Isaia 49:6 - ÎVUKU RÎA ÛVORO MWARO

⁶ Ke augîte atîrî, “Tî ûndû mûvûthû gûtuîka ndungata yakwa, ûrûngamie rîngî mîvîrîga ya Jakovu, na kûrûnga andû a Isiraeli arîa maatigarire. Nwatî nîngûgûtua ûtheri kûrî andû a Ndûrîrî, nîguo andû onthe a gûkû nthî mavonoke.”

Isaia 49:6 ပူးပေါင်းရင်းမြစ်များ

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

2Atha 20:10

Nake Hezekia nîwacokirie atîrî, “Nî ûndû mûvûthû kûracavia kîruru na mbere makinyo îkûmi! Tiga gîcoke vuva makinyo îkûmi.”

2Atha 3:18

Gaka nî kaûndû kanini mûno Ngai-Mûnene agîka. Wana nîakaamûvotithia kûvoota Amoabu.

Thaburi 37:28

nîûndû Ngai-Mûnene endaga maûndû marîa magîrîru, na ndatiganagîria andû ake arîa evokeku. Agitagîra andû arîa athingu tene na tene, nwatî nîakaathiria njiarwa cia andû arîa aganu.

Thaburi 67:3

Andû onthe marogûkumia, we Ngai; andû onthe marogûkumia!

Thaburi 97:10

Ngai-Mûnene nîendete andû arîa mathûrîte maûndû macûku, nîamenyagîrîra ûtûûro wa andû ake, nîamavonokagia kuuma kûrî andû arîa aganu.

Isaia 11:10

Mûthenya ûcio mûthamaki mûcerû wa rûciaro rwa Jesii akethîrwa arî kîonereria kûrî andû. Mavûrûri nîmakaathiî gwake mûciî îtûûrarî rîake rîrîa rîrî riiri.

Isaia 42:10

Inîrani Ngai-Mûnene rwîmbo rûcerû, nthî yonthe nîîmwinîre nyîmbo cia kûmûkumia! Îria na nyamû cionthe irîa itûûraga kuo, icîgîrîra na ndeererî cia îria na andû arîa matûûraga kuo!

Isaia 42:6

Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.

Isaia 45:22

“Njokererani nîguo mûvonokue, andû a nthî yonthe! Nîûndû nie nînie Ngai na gûtirî wîngî.

Isaia 46:13

Nîngûrete mûthenya wakwa wa kûmûvonokia vakuvî, ndûrî varaca, mûthenya wa kûmûvonokia tîwîkara mûno. Nîngaavonokia Zayuni na monie Isiraeli riiri wakwa.”

Isaia 48:20

Umani Babuloni, ûrani mume kûrî Akalidei! Anîrîrani ûndû ûyû mûkenete, ûmenyithanieni mîthiiarî yonthe ya nthî: ugani atîrî, “Ngai-Mûnene nîavonoketie ndungata yake Jakovu!”

Isaia 51:4

“Andû akwa, tanthikîrîriani, ta ndegerani matû mue rûrîrî rwakwa; nîûndû nie nînie ngaamûretere watho na kîvooto, nacio nîigaatuîka ûtheri kûrî andû.

Isaia 52:10

Ngai-Mûnene nîonanîtie vinya wake mûtheru kûrî andû a mavûrûri monthe, nayo mîthiia yonthe ya nthî nîîkona ûvonokio wa Ngai wetû.

Isaia 55:5

Nama nîmûgeta ndûrîrî irîa mûtaicî, na andû a ndûrîrî irîa itagwîcî nîmagaaûka kûrî we mavinyûrîte! Nie Ngai-Mûnene Ngai wenyu Ûrîa Mûtheru wa Isiraeli, nînie ndûmîte maûndû mau monthe mekîke, nînie ndûmîte ûvewe riiri.”

Isaia 56:8

Nie Mwathani Ngai mwene vinya wonthe, nînie nacokanîrîrie andû akwa, Aisiraeli kuuma îthamîriorî. Nîngaacokanîrîria andû arîa engî mathiî maûngane vamwe nao.

Isaia 60:3

Ndûrîrî nîigaaûka ûtherirî waku, nao athamaki maûke ûkengurî waku.

Isaia 62:11

Taroriani Ngai-Mûnene nîanîrîrîte nthî yonthe. Îrani andû a Zayuni atîrî, “Ngai-Mûnene nîaûkîte kûmûvonokia, aûkîte arî na iveo ciake, aûkîte na andû arîa aavonokirie.”

Jeremia 12:16

Na nîgûgakinya atî ethîrwa nîmagetîkîra na kinyi kûrûmîrîra wîtîkio wa andû akwa na mevîte na rîîtwa rîakwa, ‘Wata ûrîa Ngai-Mûnene atûûraga mwoyo,’ ta ûrîa vîndî îmwe mathomithîtie andû akwa kwîvîta na Baali, nîmagacoka mathereme marî gatagatîrî ka andû akwa.

Mika 5:3

Kwoguo Ngai-Mûnene nîagaatiganîria andû ake, nginya rîrîa mûndûmûka ûrîa ûrî îvu agaaciara kavîcî. Nao andû ao arîa marî îthamîriorî nîmagaacokanîrîra rîngî na andû a Isiraeli.

Zakaria 6:13

Nîke ûkaamîtuma na nîakaavewa gîtîîo wata kîrîa kîvecagwa mûthamaki, na nîagekarîra gîtî Kîam ûthamaki athe andû ake. Vakuvî na gîtî gîake Kîam ûthamaki nîvakethîrwa na mûthînjîri-Ngai, na oîrî nîmagekaraga marî na thayû na wîgucano.’

Zakaria 8:22

Andû eengî na mavûrûri marî na vinya nîmagaaûka Jerusalemu kûngooca nie Ngai-Mûnene mwene vinya wonthe na kûvoya irathimo.

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

Ciîko 13:47

Nîûndû ûguo nîguo Mwathani aatwathire twîkage vîndî îrîa ke aaugire atîrî: ‘Nie nînagûtua ûtheri kûrî andû a ndûrîrî, nîguo wonie andû onthe a gûkû nthî ûrîa makûvonoka.’ ”

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Ciîko 26:23

atî Mesaya nwanginya akaathînua na atuîke wa mbere kûriûka; ke nîke ûkaanîrîra kûrî Ayahudi na andû a ndûrîrî ûtheri ûrîa ûvonokanagia.”