Isaia 45:7 - ÎVUKU RÎA ÛVORO MWARO

⁷ Nînie ndûmaga kûgîe ûtheri na ngatûma kûgîe nduma; nînie ndûmaga kûgîe thayû na ngatûma kûgîe thîna. Nînie Ngai-Mûnene ûrîa wîkaga maûndû mau monthe.

Isaia 45:7 ပူးပေါင်းရင်းမြစ်များ

2Atha 19:25

“Nîkwa ûteguîte atî naavangire ûguo wa tene? Ûrîa naavangire tene rîu nîngûûvingia, ndûme womomore matûûra marîa mairigîre matuîke irûndo cia mathiga.

Ayubu 10:13

Nwatî wîthîrîtwe ûthithîte maûndû mama monthe ngororî yaku, na nîmbicî nîwavangîte kûmbîka maûndû mau monthe.

Ayubu 2:10

Ayubu nîwacokirie atîrî, “We ûraria ta aka arîa aritu! Ethîrwa nîtwamûkagîra indo mbaro kuuma kûrî Ngai-Mûnene, na kinthî tûtiagîrîrwe nî kwamûkîra wana nginya maûndû macûku kuuma kûrî ke?” Wana Ayubu acemania na mathîna mau monthe, ke ndaaruma Ngai.

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Thaburi 105:28

Ngai nîwatûmire vûrûri ûgîe nduma, andû a Misiri nîmaaregire kwathîkîra watho wake.

Thaburi 29:11

Ngai-Mûnene arovecaga andû ake vinya! na arorathima andû ake na amave thayû.

Thaburi 74:16

We nîwaûmbire mûthenya wana ûtukû; nîwaigire riûa vandû va rîo na ûkiga mweri vandû va guo.

Thaburi 75:7

Ngai ke mwene nîke mûtucanîri, nîatucagîra amwe atî marî na mavîtia, na agatuîra engî atî matirî na mavîtia.

Thaburi 8:3

Rîrîa ngûroria îgûrû, rîrîa warûthire na njara ciaku, mweri na njata, irîa waûmbire,

Ntha 14:20

gîkîrûngama gatagatî ka athigari a mbaara a Isiraeli na athigari a mbaara a andû a Misiri. Narîo îtu rîu nîrîatûmire kûgîe nduma kûrî andû a Misiri, nwatî nîrîavere andû a Isiraeli ûtheri. Kwoguo athigari a mbaara a Misiri matingîavotire gûkuvîvîria athigari a mbaara a Isiraeli ûtukû ûcio wonthe.

Isaia 31:2

Kûnarî ûguo, Ngai nî mûûgî na nîaretage mûthiro. Ûrîa augîte ndericûkagwa, na nîevarîrîtie kûverithia eki naaî, na averithie arîa matethagîrîria eki naaî.

Isaia 42:16

“Nîngaatongoreria itumumu njîrarî irîa mataicî. Ngaamatongoreria tûcîrarî tûrîa matamenyete. Nîngaagarûra nduma îrîa îrî mbere yao îtuîke ûtheri, na kûndû kûrîa gûtarî kwaraganu nîkwaraganie. Mama nîmo maûndû marîa ngeeka, na ndikaamatiganîria.

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 47:11

Nwatî nîûkaanyitwa nî maûndû macûku, na ndûkaavota kûmenya kûrîa maumîte. Nîûkaanyitwa nî mathîna, na ndûkaavota kûmathiria, maûndû ma gûkûthiria nîmagaaûka kûrî we wa rîmwe, marîa ûtanamenya ûvoro wamo.

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 13:16

Kumiani Ngai-Mûnene Ngai wenyu mbere ya areta nduma, na mbere ya mûvîngwa nî nduma îrîa îrî irîmarî. Mûkerirîria kwona ûtheri, nwatî agaatûma ûtuîke nduma nene.

Jeremia 31:35

Ngai-Mûnene ûrîa arî ke Ngai mwene vinya wonthe arauga atî: Nîke ûvecaga riûa ûtheri nîguo rîare mûthenya, na akava mweri na njata ûtheri nîguo imûrîkage ûtukû. Nîke winainagia îria gûkagîa na makûmbî ma manjî na makaruruma.

Jeremia 51:20

Ngai-Mûnene arauga atîrî, “We Babuloni nîwe nyondo na indo ciakwa cia mbaara, nîwe ndûmagîra kwananga mothamaki.

Maca 3:38

Ngai-Mûnene nîke tu wîtîkagîria maûndû monthe, marîa macûku na marîa maro mekîke.

Ezek 32:8

Indo cionthe irîa irutaga ûtheri kûu îgûrû nîigaatuîka nduma, na nthî yonthe îcûrwe nî nduma. Nie Ngai-Mûnene Ngai nînie mbugîte ûguo.

Danieli 2:22

Ke nîaguûragia maûndû marîa mathithe; nîaicî maûndû marîa marî ndumarî, na ke mwene nî ûtheri.

Joeli 2:2

Ûcio nî mûthenya wa nduma na kîeva, mûthenya wa matu na nduma nene. Ngige nyîngî nîciûkîte, ciîkariî ta nduma îtambûrûkîte irîmarî. Gûtianethîrwa kûrî na tayo wanarî vanini, na ndîkoonekana rîngî kûrî njiarwa cionthe igaûka.

Amosi 3:6

Karumbeta ka mbaara nwa kavuvwe îtûûrarî na andû makarega gwîtigîra? Îtûûra nwa rînyitwe nî mûthiro tiga Ngai-Mûnene aûrekereretie?

Amosi 4:13

Ngai nîke waûmbire irîma na akîûmba mvuvo. Nîke ûmenyithagia mûndû meciria make, na nîke ûtûmaga mûthenya ûtuîke ûtukû. Athiîcagîrîra nthî kûrîa gûtûgîru. Rîîtwa rîake nî Ngai-Mûnene, Mwene vinya wonthe.

Amosi 5:6

Cariani Ngai-Mûnene, namue nîmûgûtûûra mwoyo. Ethîrwa tîmûmûcaria nîakaamûthiria mue njiarwa cia Josefu na Mwaki. Mwaki nîûkavîvia atûûri a Betheli na gûtirî mûndû ûkaavota kûûvoria.

Nahumu 1:8

Rîrîa nthû ciathithûkîra vûrûri ta mwîcûro wa manjî, ke nîaicûkangagia, nîarûmagîrîria nthû ciake nginya ndumarî.

Ciîko 4:28

Maatûnganire nîguo meke maûndû monthe marîa we na vinya na wendi waku wavangîte kuuma wa Kîammbîrîria atî nîmagekîka.

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.

Juda 1:13

Mekariî ta makûmbî ma manjî îriarî, na ciîko ciao cia ûûra nthoni ciîyumagîria ta mûvûû. Mekariî ta njata irîa ciûrûraga kûndû na kûndû. Nake Ngai nîamaigîrîte kûndû kûrî na nduma nene mûno tene na tene.

Juda 1:6

Taririkanani araika arîa maaregire wathani ûrîa maavetwe, nwatî magîtiganîria ciîkaro ciao. O maigîtwe ndumarî, movetwe na mînyororo tene na tene, nîguo Ngai akaamatuîra Mûthenya ûcio mûnene.