Isaia 45:15 - ÎVUKU RÎA ÛVORO MWARO

¹⁵ Nama we wî Ngai ûrîa wîthithîte, Ngai wa Isiraeli, Mûvonokia.

Isaia 45:15 ပူးပေါင်းရင်းမြစ်များ

Ayubu 10:13

Nwatî wîthîrîtwe ûthithîte maûndû mama monthe ngororî yaku, na nîmbicî nîwavangîte kûmbîka maûndû mau monthe.

Ayubu 23:3

Kethîrwa nwamenye kûrîa nîngîmwona, Nwanthiî nginya varîa arî.

Ayubu 23:9

Nîmûcaragia mwena wa ûmotho nwatî ndimwonaga, na namûcaria mwena wa ûrîo agatura.

Thaburi 44:24

Wîthithîte kuuma kûrî tue nîkî? Ndûkariganîrwe nî mînyamaaro na mathîna metû?

Thaburi 68:26

“Kumiani Ngai mûrî kîûnganorî Kîam andû eengî, kumiani Ngai-Mûnene, mue njiarwa cia Isiraeli!”

Thaburi 77:19

We nîwathiîrîre îriarî; nîwavîtûkîrîre îriarî kûrîa kûriku, nwatî makinyo maku mationeka.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 19:20

Metha îo ya kîgongoona îgaatuîka kîmenyithia na ûira kûrî Ngai-Mûnene mwene vinya wonthe vûrûrirî wa Misiri. Rîrîa andû a kuo makaarîrîra Ngai-Mûnene amatethie kuuma kûrî arîa mamavinyagîrîria, ke nîakaamatûmîra mûmatethia wa kûmagitîra na kûmavonokia.

Isaia 43:11

“Nie nienga tu, nînie Ngai-Mûnene, na gûtirî mûvonokia wîngî tiga nie.

Isaia 43:3

Nîûndû nie nînie Ngai-Mûnene Ngai wenyu, Ûrîa Mûtheru wa Isiraeli, mûvonokia wenyu. Nîngûvecana îrîvi Misiri nîguo ngûkûûre, nîngûvecana Ethiopia na Seba nîguo mûrekererue.

Isaia 45:17

Nwatî vûrûri wa Isiraeli nîûkaavonokua nî Ngai-Mûnene, na ûvonokio wao ûgaatûûra tene na tene. Andû a kuo matigaaconorithua tene na tene.

Isaia 46:13

Nîngûrete mûthenya wakwa wa kûmûvonokia vakuvî, ndûrî varaca, mûthenya wa kûmûvonokia tîwîkara mûno. Nîngaavonokia Zayuni na monie Isiraeli riiri wakwa.”

Isaia 57:17

“Narakarire nîo nîûndû wa mevia mao na ûkoroku wao, nînamaverithirie, ngîmatiganîria na ngîtûmbwa nî marakara. Nwatî nîmaûmirie kîongo na makîthiî na mbere kûrûmîrîra njîra ciao o ene.

Isaia 60:16

Nîûkaareterwe irio nî andû a ndûrîrî, athamaki magaakûvecaga irio mbaro, na nîûkaamenya atî nie Ngai-Mûnene, nînie Mûvonokia waku, nînie mwene Vinya mûkûri wa Jakovu.

Isaia 8:17

Nîmbeterera Ngai-Mûnene, ûrîa wîthithîrîte andû a Jakovu, nîke ngwîvoka.

Johana 13:7

Nake Jesû nîwamûcokerie atîrî, “We rîu ndûramenya ûrîa nîreka, nwatî vuvarî ûgaataûkîrwa.”

Johana 4:22

Mue Asamaria mûtiîcî nî ûrîkû mûgoocaga nwatî tue Ayahudi nîtwîcî nî ûrîkû tûgoocaga, nîûndû ûvonokio uumaga kwa Ayahudi.

Johana 4:42

Nao nîmeerire mûndûmûka ûcio atîrî, “Rîu tue nîtwetîkia, tî nîûndû atî nîûtûrutîre ûira, nwatî nîûndû tue ene nîtweîguîra na matû metû na twamenya atî Jesû nîke Mûvonokia wa andû onthe a nthî.”

Ciîko 13:23

Kwoguo Ngai nîatuîte Jesû ûrîa wa mbarî ya Daudi Mûvonokia wa andû wa Isiraeli wata ûrîa ke eeranîrîte.

Ciîko 5:31

Ngai nîwamwigire mwena wake wa ûrîo arî Mûtongoria na Mûvonokia. Ngai eekire ûguo nîguo ave andû a Isiraeli kamweke ga kwîrira nîguo moverwa mevia mao.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.