Isaia 46:2 - ÎVUKU RÎA ÛVORO MWARO

² Irenamîrîra na ikagwa irî vamwe, ngai icio itingîîvonokia, nwatî wanacio nîikaathiî îthamîriorî.

Isaia 46:2 ပူးပေါင်းရင်းမြစ်များ

2Sam 5:21

Afilisiti nîmaatorokire na magîtiga ngai ciao cia mîvuanano kuo. Nake Daudi na andû ake nîmoocire mîvuanano îo na makîthiî nayo.

Isaia 30:6

Îno nîyo ndûmîrîri ya Ngai îgiî nyamû cia Negebu. “Anjaama mathiîte mavîtûkanîrîtie vûrûrirî wa thîna na kîeva, kûrîa kûrî mînyambû ya nga na ya njamba, kûrîa kûrî njoka irî ûrogi na ciîngî nene igûrûkaga. Makuuithîtie mvunda ûtonga wao, na magakuuithia ngamîîra indo ciao cia goro, mavirîrîte andû matangîmaguna na kîndû wanarî kîrîkû.

Isaia 37:12

Methe makwa nîmaacûkangirie mavûrûri ma Gozani, Harani, Rezefu na andû a Edeni arîa maatûûraga Telasari; ngai cia mavûrûri mau nîciamavonokirie?

Isaia 37:19

na magaikia ngai ciao mwakirî nîûndû itiarî ngai cia ma, nwatî ciarî mîvuanano yaumîtue nî andû ya mîtî na ya mathiga; kwoguo nîciacûkangirue.

Isaia 44:17

Nîacaga ngai yake ya mûvuanano na gîcunjî kîu kîngî Kîam mûtî ûcio, na agaûturîria maru akaûgooca. Aûvoyaga akiugaga atîrî, “Mvonokia, nîûndû we nîwe ngai yakwa!”

Isaia 45:20

Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.

Jeremia 48:7

We Moabu nîwevokire ûvoti waku na ûtonga waku, nwatî rîu wanawe nîûgatavwa; ngai yaku Kemoshi nîîkavirwa îthamîriorî, vamwe na athînjîri-Ngai na ndungata ciake.

Jeremia 51:47

Kwoguo îvinda nîrîgûkinya, rîrîa ngananga mîvuanano ya Babuloni, vûrûri wa Babuloni wonthe ûconorithue, nao andû onthe a Babuloni maûragîrwe vûrûrirî wao.

Danieli 11:8

Wana nî agaakuua ngai ciao cia mîvuanano athiî nacio Misiri wa vamwe na indo cia thaavu na cia sîlûva irîa itegeretwe ngai icio. Gûkethîrwa kûrî na thayû mîaka mîîngî.

Nahumu 1:14

Ngai-Mûnene aathanîte atîrî ûvoro wîgiî Asîria: “Matikethîrwa na njiarwa cia gûtûma rîîtwa rîao rîtûûre; Nîngacûkangia mîvuanano îo îrî hekarûrî ya ngai ciao. Nie nîngûkwînjîra mbîîrîra, nîûndû mue mûtiagîrîrwe nî gûtûûra mwoyo.”

Atir 18:24

Nake Mika nîwacokirie atîrî, “Mûrauga atîa rîrîa mûrambûria, nîrenda atîa? Mwakuua ngai îrîa naathondekire na mwathiî na mûthînjîri-Ngai wakwa! Natigwa na ndûî?”

1Sam 5:3

Nao andû a Ashidodi maramûka kîraûko tene mûthenya ûcio wîngî, makîthîra mûvuanano ûcio wa Dagoni ûmamîte nthî na îvu namo metho mayo maturumîte nthî vau mbere ya Îthandûkû rîa Kîrîkanîro rîa Ngai-Mûnene. Kwoguo nîmaamîocire na makîmîrûngamia varîa yethagîrwa îrî.