Isaia 45:19 - ÎVUKU RÎA ÛVORO MWARO

¹⁹ Nie ndiaragia nîîthithîte kana nîrî vûrûrirî wa nduma. Nie ndiera njiarwa cia Jakovu inîîvoke mana. Nie nînie Ngai-Mûnene na mbaragia ûma; Nyumbûraga maûndû ma ma.”

Isaia 45:19 ပူးပေါင်းရင်းမြစ်များ

1Maû 28:8

“Kwoguo, andû akwa mûrî mbere ya Ngai na ûngano wonthe wa andû a Isiraeli andû a Ngai-Mûnene nîramwîra mwathîkagîre waro maathani monthe ma Ngai-Mûnene, Ngai wenyu. Na mweka ûguo nîmûkûthiî na mbere kwîgwatîra vûrûri ûyû mwaro na nîmûgaaûtigîra njiarwa cienyu rîrî îgai rîao tene na tene.”

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 7:14

ethîrwa andû akwa arîa metanîtue na rîîtwa rîakwa nîmakaavera, mavoe na magarûrûke matige mîthiîre yao mîcûku, nîngaamegua nîrî îgûrû na nîngaamovera mevia mao na mvonie vûrûri wao.

Ezira 8:22

Nînegwire nthoni cia kwîra mûthamaki atûnengere athigari a mbarathi a gûtûgitîra kuuma kûrî nthû tûrî rûgendorî rwetû. Neguire nthoni nîûndû nînamwîrîte atî Ngai nîarathimaga mûndû wa wonthe ûrîa ûmwîtîkîtie, nwatî ndakenagua nî arîa mamûtiganagîria na nî amaverithagia.

Thaburi 12:6

Ciîranîro cia Ngai-Mûnene nî cia kwîvokeka, nî ntheru ta sîlûva îtheretue na mwaki, îtheretue na mwaki maita mûgwanja.

Thaburi 24:6

Andû ta acio nîo magoocaga Ngai, nîo magoocaga Ngai wa Jakovu.

Thaburi 69:13

Nwatî we Ngai-Mûnene, nîwe mvoyaga; îtîkîra îvoya rîakwa we Ngai, vîndî îrîa ûngîenda. Njokeria îvoya rîakwa nîûndû wa wendo waku ûtathiraga, nîûndû we nîûvingagia kîîranîro gîaku gîa kûvonokania.

Thaburi 69:32

Rîrîa andû arîa avinyîrîrie makoona ûguo nîmagaakena, arîa magoocaga Ngai nîmakaaûmîrîrua.

Thaburi 78:34

Vîndî îrîa Ngai aûraga andû amwe, acio engî nîmaamûcokagîrîra; nîmeriraga na makamûvoya na kinyi.

Thaburi 9:10

Arîa maicî rîîtwa rîaku nîmakwîvokete, nîûndû we Ngai-Mûnene ndûtiganagîria arîa magûcaragia.

Nthi 1:21

Nîaraugîrîria arî vandû îgûrû, nîararia arî ivingorî cia îtûûra akauga:

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 30:5

Maûndû monthe marîa Ngai aragia nî ma ma; ke nî ngo kûrî andû arîa mathiîcaga kûrî ke nîguo amagitîre.

Nthi 8:6

Thikîrîriani, nîûndû nîmbaria maûndû ma vata na nînîmwîra maûndû marîa magîrîrîte,

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 43:12

Ngai-Mûnene augîte atî: Nînaamenyithanirie maûndû marîa magekîka, ngîanîrîra na ngîvonokania, gûtiarî na ngai îngî ng'eni gatagatîrî kenyu; na mue mûrî aira akwa.

Isaia 44:8

Tigani kwîgua guoya, wana kana mwîtigîre! Na kinthî ndiamwîrire maûndû kuuma tene na ngîmumbûrîra mo? Na mue mûrî aira akwa. Nîkwa kûrî na ngai îngî tiga nie? Nî kûrî Îthiga rîngî; Nie ndiîcî rîngî.”

Isaia 45:23

Nie nînîvîtîte ngîgwetaga rîîtwa rîakwa, maûndû marîa nîraria nî ma ma, na ndingîgarûrûkwa. Andû onthe nîmagaaturia maru mbere yakwa, na onthe mevîte atî makaanîvokaga.

Isaia 45:25

Nie Ngai-Mûnene nîngaatethûra njiarwa cionthe cia Isiraeli, na nîikaavootana.

Isaia 48:16

“Nguvîvîriani mwîgue ûrîa nguga, kuuma tene ndianarîria nthithorî, kuuma rîrîa maûndû mau maambîrîîrie gwîkîka Nie naarî wa kuo.” Na rîu Ngai-Mûnene mwene vinya wonthe, nîandûmîte na akamva vinya wa Roho wake.

Isaia 63:1

“Nû ûyû ûkîte aumîte îtûûrarî rîa Bozira, rîrîa rîrî vûrûrirî wa Edomu? Nû ûyû ûkîte ekîrîte nguo ino ndune, na akathiî arî na vinya na ûvoti mwîngî?” “Nînie Ngai-Mûnene nîranîrîra ûthingu wakwa, na nîrî na vinya wa kûvonokania.”

Isaia 65:9

Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Amosi 5:4

Ngai-Mûnene arera andû a Isiraeli atîrî, “Njariani namue nî mûgûtûûra mwoyo!

Johana 18:20

Nake Jesû nîwamûcokerie atîrî, “Nie ndûûraga mbaragîria andû onthe cararûkû nîguo megue. Ndûûraga nthomithanagîria mavoerorî na hekarûrî kûrîa andû onthe macemanagia. Nie ndianaria ûndû wana ûmwe nthithorî.

Johana 7:26

Taroriani araria andû onthe makîgucaga na gûtirî ûndû atongoria maramwîra! Nwa kûvoteke Ayahudi methîrwe nîmamenyete na ma atî Jesû nîke Mesaya?

Johana 7:28

Rîrîa Jesû aathomithanagia hekarûrî, nîwanîrîre akiuga atîrî, “Mue nama nîmûmbîcî na mûkamenya kûrîa nyumîte? Nwatî nie tînie nîîtûmîte. Ûrîa wandûmire nî wa ma na mue mûtimwîcî,

Gûco 29:29

“Maûndû ma nthitho nî ma Ngai-Mûnene Ngai wetû, nwatî maûndû marîa aguûranîrîtie nî metû vamwe na njiarwa cietû, nîguo tûtûûre tûvingagia mawatho make monthe tene na tene.”

Gûco 32:4

“Ke nî ta îthiga, wîra wake nî mûkinyanîru, maûndû make monthe nî ma kîvooto. Ngai nî mwîvokeku na wa ûma; ekaga maûndû marîa magîrîrîte na ma kîvooto.

Jakuvu 4:3

Rîrîa mwetia, mûtivecagwa nîûndû mwîtagia mûtarî na itûmi mbaro. Mwîtagia indo nîguo mûitûmîre mûgîkenia mîîrî yenyu.