Isaia 48:14 - ÎVUKU RÎA ÛVORO MWARO

¹⁴ “Ûnganani vamwe muonthe na mûthikîrîrie! Nî mûvuanano ûrîkû gatagatîrî ka mîvuanano îo waririe maûndû mau? Ke ûrîa Ngai-Mûnene endete, nîke ûgeeka Babuloni ûrîa Ngai-Mûnene endaga, na nîke ûkaatharîkîra Akalidei.

Isaia 48:14 ပူးပေါင်းရင်းမြစ်များ

Kîam 49:1

Jakovu nîwetire anake ake na akîmera atîrî, “Tacokanîrîrani vamwe nîmwîre maûndû marîa mageekîka kûrî mue vuvarî.

Kîam 49:2

“Avîcî a Jakovu, cokanîrîrani vamwe mûthikîrîrie. Thikîrîriani aguo Isiraeli.

Isaia 13:19

Babuloni îrî riiri gûkîra mothamaki monthe; ûnene waguo nîûtûmaga Akalidei metîîa. Nwatî nie Ngai-Mûnene ngaacûkangia îtûûra rîu, wata ûrîa nacûkangirie Sodomu na Gomora.

Isaia 21:9

Taroria maûkîte matwîte mbarathi, na marî aîrî kwa aîrî. Mûrangîri ûcio nîwacokire akiuga atîrî, “Babuloni nîngwîu! Mîvuanano yonthe ya ngai ciakuo nîmiunange na îkagwîthua nthî.”

Isaia 41:22

Reteni ivooto icio na mûtûîre ûrîa gûgekara. Twîreni maûndû marîa maatuîkîkire tene, nîguo twîcirie ûvoro wamo, nîguo tûmenye ûrîa makaarigîrîria, kana mûtwîre maûndû marîa magaaûka.

Isaia 43:9

Andû onthe a ndûrîrî nîmacokanîrîre vamwe, andû onthe nîmagomane vamwe. Nî ûrîkû gatagatîrî kao ûngîvota kwanîrîra maûndû mama? Na atwonie maûndû marîa marekîka rîu? Nîmarete aira ao a kwonania atî nî ûma, tiga andû arîa makûthikîrîria mauge atî, ‘Ûcio nî ûvoro wa ma.’ ”

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Isaia 44:7

Nû wîkariî tanie, ta nîauge, tiga onanie na arie arî mbere yakwa. Nû wanîrîre tene ûvoro wa maûndû marîa magekîka vuvarî? Tiga atwîre maûndû marîa magekîka.

Isaia 45:13

Nînie nathire Cairasi avingie ûrîa nendaga na kîvooto, na nîngaarûngaria njîra ciake cionthe. Nîagaatuma rîngî îtûûra rîakwa Jerusalemu, na arekererie andû akwa arîa marî îthamîriorî. Ageeka ûguo atakûrîvwa kana avakwa kîveo.” Ûguo nîguo Ngai-Mûnene augîte.

Jeremia 50:44

“Taroria, nîngaûka wa rîmwe ndûme andû a Babuloni maume îtûûrarî rîao wa rîmwe ta mûnyambû umîrîte kîthakarî Kîam Jorodani na ûkathiî ndîthiarî ya ng'ondu. Na nîngathuura mûtongoria wakuo wa ûrîa ngenda. Nû ûngîgananua na nie? Nû wî na ûndû angînjukîra? Nî mûtongoria ûrîkû ûngîregana nanie?

Maariko 10:21

Nake Jesû aroria mûndû ûcio nîwegwire amwenda na akîmwîra atîrî, “Kûrî na ûndû ûmwe ûtigarîtie gwîka. Thiî wendie indo ciaku cionthe, ûve athîni mbeca icio na ûcoke ûnûmîrîre, nawe nî ûkwîigîra ûtonga mwîngî îgûrû.”