Isaia 45:25 - ÎVUKU RÎA ÛVORO MWARO

²⁵ Nie Ngai-Mûnene nîngaatethûra njiarwa cionthe cia Isiraeli, na nîikaavootana.

Isaia 45:25 ပူးပေါင်းရင်းမြစ်များ

1Atha 8:32

We Ngai-Mûnene nakûthaitha ûkaathikîrîria na ûgaatuithania ndungata ciaku ûrî kûu îgûrû. Ûkaaverithia mûndû ûrîa mwîvia wata ûrîa kwagîrîrîte, nake mûndû ûrîa mûthingu ûgaatûma agîe na maûndû maringanîte na ûthingu wake.

1Maû 16:13

Mue njiarwa cia Iburahimu ndungata yake, avîcî a Jakovu arîa Ngai aathuurire.

Thaburi 22:23

Mue nîmûgoocaga Ngai-Mûnene, mûkumieni! Mue njiarwa cionthe cia Jakovu, mûkumieni! Mue andû onthe a Isiraeli, mûgooceni!

Thaburi 64:10

Andû arîa athingu nîmagaakena, nîûndû wa ûrîa Ngai-Mûnene ekîte. Ngai-Mûnene nîakaamagitîra; andû onthe arîa athingu nîmakaamûkumia.

Isaia 26:2

Vingûrani ivingo cia îtûûra, nîguo vûrûri ûrîa mûthingu, na ûrîa mwîvokeku ûtonye ndaarî.

Isaia 28:5

Mûthenya ûcio, Ngai-Mûnene mwene vinya wonthe nîke ûkethîrwa arî nthûmbî ya riiri, na arî nthûmbî ya ûthaka kûrî andû ake arîa magaatigara marî mwoyo.

Isaia 41:16

Mûkaavuva irîma icio naruo rûkûngi rûigûrûkie kûndû kûraca, naruo rûkûngi rûnene rûinyaganie. Namue nîmûgaakena nîûndû wa Ngai-Mûnene, na mûkumie Ûrîa Mûtheru wa Isiraeli.

Isaia 45:17

Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.

Isaia 45:19

Nie ndiaragia nîîthithîte kana nîrî vûrûrirî wa nduma. Nie ndiera njiarwa cia Jakovu inîîvoke mana. Nie nînie Ngai-Mûnene na mbaragia ûma; Nyumbûraga maûndû ma ma.”

Isaia 45:24

“Vîndî îo nîgûkeerwa îgûrû rîakwa atî: Ûthingu na vinya cionekaga kûrî Ngai-Mûnene; andû arîa onthe maamûrakarîrîte, nîmagaaûka kûrî ke na maconoke.”

Isaia 50:8

nîûndû Ngai arî vakuvî. Nû ûgaaciira nanie? Nîaûke tûthiî îgootirî tûgaciire vamwe. Nthû yakwa nû? Nîaûkaûke vakuvî nanie.

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Isaia 60:19

“Riûa rîtigacoka rîngî gûkûmûrîkîra mûthenya, wana kana mweri ûcoka gûkûmûrîkîra mathaa ma ûtukû, nwatî nie Ngai-Mûnene nînie ngaatuîka ûtheri waku wa tene na tene, naguo riiri wakwa ûkûmûrîkagîre.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 61:9

Njiarwa ciao nîikaagîa na îgweta gatagatî ka ndûrîrî, ciana ciao nîikaamenyeka atî nî andû a vata gatagatî ka andû arîa engî. Arîa onthe makaamoonaga nîmakaamenya atî nî andû arîa nie Ngai-Mûnene ndathimîte.”

Isaia 65:23

Matikaarutaga wîra ûtarî na umithio, kana magîa na ciana cia kûnyitagwa nî mathîna; nîûndû nîngaamarathimaga o ene wa vamwe na njiarwa ciao.

Isaia 65:9

Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.

Jeremia 33:16

Îvindarî rîu Juda nîîkavonokua na îtûûra rîa Jerusalemu rîgîe na thayû. Îtûûra rîu rîgetagwa, ‘Ngai-Mûnene nîke ûthingu wetû.’

Jeremia 4:2

na mûngîîvîta mûrî na ûûma, kîvooto na ûthingu, mûkiugaga, ‘wata ûrîa Ngai-Mûnene atûûraga mwoyo,’ vîndî îo mavûrûri nîmakaarathimwa, na magîe na riiri nîûndû wakwa.”

Ciîko 13:39

Na njîra yake mûndû wa wonthe ûmwîtîkîtie nîovagîrwa mevia monthe marîa mûndû atangîoverwe nî watho wa Musa.

Aroma 4:16

Kwoguo kîîranîro gîûkaga na njîra ya gwîtîkia, nîguo gîtuîke kîveo nîûndû wa wega wa Ngai. Kûrî njiarwa cionthe cia Iburahimu kîîranîro gîkî twa Kîam arîa mathîkagîra Watho tu, nwatî nî Kîam wana arîa onthe metîkîtie ta Iburahimu nîûndû nîke îthe wa kîîroho wetû tuonthe.

Aroma 5:1

Na rîu, nîûndû nîtûtuîtwe athingu nî Ngai na njîra ya gwîtîkia, nîtwîgucanîte na Ngai na njîra ya Mwathani wetû Jesû Kristû.

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

Aroma 8:30

Kwoguo arîa Ngai amûrîte nîwametire, nao acio eetire nîwamatuire athingu na akîmagaîra riiri wake.

1Akor 1:31

Kwoguo wata ûrîa mandîko matheru maugîte: “Mûndû wa wonthe ûngîenda gwîtîîa nîetîîe na maûndû marîa Mwathani ekîte.”

1Akor 6:11

Andû amwe gatagatîrî kenyu methagîrwa mekariî ûguo, nwatî mue nîmwathambirue mûkiuma meviarî. Mûrî atherie na mûgatuwa agîrîru na njîra ya Mwathani Jesû Kristû na njîra ya Roho wa Ngai wetû.

2Akor 10:17

Nwatî mandîko matheru maugîte atîrî, “Mûndû wa wonthe ûngîenda gwîtîîa nwa nginya etîîe ûndûrî wîgiî ûrîa Mwathani ekîte.”

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Agal 6:14

Nie vakwa ngetîîaga nîûndû wa mûtharava wa Mwathani wetû Jesû Kristû. Nîûndû na njîra ya gîkuû Kîam Jesû Kristû mûtharavarî, kûrî nie maûndû ma nthî îno nî ta makuîte na nie mvana ta mûndû mûkuû maûndûrî ma nthî.

Afil 3:3

Tue nîtue twîthagîrwa tûruîte nama. Tûkumagia Ngai na njîra ya Roho wake na nîtûkenaga ûtûûrorî wetû tûrî ûrûmwe na Kristû na tûtiîvokaga maûndû marîa twîkaga mîîrî yetû.