Isaia 46:7 - ÎVUKU RÎA ÛVORO MWARO

⁷ Maûkagîrîria mûvuanano ûcio makawigîrîra iturorî ciao, magaûkuua; mawigagîrîra vandû va guo, naguo ûkarûngama vo, mûvuanano ûcio ndûngîvota kuuma vandû vau va guo. Mûndû angîûkaîra ndûngîvota gûcokia ûndû, kana ûmûvonokia kuuma mathînarî marîa arî namo.

Isaia 46:7 ပူးပေါင်းရင်းမြစ်များ

1Atha 18:26

Nao arathi acio nîmoocire ndegwa îo maanengerirwe, makîmîvarîria na magîta Baali kuuma kîraûko nginya thaa thita cia mûthenya makiugaga atîrî, “We Baali, twîgue!” Nao nîmaainaga makîrûgarûgaga mathiûrûrûkîrîtie metha ya kîgongoona îrîa maatumîte, nwatî matiegua wanarî mûgambo kana macokio.

1Atha 18:29

Wana thaa thita ciavîtûka, nîmaathiîre na mbere kugîrîria ta andû a ngoma makîvoyaga ngai wao nginya kîvwaî rîrîa matega maarutagwa; nwatî gûtirî mûgambo weguîkire, gûtirî mûndû wamacokerie na gûtirî mûndû wamathikîrîrie.

1Atha 18:40

Elija nîwathire andû acio atîrî, “Nyitani arathi a Baali; na mûtikareke wanarî ûmwe wao aûra!” Nao andû nîmaanyitire arathi onthe a Baali, na Elija nîwaugire manyûrûrûkue karûnjîrî ga Kishoni na akîmaûragîra vo.

Isaia 37:38

Mûthenya ûmwe, Senakeribu akîgooca arî nyombarî ya Nisiroki, ngai yake, avîcî ake Adurameleki na Sharezeri nîmaamûragire na mviû ciao, na makîûra makîthiî vûrûrirî wa Ararati. Nake mûvîcî, Esarihadoni nîwatuîkire mûthamaki vuva wake.

Isaia 40:20

Mûndû ûrîa mûthîni athuuraga mûtî ûrîa ûtangîora. Nîacokaga agacaria mûndû ûrî na wara wa kumia, na akamumîria mûvuanano ûrîa ûtangîgwa.

Isaia 41:28

Nwatî naroria, ndirona mûndû, gatagatîrî ka mîvuanano îno, gûtirî mûtaarani, ûngîvota gûcokia kîûria vîndî îrîa naûria.

Isaia 41:29

Taroria, ngai icio ciao cionthe nî cia maveeni, mawîra mao monthe nîma mana, mîvuanano yao ya kûrarûrwa ndîrî vinya na nî ya mana.”

Isaia 41:7

Mûtumi wa indo cia mbaû nîaraûmîrîria, mûturi wa indo cia thaavu, nake mûndû ûrîa ûnyorokagia mûvuanano na nyondo, nîaraûmîrîria mûndû ûrîa ûûnyitithanagia na mîcumarî. Onthe marauga atîrî: ‘Mûvuanano ûcio nî mwaro,’ nao nîmaranyitithania mûvuanano ûcio na mîcumarî, na akaûnyinyia mûno nîguo ndûkagwe.

Isaia 44:12

Mûturi wa indo cia cuuma ocaga cuuma na akamîrutîra wîra akîmîvîvagia na mwaki. Amîturaga na nyondo na akamîthondeka na njara yake îrî vinya. Vîndî îo araruta wîra ûguo, ke nîavûtaga, akanyonda, akanoga na akathira vinya.

Isaia 45:20

Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.

Isaia 46:1

“Beli nîînamîrîrîte, Nebo nî ngwîu nthî; mîvuanano ya ngai icio îkuuîtwe nî nyamû na ng'ombe, indo ino ititikithîtue mvunda, nî mîrigo îrî mîrukuthurî ya nyamû icio nogu.

Isaia 47:15

Ûguo nîguo andû arîa mûrutithanagia wîra nao magaatuîka kûrî we, andû acio mûtwîre mûceraga nao kuuma rîrîa warî mûnini. Nîmakaathiî wa mûndû njîra yake, na vatigaatigwa mûndû wanarî ûmwe wa gûkûvonokia.”

Jeremia 10:5

Mîvuanano yao îkariî ta inyamû cia kûvavûra iconi irî mûgûndarî wa marenge, ndîngîvota kwaria, nîkwa îkuagwa nîûndû ndîngîvota kûthiî. Ndûkamîtigîre nîûndû ndîngîka ûndû mûcûku, wana kana îka ûndû mwaro.”

Jeremia 11:12

Nao andû a Juda na a Jerusalemu nîmakaathiî makaîre ngai irîa marutagîra magongoona nîguo imatethie, nwatî itikamatethia rîrîa makethîrwa marî mathînarî.

Jeremia 2:28

Nwatî irîkû ngai cienyu icio mwîrûthîrîte? Nîciûkîre, ethîrwa nwa ivote kûmûtethia, vîndî îrîa mûrî thînarî. We Juda mwîgana wa ngai ciaku nîta mwîgana wa matûûra maku.

Danieli 3:1

Mûthamaki Nebukadinezarû nîwarûthithirie mûvuanano wa thaavu wa mita mîrongo îîrî na mûgwanja na îgûrû na wariî wa mita ithatû. Nîwaugire wigwe Dura, kûndû kûrîa kwaraganu vûrûrirî wa Babuloni.

Jona 1:5

Nao amenyereri a meri nîmaamakire mûno, na wa mûndû akîambîrîria kûrîrîra ngai wake. Nîmaacokire magikia mîrigo îo yarî merirî kûu îriarî nîguo meri îvûthavûthe. Vîndî îo Jona nîwanyûrûrûkîte akathiî kanyombarî ka ndaarî ka meri, na kûu nîkuo aamamîte toro ndito.

1Akor 12:2

Mue nîmwîcî ûrîa mwatûûraga vîndî îrîa mûtaarî atuîku etîkia. Nîmwavîtithagua na njîra nyîngî nîguo atî mûgoocage mîvuanano îtarî mwoyo.

1Sam 5:3

Nao andû a Ashidodi maramûka kîraûko tene mûthenya ûcio wîngî, makîthîra mûvuanano ûcio wa Dagoni ûmamîte nthî na îvu namo metho mayo maturumîte nthî vau mbere ya Îthandûkû rîa Kîrîkanîro rîa Ngai-Mûnene. Kwoguo nîmaamîocire na makîmîrûngamia varîa yethagîrwa îrî.