Isaia 45:24 - ÎVUKU RÎA ÛVORO MWARO

²⁴ “Vîndî îo nîgûkeerwa îgûrû rîakwa atî: Ûthingu na vinya cionekaga kûrî Ngai-Mûnene; andû arîa onthe maamûrakarîrîte, nîmagaaûka kûrî ke na maconoke.”

Isaia 45:24 ပူးပေါင်းရင်းမြစ်များ

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Thaburi 110:2

Ngai-Mûnene nîagaatûma ûthamaki waku ûneneve kuuma Zayuni. Augîte atîrî, “Ûkaathanaga ûrî gatagatî ka nthû ciaku.”

Thaburi 71:16

Nîngaanîrîra ciîko ciaku cia vinya, we Mwathani Ngai-Mûnene; nîngaanîrîra atî we wenga tu, nîwe mûthingu.

Thaburi 72:9

Nthû ciake irîa itûûraga werûrî nîikenamîrîra mbere yake; nthû ciake nîikaîgwîthia nthî rûkûngûrî.

Thaburi 89:17

Nîûndû we nîwe vinya wao wa magegania; wendo waku nîguo ûtûmaga mavoote nthû ciao.

Isaia 26:4

Îîvokage Ngai-Mûnene tene na tene, nîûndû Ngai-Mûnene, Ngai nî îthiga rîa ûgitîri tene na tene.

Isaia 41:11

“Taroria, arîa onthe maakûrakarîre nîmagaaconoka na maconorithue. Arîa magianaga nawe magaatuîka kîndû vatarî na nîmagaakua.

Isaia 44:8

Tigani kwîgua guoya, wana kana mwîtigîre! Na kinthî ndiamwîrire maûndû kuuma tene na ngîmumbûrîra mo? Na mue mûrî aira akwa. Nîkwa kûrî na ngai îngî tiga nie? Nî kûrî Îthiga rîngî; Nie ndiîcî rîngî.”

Isaia 45:25

Nie Ngai-Mûnene nîngaatethûra njiarwa cionthe cia Isiraeli, na nîikaavootana.

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Isaia 55:5

Nama nîmûgeta ndûrîrî irîa mûtaicî, na andû a ndûrîrî irîa itagwîcî nîmagaaûka kûrî we mavinyûrîte! Nie Ngai-Mûnene Ngai wenyu Ûrîa Mûtheru wa Isiraeli, nînie ndûmîte maûndû mau monthe mekîke, nînie ndûmîte ûvewe riiri.”

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 60:9

Nî meri ciumîte mavûrûrirî ma kûraca, itongoreretue nî meri cia Tarishishi. Iretete andû aku kuuma kûndû kûraca, marî na sîlûva na thaavu ciao, nîûndû wa rîîtwa rîa Ngai-Mûnene Ngai wenyu, na nîûndû wa Ûrîa Mûtheru wa Isiraeli, nîûndû nîatûmîte mûgîe riiri.

Isaia 61:10

Nîngaakenagîra mûno Ngai-Mûnene, ngoro yakwa nîgaacanjamûka nîûndû wa Ngai wakwa, nîûndû nîambîkîrîte nguo cia ûvonokio, nîambîkîrîte nguo ya ûthingu, ta ûrîa mûvikania egemagia na maûa, ta ûrîa mûviki egemagia na mathaga make.

Isaia 61:11

Nîûndû wata ûrîa mûthetu ûtûmaga mbegû îmere, na wata ûrîa mûgûnda ûtûmaga kîrîa kîvande kuo gîkûre, ûguo nwaguo Mwathani Ngai-Mûnene agaatûma ûthingu na ûkumio, cionekane ndûrîrîrî cionthe.

Jeremia 33:16

Îvindarî rîu Juda nîîkavonokua na îtûûra rîa Jerusalemu rîgîe na thayû. Îtûûra rîu rîgetagwa, ‘Ngai-Mûnene nîke ûthingu wetû.’

Habakuku 3:19

Mwathani Ngai-Mûnene nîke vinya wakwa, nîatûmaga magûrû makwa matuîke ta ma nthwariga, atûmaga nthiîrîre irîma îgûrû.

Zakaria 10:12

Nîngaatûma andû akwa magîe na vinya, na nîmakaambathîkagîra na mangoocage.” Nînie Ngai-Mûnene nauga ûguo.

Zakaria 10:6

Nîngaatûma nyomba ya Juda îgîe vinya, na nîngaavonokia nyomba ya Josefu. Nîngaamacokia kwao nîûndû nînîmegucagîra ntha, na nîmagekara ta andû ndanatiganîria, nîûndû nî nie Ngai-Mûnene, Ngai wao, na nîngegua mavoya mao.

Zakaria 12:5

Nacio mbarî cia Juda nîikeranaga atî ‘Andû a Jerusalemu mavecagwa vinya nî Ngai-Mûnene mwene vinya wonthe, Ngai wao.’

Zakaria 8:23

Vîndî îo, andû îkûmi kuuma mavûrûrirî na mîarîrie yonthe nîmagetonyereria varî Mûyahudi ûmwe na mamwîre atîrî, ‘Tiga tûthiîcanie nawe nîûndû nîtwîguîte atî Ngai arî vamwe namue.’ ”

Luka 13:17

Rîrîa Jesû aaugire ûguo, nthû cionthe ciake nîciaconokire. Nao andû acio engî onthe nîmaakenire nîûndû wa ciîko cia magegania irîa ke eekire.

Luka 19:27

Nacio nthû ciakwa irîa iteendaga nduîke mûthamaki wacio, ireteni ava mbere yakwa na mûciûrage ngîonaga!’ ”

Johana 12:32

Rîrîa ngaavirwa îgûrû nyume gûkû nthî, nîngaagucîrîria andû onthe kûrî nie.”

Johana 7:37

Mûthenya ûrîa warî wa mûthiia na wa vata mûno wa kîrugo, Jesû nîwarûngamire na akîanîrîra akiuga atîrî, “Mûndû wa wonthe mûnyondu nîaûke kûrî nie, na anyue,

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Aefeso 3:16

Mvoyaga Ngai atî kuuma kûrî ûtonga wa riiri wake amûvecaga vinya nyîngî ndarî yenyu na njîra ya Roho wake.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

Afil 4:13

Nwambîke maûndû monthe na njîra ya ûrîa ûmvecaga vinya.

Akol 1:11

Ngai aromûvotithia kûgîa na vinya îrîa yumanaga na ûvoti wa riiri wake, nîguo mûvote kûmîrîria maûndû monthe mûkirîrîtie na mûrî na gîkeno.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

Kûguû 11:18

Andû a ndûrîrî nîmaang'ûrîkire nîûndû îvinda nîrîkinyu rîa kwonania marakara maku, na îvinda rîa gûtuîra arîa akuû. Îvinda nîrîkinyu rîa kûva ndungata ciaku iveo na nîo arathi, andû arîa atheru, arîa onthe magwîtigagîra anene wa na arîa anini. Îvinda nîrîkinyu rîa kûûraga arîa macûkangagia nthî!”

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.