Naamamîte, nwatî ngoro yakwa ndîarî toro. Nînegwire mwendwa akîringaringa mûrango. Mvingûrîra mûviki wakwa mwendwa wakwa, ndutuura yakwa we mwaro viû. Kîongo gîakwa kîrî na îme, na njuîrî ciakwa irî na rûthuthuû rwa ûtukû.

Rwîmbo rwa Nyîmbo 6:3

Mwendwa wakwa nî wakwa nanie nîrî wake, arîthagia ng'ondu ciake kûndû kûrî na maûa.

Jeremia 12:10

Arîthi eengî nîmacûkangîtie mûgûnda yakwa ya mîthavibu, nîmakinyangîte mîgûnda yakwa, nîmatûmîte vûrûri wakwa ûrîa mwaro ûtuîke werû.

Jeremia 2:21

Nwatî nînakûvandire ta mûthavibu mûthuure mbegû mbaro kuuma mûthavibu ûrîa mwaro. Nî ndûî gîtûmîte ûgarûrûke ûtuîke ta kîndû gîcûku, kana ta mûthavibu wa kîthakarî?

Ezek 15:2

“Mûndû, mûtî wa mûthavibu nî mwaro gûkîra mîtî îrîa îngî ya kîthakarî? Rûvûa rwaguo nî rwaro gûkîra mvûa cia mîtî îo îngî?

Ezek 19:10

Nyûkwe eekariî ta mûtî wa mûthavibu ûrî mûgûndarî, naguo wavandîtwe rûtere rwa manjî. Warî na mvûa nyîngî na nîwaciarîte mûno, nîûndû warî vandû vaarî na manjî meengî.

Hosea 10:1

Andû a Isiraeli mekariî ta mûthavibu ûrîa mwaro mûno, mûthavibu ûrîa ûciaraga matunda mûno. Wa ûrîa matunda mathiîcaga na mbere kwongereka; nwaguo mathiîre na mbere na gûtuma metha cia kîgongoona. Wa ûrîa maciaro ma vûrûri mongerekire, nwa guo maathiîre na mbere kûvanda itugî ciao cia kûvoyagîra.

Mathaayo 21:33

Nake Jesû nîwamerire atîrî, “Tathikîrîriani ngerekano îngî. Vîndî îmwe kwarî na mûndû wavandire mîthavibu mûgûndarî wake. Nîwacokire akîwiriga, akînja îrima rîa kûvivîra thavibu na agîtuma nyomba ya arangîri. Nîwacokire agîûkomborithia arîmi na akîthiî vûrûri wîngî.

Maariko 12:1

Jesû nîwambîrîrie kûthomithia andû na ngerekano na akîmeera atîrî, “Vîndî îmwe kwarî na mûndû wavandire mîthavibu mûgûndarî wake. Nîwawirigîre, akînja îrima rîa kîndû gîa kûvivîra ndivei, na agîtuma nyomba ya arangîri. Nîwacokire agîûkomborithia arîmi na akîthiî vûrûrirî wîngî.

Luka 20:9

Jesû nîwacokire akîva andû ngerekano îno: “Vîndî îmwe kwarî na mûndû wavandire mîthavibu mûgûndarî wake agîûkomborithia kûrî arîmi, agîcoka akîthiî vûrûrirî wîngî na agîkara kuo îvinda îraca.

Johana 15:1

“Nie nînie Mûthavibu wa ma, nake Vava nîke mûrîmîri.

Gûco 8:10

Mûrî vûrûrirî ûcio, gûtirî kîndû mûkenda kûrîa gîture, na nîmûgaacokia ngatho kûrî Ngai-Mûnene, Ngai wenyu nîûndû wa vûrûri mwaro ûcio amûveete.

Gûco 8:7

Ngai-Mûnene, Ngai wenyu nîakûmûvira vûrûrirî mwaro na mûnoru, ûrî na nyûnjî na kûndû kûtherûkaga manjî, na nyûnjî ithiîcaga na rungu rwa nthî ikaumîrîra ciandarî na irîmarî;