Isaia 47:1 - ÎVUKU RÎA ÛVORO MWARO

¹ Ngai-Mûnene arauga atîrî, “Nyûrûrûka wîkarîre mûthetu, we mwîrîtu nthingi wa Babuloni; îkara mûtheturî nthî vandû vatarî na gîtî, we mwarî wa Akalidei! Nwatî kuuma rîu ndûgeetwa rîngî mûnini na ûtarî vinya.

Isaia 47:1 ပူးပေါင်းရင်းမြစ်များ

Ayubu 2:13

Nîmaacokire magîkara nake vau nthî mîthenya mûgwanja ûtukû na mûthenya. Gûtirî mûndû wanarî ûmwe wao wavotire kûmwîra wanarî ûndû, nîûndû nîmoonaga ûrîa aathînîkaga.

Ayubu 2:8

Ayubu nîwocire rûgîo na akîambîrîria kwîthûa ironda naruo ekarîte vandû mûurî.

Thaburi 137:8

We mwarî wa Babuloni, nîûgaacûkangua! Gûkena nî mûndû ûrîa ûgaagwîka wata ûguo ûtwîkîte.

Thaburi 18:27

Nîûvonokagia andû arîa menyivagia, nwatî nîûturithagia kîene andû arîa etîi.

Thaburi 89:44

Nîûmûcunîte mûragi wa wathani, na ûkagwîthia ûthamaki wake nthî.

Isaia 13:1

Îno nî ndûmîrîri îgiî Babuloni îrîa Isaia, mûvîcî wa Amozu oonirue nî Ngai.

Isaia 13:13

Kwoguo nîngaatûma îgûrû rinaine, na nthî nîkaathingitha yume vandû va yo, mûthenya ûrîa nie, Ngai-Mûnene mwene vinya wonthe, ngonania marakara makwa manene.

Isaia 14:1

Ngai-Mûnene nîakeguîra andû a Jakovu ntha na athuure andû a Isiraeli rîngî matuîke ake kîûmbe. Nîakaamacokia vûrûrirî wao o ene, na ageni nîmagaaûka na matûûranie nao.

Isaia 21:1

Îno nîyo ndûmîrîri îgiî ûrathi wa Babuloni: Ta ûrîa rûkûngi rûnene rûvurutanaga kuuma îveti, ûguo nîguo thîna mûnene ûgaaûka umîte werûrî, vûrûrirî wa gwîtigîrwa.

Isaia 23:12

Ke nîwaugire atîrî, “We mwarî wa Sidoni, ndûgaakena rîngî; wana ûkaûra ûkînathiî Kuporo, wana kûu ndûkoona ûvurûko.”

Isaia 26:5

Nîûndû nîagwîthîtie arîa metûûgagîria, nîomomorete îtûûra rîrîa rîrî vinya na akarîvaragania mûtheturî.

Isaia 3:26

Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.

Isaia 37:22

ûvoro wîgiî mûthamaki ûcio, Ngai-Mûnene augîte atî: Mwîrîtu nthingi mwarî wa Zayuni, nîakûmenete na agakûthekerera. Mwarî wa Jerusalemu nîarakwinainîria kîongo na agakûnyarara.

Isaia 52:2

Wîrivarive ume rûkûngûrî ûrûgame, îyovore mînyororo yume ngingorî yaku, we mwarî wa Zayuni, we ûtwîre wî mwove.

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Jeremia 46:11

Unûkiani Gileadi na mwîvake ndawa mue andû a Misiri! Mûtûmîrîte ndawa nyîngî mana, na mûtikaavona.

Jeremia 48:18

Mue atûûri a Diboni, umani itîîrî cienyu cia gîtîîo, mwîkare nthî rûkûngûrî. Nîûndû mûcûkangia wa Moabu nîwakinya, nîacûkangîtie kûrîa kûgitîre.

Jeremia 50:1

Ûvoro wîgiî Babuloni na vûrûri wa Akalidei, Ngai-Mûnene nîwaririe na mûrathi Jeremia akiuga atîrî,

Jeremia 50:42

Manyitîte mîguî na matumû; nî aganu mûno na matirî ntha. Mûgambo wao nîta wa mûrurumo wa manjî îriarî, mathiîcaga mekarîrîte mbarathi, mekaraga mevarîrîtie kûrûa mbaara nawe we Babuloni.

Jeremia 51:1

Ngai-Mûnene arauga atîrî, “Nîngûretera vûrûri wa Babuloni na andû a kuo, rûkûngi rûnene rwa kûmacûkangia.

Jeremia 51:33

Ngai-Mûnene mwene vinya wonthe, Ngai wa Isiraeli arauga atîrî, “Babuloni îrangîtwe îgekara ta îtîri rîa kûvûrîra ngano, vîndî îrîa rîravarîrîrua. Nwatî vuva wa kavinda kanini, îvinda rîake rîa gûkethwa nîrîgakinya.”

Jeremia 51:51

Mugaga atî: ‘Nîtûconorithîtue na tûkamenererua; twîcûrîtwe nî gîconoko, nîûndû ageni nîmatonyete kûndû kûrîa kûtheru nyombarî ya Ngai-Mûnene.’ ”

Maca 2:10

Athuuri a Jerusalemu mekaraga nthî makirîte, makeminjîria mûu ciongorî ciao mekîrîte nguo cia macakaya, na erîtu a Jerusalemu nîmaturumithîtie mothiû mao nthî.

Maca 2:21

Andû arîa akûrû na arîa ethî onthe magwîte njîrarî, nao anake na erîtu maûragîtwe na mviû. Wamaûragire ûtarî na ntha nîûndû wa marakara maku.

Maca 4:5

Andû arîa maarîcaga irio mbaro; rîu nîo marakuîra njîrarî nî yûra, arîa marererwe nyombarî cia athamaki, rîu maravukûria irûndo cia macaki, magîcaragia gîa kûrîa.

Ezek 26:16

Athamaki onthe a mavûrûri marîa marî rûtere rwa îria nîmakaauma itîîrî ciao cia ûthamaki. Nao nîmakaaruta nguo ciao irîa ndaca wa vamwe na nguo ciao irîa ng'emie waro. Nîmakaagwatwa nî guoya na nîmagekaraga nthî makinainaga vîndî cionthe mamakîte nîûndû wa maûndû marîa mekîkîte kûrî we.

Ezek 28:17

Nîwagîre na mwîtîîo nîûndû wa ûthaka waku, na ûgîcûkia ûûgî waku nîûndû wa riiri waku. Nagwikirie nthî mûtheturî na ngîkwanîka mbere ya athamaki nîguo makwone.

Jona 3:6

Rîrîa mûthamaki wa Nineve eegwire ûguo, nîwaûkîrire na akiuma gîtîrî gîake Kîam ûthamaki, akîruta nguo yake ya ûthamaki na agîkîra nguo ya macakaya na agîkara nthî mûurî.

Hagai 2:22

kûgarûrania mothamaki na kûthiria mavinya mao. Nîmûgaacûkangia ikaari ciao cia mbarathi na atwarithia a cio, nao nîmakaaûragana o ene kwa ene.

Zakaria 2:7

Mue mwatavirwe na mûkîvirwa îthamîriorî Babuloni, ûrani mûthiî Zayuni.”

Kûguû 18:7

Mûve mathîna meengî na kîeva ciîgana ta riiri na ikeno irîa ke eeveere. Ke eeîraga atîrî, ‘Nie nî mûndûmûka mûthamaki! Nie ndirî mûndûmûka wa ndigwa, na ndikethîrwa na kîeva!’