Isaia 49:16 - ÎVUKU RÎA ÛVORO MWARO

¹⁶ Taroria nîngwandîkîte mvîîrî cia njara ciakwa; monaga nthingo ciaku vîndî cionthe.

Isaia 49:16 ပူးပေါင်းရင်းမြစ်များ

Ntha 13:9

Ûndû ûyû nûkeethagîrwa ûrî kîririkania ta kîndû kîovereretwe njararî cienyu kana mothiûrî menyu atî vîndî cionthe mûthomage watho wa Ngai-Mûnene. Nîûndû Ngai-Mûnene aamûrutire Misiri na vinya wake mûnene.

Rwîmbo rwa Nyîmbo 8:6

Ngororî yaku ndûkagîe wendo na mûndû wîngî tiga nie, ndûkamumunye mûndû wîngî tiga nie. Nîûndû wendo ûrî vinya ta gîkuû, wîru nî mûcûku ta gîkuû kîo kîene. Wendo ûrîrîmbûkaga ta mwaki, wakanaga ta mwaki ûtangîvoreka.

Isaia 26:1

Mûthenya ûcio, andû nîmakaaina rwîmbo rûrû marî vûrûrirî wa Juda: Tue tûrî na îtûûra rîrî na vinya! Ngai nîke ûtûgitagîra ta ûrîa nthingo igitagîra andû.

Isaia 54:12

Nîngaatuma nyomba ciaku ndaca na mathiga marîa matune, nacio ivingo ciaku nîitume na mathiga marîa makanaga ta mwaki, naruo rûthingo rwaku ruonthe rûtumwe na mathiga ma goro.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Isaia 62:6

We Jerusalemu, nîmbigîte arangîri nthingorî ciaku, gûtirî vîndî magaakira mûthenya kana ûtukû. Mue namue mûririkanagia Ngai-Mûnene ciîranîro ciake, mûtigakire.

Isaia 62:7

Mûtikamûve kanya ga kûnogoka nginya acokanîrîrie îtûûra rîa Jerusalemu, na arîtue îtûûra rîa gûkumagua nî nthî ng'ima.

Jeremia 17:1

Ngai-Mûnene augîte atîrî, “Mevia ma andû a Juda mandîkîtwe na karamu ga cuuma; macoretwe ngororî ciao na mûthiia mûûgî wa îthiga rîa goro, na magacorwa mîthiiarî yenyu ya metha cia magongoona.

Jeremia 22:24

Ûvoro wîgiî Konia mûthamaki wa Juda mûvîcî wa Jehoiakini, Ngai-Mûnene arauga atîrî, “Nîrevîta nie Ngai mûtûûra mwoyo, atî kethîrwa we Konia mûvîcî wa Jehoiakini wîkariî ta mbete yakwa ya mûvûûri njararî yakwa ya ûrîo, nîngîkûruta ngûte.

Hagai 2:23

Mûthenya ûcio, nîngagwoca we Zerubabeli ndungata yakwa mûvîcî wa Shealitieli nîguo wathanage vandûrî vakwa, we nîwe nthurîte.” Ûguo nîguo Ngai-Mûnene mwene vinya wonthe arauga.