Isaia 49:8 - ÎVUKU RÎA ÛVORO MWARO

⁸ Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.

Isaia 49:8 ပူးပေါင်းရင်းမြစ်များ

2Sam 7:13

Ûcio nîke ûkaandumîra hekarû na nîngaatûma ûthamaki wake ûtûûre tene na tene.

Thaburi 2:8

Mbîtia mavûrûri monthe ma nthî na nî ngûkûva, nthî yonthe nîîtuîka yaku.

Thaburi 69:13

Nwatî we Ngai-Mûnene, nîwe mvoyaga; îtîkîra îvoya rîakwa we Ngai, vîndî îrîa ûngîenda. Njokeria îvoya rîakwa nîûndû wa wendo waku ûtathiraga, nîûndû we nîûvingagia kîîranîro gîaku gîa kûvonokania.

Thaburi 75:3

Nthî nîkainaiana na indo cionthe irîa irî kuo, nie nînie nyitagîrîra mîcingi yayo.

Isaia 26:3

We Ngai-Mûnene, arîa magwîtîkîtie, nîûmaigaga marî na thayû mûkinyanîru, nîûndû nwawe mevokete.

Isaia 27:3

“Nie Ngai-Mûnene, nînie nîûmenyagîrîra, na ngawîtîrîria manjî vîndî cionthe. Nîûrangagîra ûtukû na mûthenya, nîguo ndûgacûkangue nî mûndû wa wonthe.

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 42:6

Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Isaia 49:19

“Nama vûrûri waku ûrîa mûcûkangie na ûgatiganîrua, nîûkethîrwa ûrî mûnini mûno wa gûtûûrwa nî andû aku; nao arîa maagûtavîte makethîrwa marî kûraca nawe.

Isaia 51:16

Nîmbîkîrîte ciugo ciakwa kanyuarî gaku, na nîngûkunîkîrîte na kîruru Kîam njara yakwa; Nînie natambûrûkirie îgûrû, na ngîrûtha mûcingi wa nthî, na nînie nîrera andû a Zayuni atî; ‘Mue mûrî andû akwa!’ ”

Isaia 51:3

“Nîûndû nie Ngai-Mûnene nîngavoreria îtûûra rîa Zayuni, na ndûthe kûndû gwakuo kuonthe kûrîa gûcûkangu. Nîngaatua werû wa kuo ta mûgûnda wa Edeni, werû wa kuo nîûtue ta mûgûnda wa Ngai-Mûnene; kûu nîgûkethîrwa na gîkeno na gûcanjamûka, na nyîmbo cia gûcokia ngatho nîikeguîka kuo.

Isaia 54:3

Nîûndû nîûgaatamba mîena yonthe, nacio njiarwa ciaku nîikegwatîra ndûrîrî ituîke ciao, namo matûûra marîa matiganîrie rîu nîmagecûra andû.

Isaia 55:6

Cariani Ngai-Mûnene vîndî îrîa angîoneka, mwîteni vîndî îrîa arî vakuvî.

Isaia 57:13

Vîndî îrîa mûgaakaya mûgîtia ûtethio, mîvuanano îo yenyu nîîkamûvonokia! Rûkûngi nîrûkaamîvuruta îthiî kûndû kûraca. Nwatî arîa manîîvokete nîo makegwatîra vûrûri ûtuîke wao, na magae Kîrîma gîakwa kîrîa Kîammûre.”

Isaia 58:12

Andû enyu nîmagaatuma rîngî nyomba irîa ciomomorirwe tene, maitume rîngî îgûrû rîa mîcingi îrîa mîkûrû. Namue mûgeetagwa andû arîa maatumire rîngî nthingo irîa ciomomoretwe, arîa maatumire rîngî nyomba irîa ciavaraganîtue.”

Isaia 58:5

Mûthenya ûrîa mûrenyerekia, nîmwîverithagia; mwînamagîrîria ciongo cienyu ta kamûnyaki, na mûkaara nguo cia macakaya mûkaimamîra na mûkamama mûurî. Kûu nîkuo mwîtaga kwînyerekia? Mwîciragia nie Ngai-Mûnene, nwa ngenue nî mûthenya ta ûcio?

Isaia 61:2

Nîandûmîte manîrîre mwaka wa Ngai-Mûnene wa gûtugana, na mûthenya wa Ngai wetû wa kwîrîvîrîria nî mûkinyu, na nyûmîrîrie arîa onthe maracakaya.

Isaia 61:4

Nîmagaatuma rîngî nyomba irîa ciomomoretwe tene, nîmagaatuma rîngî matûûra marîa maacûkangîtue mbere, na magatigwa matarî andû nî njiarwa nyîngî.

Isaia 65:9

Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.

Mathaayo 26:28

Îno nî nthakame yakwa ya Kîrîkanîro, îrîa îgeetûrûrwa nîûndû wa andû eengî nîûndû wa kwoverwa mevia.

2Akor 6:2

Ngai augîte atîrî: “Rîrîa kavinda gaakinyire gakwa ga gûgwîka waro nie nînaakwîguire; rîrîa mûthenya wakinyire wakwa wa gûkûvonokia nie nînaagûtethirie.” Tathikîrîria! Gaka nîko kavinda karîa kagîrîru, ûmûnthî nîguo mûthenya wa kûvonokua!

Aefeso 1:6

Tigani tûkumie Ngai nîûndû wa riiri wa wega wake, na nîûndû wa kîveo kîrîa atûvete mana na njîra ya Mûriû wake mwende!

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.

Ahib 8:6

Nwatî rîu, wîra wa ûthînjîri-Ngai ûrîa ûvetwe Jesû nî wa vata mûno makîria ya wîra ûrîa waveetwe athînjîri-Ngai acio engî, wata ûrîa kîrîkanîro kîrîa athondekete gatagatî ka Ngai na andû kîrî kînene makîria ya kîrîa gîkûrû, nîûndû gîkî gîcerû kîrîkanîrîtwe na ciîranîro mbaro mûno.