Isaia 46:4 - ÎVUKU RÎA ÛVORO MWARO

⁴ Nie nînie Ngai wenyu na nîndûûra nîmûmenyagîrîra nginya ûkûrûrî wenyu wana rîrîa mûkaauma mbuî. Nie nînie namûmbire na nîndûûra nîmûmenyagîrîra; nîngaamûkuua na nîmûvonokie.

Isaia 46:4 ပူးပေါင်းရင်းမြစ်များ

Thaburi 48:14

“Ûyû nîke Ngai wetû tene na tene; nîatûûra atûtongoragia tene na tene.”

Thaburi 68:19

Mwathani arokumua, ûrîa ûkuuaga mîrigo yetû mîthenya yonthe; nîke Ngai mûvonokia wetû.

Thaburi 71:18

Rîu nîrî mûkûrû na nîrî na mbuî ndûkandiganîrie, we Ngai, îkaraga nanie nginya rîrîa ngaanîrîra vinya waku kûrî njiarwa cionthe irîa igaaûka.

Thaburi 71:9

Ndûkande rîu nîrî mûkûrû; ndûkandiganîrie rîu ndarî na vinya.

Thaburi 92:14

Îthiîcaga na mbere gûciara matunda wana îrî mîkûrû, vîndî cionthe îthagîrwa îrî na vinya na îrî mîruru.

Isaia 41:4

Nû watûmire maûndû mau monthe mekîke? Nû wavangire ûrîa maûndû marûmanagîrîra kuuma Kîammbîrîria? Nie Ngai-Mûnene, naarî kuo kuuma Kîammbîrîria, na nînie ngethîrwa kuo nginya kîrîkîro.

Isaia 43:13

Nie nînie Ngai na nîndûûra nîrî Ngai. Gûtirî mûndû wanarî ûmwe ûngîîvonokia kuuma njararî ciakwa; gûtirî mûndû ûngîndigîrîria ngîruta wîra wakwa.”

Isaia 43:25

Nie nînie nakwoveere mevia maku nîûndû wa kwenda gwakwa, na ndikaaririkana mevia maku.

Isaia 48:12

Ngai-Mûnene arauga atîrî, “Tanthikîrîria we Jakovu, tanthikîrîria we Isiraeli ngîgwîta! Nie nînie Ngai-Mûnene, nînie wa mbere na nînie wa mûthiia!

Malaki 2:16

Ngai-Mûnene, Ngai wa Isiraeli augîte atîrî, “Nînthûrîte gûtecana kwa arîa mavikanîtie. Nînthûrîte mûndûmûrûme ûrîa wîkaga mûka gîko ta kîu gîcûku ûguo. Îîmenyerereni atî vîndî cionthe mûtûûre mûrî evokeku kûrî aka enyu.”

Malaki 3:6

“Nie Ngai-Mûnene ndicenjagia. Kwoguo mue andû a rûciaro rwa Jakovu, mûtirî acûkangie mûkathira.

Aroma 11:29

Nîûndû Ngai arathuura mûndû na akîmûrathima, ndagarûrûkaga.

Gûco 1:31

na mwarî werûrî. Nîmwonire ûrîa Ngai-Mûnene, Ngai wenyu aamûtongoririe nginya mûgîkinya gûkû. Aamûmenyagîrîra ta ûrîa kamwana kathiîcaga kamenyereretwe nî îthe.’

Ahib 1:12

We nîûgaaikûnja ta îgooti, na nîigaacenjua ta nguo. Nwatî we ndûcenjagia na ûtûûro waku ndûkaathira.”

Ahib 13:8

Jesû Kristû ûrîa arekariî îgoro, nîguo ekariî ûmûnthî na nîatûûra ûguo tene na tene.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.