Isaia 47:12 - ÎVUKU RÎA ÛVORO MWARO

¹² Îkara wîvokete ûgo na ûrogi waku mwîngî, indo irîa ûtwîre ûtûmagîra kuuma rîrîa warî mûnini. Ciavota gûgûtethia, ciavota gûtûma andû metigîre.

Isaia 47:12 ပူးပေါင်းရင်းမြစ်များ

Thaburi 129:1

Nthû ciakwa itwîre inyamaragia kuuma nîrî mwîthî andû onthe Isiraeli nîmauge ûguo.

Ntha 7:11

Nake mûthamaki nîwetire andû ake arîa aûgî na aringi ciama. Nao nîmaaringire ciama wata Aroni.

Ntha 8:7

Nwatî andû arîa maringaga ciama nîmaaringire ciama wa nao na magîtûma ciûra igîe kûu vûrûrirî wa Misiri.

Ntha 9:11

Nao andû arîa maarî na ûûgî wa kûringa ciama a Misiri matianavota kûrûngama mbere ya Musa nîûndû maarî na mavûva, wata andû acio engî a Misiri.

Isaia 19:3

Nîngaathiria ûrûme wa andû a Misiri, na njûkangie mîvango yao. Nîmakaaûria ûtaaro kûrî mîvuanano na aringi ciama, na kûrî ago na arogi.

Isaia 44:25

Nînthiragia vinya ûgo wa aragûri arîa maveenanagia, na ngathiria vinya andû arîa monaga maûndû. Nînie ndeganaga na ciugo cia andû arîa aûgî, na ngatua ûûgî wao ûrimû.

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Jeremia 2:28

Nwatî irîkû ngai cienyu icio mwîrûthîrîte? Nîciûkîre, ethîrwa nwa ivote kûmûtethia, vîndî îrîa mûrî thînarî. We Juda mwîgana wa ngai ciaku nîta mwîgana wa matûûra maku.

Ezek 21:26

Nie Ngai-Mûnene mwene vinya wonthe mbugîte atî: Ruta kîremba kuuma kîongo gîaku na ûrute nthûmbî. Maûndû matigwîkara ûrîa meekariî mbere. Tûgîria arîa enyivia, na ûnyivie arîa metûgagîria.

Danieli 2:11

Maûndû marîa we Mûthamaki wetû ûraûria nî maûmû mûno na gûtirî mûndû ûngîkwîra mo tiga ngai irîa itatûûranagia na andû.”

Danieli 2:2

Mûthamaki nîwathanire Akalidei onthe arîa maarî aringi ciama, ooni maûndû, aragûri, na arogi, mathiî mamûtaûrîre kîroto kîu gîake. Kwoguo nîmaatonyire kwa Mûthamaki na makîrûgama mbere yake.

Danieli 5:15

Andû arîa marî na ûûgî, arogi nîmaretirwe gûkû nîguo mathome na mandaûrîre mandîko mama menye ûrîa marauga, nwatî nîmaremirwe nî gûtaûra.

Mika 3:7

Arîa marathaga maûndû nîmagaconorithua, na andû arîa monaga maûndû makanyararagwa, onthe nîmagaakunîka tûnyua twao, nîûndû Ngai ndakamacokeria wanarî ûndû.

Nahumu 3:4

Îtûûra rîa Nineve ûtuîkîte îraa. Ûthaka waku ûragucîrîria andû ta mîthega, watuire mavûrûri ngombo na njîra ya ûmaraa waku, na andû a ndûrîrî ûkîmatua ngombo na mîthega yaku.

Ndari 22:25

Rîrîa mvunda yonire mûraika wa Ngai-Mûnene nîyathiîre îgiritanîtie na rûthingo nakuo kûgûrû kwa Balaamu nîgwakûrûnyûrirwe nî rûthingo. Balaamu nîwaringire mvunda rîngî.

Kûguû 9:21

Andû acio matierira ûûragani wao, ûragûri wao, maûndû mao ma ûtharia kana wîi wao.