Isaia 47:8 - ÎVUKU RÎA ÛVORO MWARO

⁸ “Kwoguo rîu thikîrîria we wendete gwîkenia, we wîkaraga ûtagûtangîka ûkîîraga na ngoro atî, ‘Nwanie tu na gûtirî wîngî tiga nie; ndigeekara ta mûndûmûka wa ndigwa, kana mbîgua ruuo rwa gûkuîrwa nî ciana.’

Isaia 47:8 ပူးပေါင်းရင်းမြစ်များ

Isaia 14:14

Nîngunûkia nginye îgûrû rîa matu, nînîvaanania na ûrîa ûrî Îgûrû Mûno.’

Isaia 32:11

Inainani, mue aka aya mwîkaraga mwîganîrîte, tetemani mue mûtarî ûndû mwîtigagîra; rutani nguo cienyu, mûtigwe mûrî njaga, na mwîyove nguo cia macakaya ciûnorî cienyu.

Isaia 32:9

Ûkîrani, mue aka aya mûtûûraga mwîganîrîte, thikîrîriani mûgambo wakwa, mue erîtu aya mûtarî ûndû mwîtigagîra, thikîrîriani ûrîa nguuga.

Isaia 45:18

Ngai-Mûnene ûrîa waûmbire îgûrû nîke Ngai! Ûrîa waûmbire nthî na agîtûma îgîe nîke wamîvandire; ndaamîûmbire îthîrwe îtarî na thayû na îtarî kîndû, aamîûmbire nîguo îtûûragwe. Nîke ûrauga atîrî, “Nie nînie Ngai-Mûnene, na gûtirî ngai îngî.

Isaia 45:5

“Nie nînie Ngai-Mûnene na gûtirî ngai îngî tiga nie. Nînie ngûmenyagîrîra, wana ethîrwa ndûmbîcî,

Isaia 45:6

nîguo andû kuuma îthûîro nginya îrathîro mamenye atî nînie Ngai-Mûnene, na gûtirî ngai îngî.

Isaia 47:10

“Ûtûûraga wîvokete waganu waku; weîraga atî gûtirî mûndû ûrakwona. Ûûgî waku na ûmenyo waku nîguo wakûvîtithirie, na weîraga na ngoro yaku atî: ‘Nie nînie tu na gûtirî wîngî tiga nie.’

Jeremia 49:31

‘Ngai-Mûnene arauga atîrî, Ûkîrani mûkatharîkîre vûrûri ûrîa wîkaraga na thayû na ûrî mûgitîre! Vûrûri ûtarî mîrango kana mîkîgo, na ûtûûraga ûrî guonga.’

Jeremia 50:11

“Mue arîa mwatavire vûrûri wakwa! Wana ethîrwa nîmûrakena na mûgacanjamûka; mûrarûgarûga ta ng'ombe îkîvûûra ngano, na mûkaania ta mbarathi cia njamba.

Jeremia 51:53

Wana ethîrwa Babuloni nîîkunûkia na îgûrû, na îtume nyomba cia kwîgitîra ndaca na îgûrû; nîngaatûma andû a kûrîcûkangia. Nie Ngai-Mûnene nînie nauga ûguo.”

Ezek 16:49

Îvîtia rîa mwarwanyûkwe Sodomu nî atî, ke na erîtu ake maarî etîi, maarî na irio cia kwîgana na nîmeganîrîte, nwatî matiatethagia andû arîa maarî athîni na avatari.

Ezek 28:2

“We mûndû, îra mûthamaki wa Turo ûrîa nie Ngai-Mûnene Ngai nîramwîra. Arî na mwîtîîo ngororî na arauga atî ke nî ngai na ekaragîra gîtî Kîam ûnene Kîam ngai gatagatî ka maria. Nwatî we wî mûndû nwa tîwe ngai wana ethîrwa wîyonaga ûrî na ûgî ta ngai.

Ezek 30:9

“Mûthenya ûcio nîngaatûma anjaama maume kûrî nie marî na meri nîguo mathiî makamakie andû a Ethiopia nîûndû meciragia nî agitîre. Nîmakaamaka mûno mûthenya ûrîa Misiri îkaagwa. Nama mûthenya ûcio nîûkîte.”

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 4:22

nîwe mûthamaki. Nîwe ûgîte na vinya nyîngî na ûvoti wa maûndû ma na îgûrû, na wathani waku wîcûrîte nthî yonthe.

Danieli 4:27

Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Danieli 4:4

“Rîrîa naarî gwakwa mûciî mbîganîrîte na nîrî na gîkeno nyombarî yakwa ya ûthamaki,

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Danieli 5:30

Ûtukû wa mûthenya ûcio, Belishazaru, mûthamaki wa Babuloni nîwaûragirwe,

Nahumu 1:10

Mue mîrîu mûkaavîvua ûthire; mûkaavîvua ta kîthaka Kîam mîgua, kana ta macaki maûmû.

Nahumu 3:4

Îtûûra rîa Nineve ûtuîkîte îraa. Ûthaka waku ûragucîrîria andû ta mîthega, watuire mavûrûri ngombo na njîra ya ûmaraa waku, na andû a ndûrîrî ûkîmatua ngombo na mîthega yaku.

Habakuku 1:7

Acio nî andû a kwîguithia andû guoya na a kûmakania; kîvooto na ûndû ûrîa mwagîrîru umanaga na o.

Zefania 2:15

Ûguo nîguo gûgekîka kûrî îtûûra rînene rîrîa rîîtîaga nîûndû wa vinya warîo na rîgeciria atî nîrîgitîre. Îtûûra rîu rîciragia atî nîrîo rînene mûno nthî îno. Rîgaatuîka îganjo, varîa nyamû cia kîthaka ikaavurûkaga! Mûndû wa wonthe ûkaavîtûkîrîra vo nîakaavavûka na etigîre.

2Ath 2:4

Ke nîakaaregana na kîndû wa kîonthe gîtagwa ngai, kana kîndû kîonthe andû magoocaga na enenevie mûno. Ke nîagekara hekarûrî ya Ngai na etue atî ke nîke Ngai.

Atir 18:27

Andû a mûvîrîga wa Dani nîmaathiîre na mûthînjîri-Ngai vamwe na indo irîa Mika aathondekete na makîtharîkîra îtûûra rîa Laishi kûrîa andû a kuo maarî avoreri na maarî na thayû. Andû a Dani nîmaaûragire andû a îtûûra rîa Laishi na makîrîvîvia.

Atir 18:7

Kwoguo arûme acio atano nî maambîrîrie rûgendo na magîkinya îtûûrarî rîa Laishi. Nîmoonire atî andû a Laishi maatûûraga ta ûrîa andû a Sidoni maatûûraga matarî na thîna, marî na thayû, matagûtetania wanarî na mûndû. Maarî na indo cionthe. Maatûûraga kûraca na andû a Sidoni na matiarî na ûndû mangîagwatanîre na arîa engî.