Isaia 45:3 - ÎVUKU RÎA ÛVORO MWARO

³ Nîngaakûva indo cia vata irîa cigîtwe ndumarî; na ûtonga ûrîa ûrî kûndû gûtaicîkene, nîguo ûmenye atî nie nînie Ngai-Mûnene, Ngai wa Isiraeli ûrîa ûgwîtîte akîgwetaga rîîtwa rîaku.

Isaia 45:3 ပူးပေါင်းရင်းမြစ်များ

2Maû 6:17

Kwoguo, we Ngai-Mûnene, Ngai wa Isiraeli, tûma kîîranîro gîaku na Daudi ndungata yaku kîvinge.

Ezira 1:2

“Cairasi Mûthamaki wa Perisia aathanîte atî, Ngai-Mûnene Ngai wa îgûrû nîanduîte mûthamaki wa mavûrûri monthe ma nthî. Ke nîamvete wîra wa gûtuma hekarû yake Jerusalemu vûrûrirî wa Juda.

Ntha 33:12

Musa nîwerire Ngai-Mûnene atîrî, “Nî ma nîwambîra ndongorie andû mathiî vûrûri ûcio, nwatî ndûnamonia mûndû ûrîa watûma nîguo tûthiî nake. Nîwauga atî nîûmbicî waro na ûrî mûkenu nînie.

Ntha 33:17

Nake Ngai-Mûnene nîwerire Musa atîrî, “Ûguo wambûria nîguo ngwîka, nîûndû nîrî mûkenie nîwe na nîngwicî waro.”

Isaia 41:23

Twîreni maûndû marîa magaaûka vuvarî, nîguo tûmenye atî mwî ngai! Îkani ûndû mwaro kana ûndû mûcûku, nîguo tûmake na twîtigîre!

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 48:15

Nie nînie naririe maûndû mau na ngîmwîta, nînie namûtongoririe na mûvango wake nîûkaavua.

Isaia 49:1

Tanthikîrîriani mue mavûrûri ma kûraca, tegani matû mue andû arîa mûtûûraga kûndû kûraca! Ngai-Mûnene aambîtire mbere ya njiarwe, aanthuurire nduîke ndungata yake nîrî îvurî rîa nyanya.

Jeremia 41:8

Nwatî gatagatî ka andû acio vaarî na arûme îkûmi arîa merire Ishumaeli atîrî, “Ndugatûrage nîûndû tûrî na ngano, cairi, maguta na ûûkî tûthithîte mîgûndarî.” Kwoguo Ishumaeli ndaamaûraga.

Jeremia 50:26

Ûkani mûûtharîkîre na mîena yonthe; vingûrani makûmbî maguo; mwiganîrîreni vamwe ta irûndo cia ngano na ûmûcûkangie viû; mûtigatigarie wanarî kûndû.

Jeremia 50:37

Ûragani mbarathi ciaguo na mûcûkangie ikaari cia mbarathi, ûragani athigari onthe a gûkomborwa, nîguo magîe guoya ta aka! Cûkangiani mîthithû yake, nîguo indo itavwe.

Jeremia 51:13

Mue arîa mûtûûraga vûrûri ûrî nyûnjî nyîngî, vûrûri ûrî ûtonga mwîngî, îvinda rîenyu nîrîkinyu, ûtûûro wenyu nîmûkinyu mûthiia.

Jeremia 51:53

Wana ethîrwa Babuloni nîîkunûkia na îgûrû, na îtume nyomba cia kwîgitîra ndaca na îgûrû; nîngaatûma andû a kûrîcûkangia. Nie Ngai-Mûnene nînie nauga ûguo.”