Isaia 45:17 - ÎVUKU RÎA ÛVORO MWARO

¹⁷ Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.

Isaia 45:17 ပူးပေါင်းရင်းမြစ်များ

Thaburi 103:17

Nwatî wendo ûtathiraga wa Ngai-Mûnene, ûtûûraga tene na tene, kûrî arîa onthe mamwîtigagîra, na ûthingu wake ûtûûraga kûrî njiarwa cionthe,

Thaburi 25:3

Ndûkareke andû arîa magwîtîkîtie maconorithue, nwatî ûconorithie arîa mareganaga nawe.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 26:4

Îîvokage Ngai-Mûnene tene na tene, nîûndû Ngai-Mûnene, Ngai nî îthiga rîa ûgitîri tene na tene.

Isaia 29:22

Kwoguo Ngai-Mûnene ûrîa wakûûrire Iburahimu arauga ûvoro wîgiî nyomba ya Jakovu atîrî, “Jakovu ndagaaconorithua rîngî, na ûthiû wake ndûgaatuka rîngî.

Isaia 33:6

Nîke ûgaatûma vûrûri wenyu wîkare wîkindîrîtie, nîagaatûma kûgîe na ûvonokania mwîngî, ûûgî na ûmenyo. Mûthithû wenyu ûrîa mûnene mûno nî gwîtigîra Ngai-Mûnene.

Isaia 45:25

Nie Ngai-Mûnene nîngaatethûra njiarwa cionthe cia Isiraeli, na nîikaavootana.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 50:7

Nîûndû Mwathani Ngai-Mûnene nîke ûndethagia; kwoguo ndirî mûmaku. Ndûmîte ûthiû wakwa ûme ta îthiga, na nîmbîcî atî ndigaaconorithua;

Isaia 51:6

Roriani îgûrû; na mûcoke mûrorie nthî, nîûndû îgûrû rîkaathira ta ndogo; nthî îkaathira ta nguo, nao arîa matûûraga kuo magaakua ta ngi. Nwatî ûvonokio ûrîa ndetete ûgaatûûra tene na tene, naguo ûthingu wakwa ndûkaathira.

Isaia 51:8

Nîûndû makaarîwa nî igunyû mathire ta nguo, marîwe nî igunyû ta guoya. Nwatî ûthingu wakwa ûgaatûûra tene na tene, na ûvonokio wakwa nîwa njiarwa na njiarwa.”

Isaia 54:4

Ndûgetigîre nîûndû ndûgaaconoka; ndûkegue nthoni nîûndû ndûgaaconorithua. Nîûkaariganîrwa nî gîconoko Kîam wîthî waku, na ndûkaaririkana rûmena rûrîa warî naruo rîrîa warî mwîthî, vîndî îrîa watûûraga wî wa ndigwa.

Isaia 54:8

Nakûthithire ûthiû wakwa gwa kavinda kanini, nîûndû wa ûrîa natûmbîtwe nî marakara, nwatî nîngaakwîguîra ntha na wendo ûtathiraga.” Ûguo nîguo Ngai-Mûnene Mûkûri waku arauga.

Isaia 60:19

“Riûa rîtigacoka rîngî gûkûmûrîkîra mûthenya, wana kana mweri ûcoka gûkûmûrîkîra mathaa ma ûtukû, nwatî nie Ngai-Mûnene nînie ngaatuîka ûtheri waku wa tene na tene, naguo riiri wakwa ûkûmûrîkagîre.

Jeremia 31:3

nie Ngai-Mûnene nînamaumîrîre nîrî kûraca. Nîmwendete na wendo ûtathiraga, kwoguo nîrî mwîvokeku kûrî mue vîndî cionthe.

Jeremia 33:16

Îvindarî rîu Juda nîîkavonokua na îtûûra rîa Jerusalemu rîgîe na thayû. Îtûûra rîu rîgetagwa, ‘Ngai-Mûnene nîke ûthingu wetû.’

Hosea 1:7

Nwatî nîngeguîra andû a Juda ntha na nîmavonokie. Nie Ngai-Mûnene Ngai wao nîngamavonokia, nwatî tî na vinya wa athigari a mbaara, kana rûviû rwa njûra kana mbaara, kana mbarathi, kana arîa mekaragîra mbarathi.”

Jona 2:9

Nwatî nîngaakuinîra nyîmbo cia gûgûkumia; nîngaakûrutîra îgongoona, na mvingie ûrîa mbîranîrîte na mwîvîtwa. Ngai-Mûnene nîke ûvonokanagia!”

Zefania 3:11

Mûthenya ûcio we ndûgaaconorithua, nîûndû atî nîûreganîte nanie. Nîngaruta mûndû wa wonthe mwîtîi na mwaganu kûrî mue, na mue mûtikaregane nanie mûrî kîrîmarî gîakwa kîtheru.

Johana 10:28

Nie nînîivecaga mwoyo wa tene na tene, na itigaakua rî kana rî. Gûtirî mûndû ûngînjuna cio.

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Johana 6:40

Nîûndû wendi wa Vava nî atî mûndû wa wonthe ûrîa wonaga Mûriû na akamwîtîkia nîwagîrîrwe nî kûgîa na mwoyo wa tene na tene. Nanie nîngaamûriûkia mûthenya wa mûthiia.”

Aroma 10:11

Mandîko matheru maugîte atîrî, “Mûndû wa wonthe ûmwîtîkîtie ndagaaconorithua.”

Aroma 11:26

Ûguo nîguo Aisiraeli onthe makaavonokua. Wata ûrîa mandîko matheru maugîte atîrî, “Mûvonokia nîagaaûka kuuma Zayuni, na nîakaathengutia waganu wonthe kuuma rûciarorî rwa Jakovu.

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

Aroma 9:33

Wa ta ûrîa kwandîkîtwe Mandîkorî Matheru atîrî: “Taroriani, kûu Zayuni nî ngwiga îthiga rîrîa rîkaavînga andû, îthiga rîrîa rîgaatûma andû magûe. Nwatî mûndû wa wonthe ûmwîtîkîtie ndagaaconorithua.”

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.

Ahib 5:9

Na rîrîa aatuirwe mwagîrîru, nîwatuîkire kiumo Kîam ûvonokio wa tene na tene kûrî arîa onthe mamwathîkagîra.

1Pet 2:6

Nîûndû mandîkorî matheru Ngai augîte atîrî, “Nîngwiga îthiga rîrîa nthuurîte Zayuni, îthiga rîu nî rîa goro. Mûndû wa wonthe ûmwîtîkagia ndagaaconorithua.”

1Joh 4:15

Mûndû wa wonthe umbûraga atî Jesû nî Mûriû wa Ngai, Ngai ekaraga ndaarî yake nake ekaraga ndaarî ya Ngai.