Isaia 45:11 - ÎVUKU RÎA ÛVORO MWARO

¹¹ Ngai-Mûnene Ûrîa Mûtheru wa Isiraeli, ûrîa mûmûmbi arauga atîrî, “Nwa mûmbûrie ûvoro wa ciana ciakwa, kana mûmbathîre wîra ûrîa ndutaga nie mwene?

Isaia 45:11 ပူးပေါင်းရင်းမြစ်များ

Kîam 32:26

Nake mûndû ûcio nîwerire Jakovu atîrî, “Tiga nthiî nîûndû kûthiîte gûkîa.” Nake Jakovu nîwamûcokerie atîrî, “Ndingîkûrekereria ûthiî ûtandathimîte.”

Isaia 19:25

Ngai-Mûnene mwene vinya wonthe nîakaamarathima akiugaga atîrî, “Mûrorathimwa andû akwa a Misiri, mûrorathimwa andû a Asîria arîa naûmbire na njara ciakwa, na Aisiraeli arîa nîîthuurîrîte.”

Isaia 29:23

Nîûndû rîrîa akoona ciana ciake, wîra wa njara ciakwa, nîmagaakumia rîîtwa rîakwa nie Ûrîa Mûtheru wa Jakovu; na metigîre Ngai wa Isiraeli.

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 43:15

Nie nînie Ngai-Mûnene, ûrîa Mûtheru wenyu. Nînie naûmbire Isiraeli, na nînie Mûthamaki wenyu.”

Isaia 43:21

Acio nî andû arîa naûmbire marî akwa nie mwene, nîguo managîrîre ngumo yakwa!

Isaia 43:3

Nîûndû nie nînie Ngai-Mûnene Ngai wenyu, Ûrîa Mûtheru wa Isiraeli, mûvonokia wenyu. Nîngûvecana îrîvi Misiri nîguo ngûkûûre, nîngûvecana Ethiopia na Seba nîguo mûrekererue.

Isaia 43:7

Andû onthe arîa metanagua nanie, arîa naûmbire nîûndû wa riiri wakwa, arîa naûmbire na ngîtûma magîe kuo.”

Isaia 44:2

Ngai-Mûnene ûrîa wakûmbire arauga atîrî, “Nakûmbire îvurî rîa nyûkwe na nînie ngûtethagia. Tiga gwîtigîra we Jakovu ndungata yakwa, Jeshuruni ûrîa nthurîte ndûgetigîre.

Isaia 45:10

Mûndû ûrîa wîraga îthe atîrî, “Wanjiarire nîkî? Kaî arî na thîna-î?” Kana akaûria ng'ina atîrî, “Ûrûrû ûrîa ûregua ûkîenda gûciara nî wa ndûî?”

Isaia 48:17

Ngai-Mûnene Ûrîa Mûtheru wa Isiraeli mûvonokia waku, arauga atîrî, “Nie nînie Ngai-Mûnene, Ngai waku, nînie ngûrutaga maûndû ma gûkûguna, nînie ngûtongoragia njîra îrîa wagîrîrwe nî kûthiîrîra.

Isaia 54:5

Nîûndû ûrîa wakûmbire nîke mûthuuriguo, Ngai-Mûnene mwene vinya wonthe nîrîo rîîtwa rîake. Ûrîa Mûtheru wa Isiraeli nîke Mûkûri waku, ke etagwa Ngai wa nthî yonthe.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Isaia 64:8

Nwatî kûnarî ûguo, we Ngai-Mûnene, we nîwe Vava. Tue twîkariî ta yûmba, nawe wîkariî ta mûmbi wa nyûngû. We nîwe watûmbire tuonthe.

Isaia 8:19

Andû nîmakaamwîra atîrî, “Thiîni mûkaûrie ûvoro kûrî ago na oni maûndû arîa maragia na tûmîgambo tûceke.” Nîmakaamwîra atîrî, “Nwanginya metagie ûtaaro kûrî arîa akuû vandûrî va arîa marî mwoyo?”

Jeremia 3:19

Ngai-Mûnene arauga atîrî, “We Isiraeli, nîciragia ûrîa nîngîkwamûkîra ta mwana wakwa, na ngûve vûrûri mwaro, îgai rîaro gûkîra mavûrûri monthe ma nthî. Neciragia atî we nwa ûmbîte vava na ndûgatigana nanie rîngî.

Jeremia 31:1

Ngai-Mûnene arauga atîrî, “Îvinda rîu nîngatuîka Ngai wa mîvîrîga yonthe ya Isiraeli nao nîmagaatuîka andû akwa.”

Jeremia 31:9

Magaûka makîrîraga methori, nîngamatongoria macoke ngîmaûmagîrîria. Nîngatûma mathiîrîre rûtere rwa tûrûnjî, makaathiîrîra njîrarî nûngarû matakûvîngwa, nîûndû nie nîrî îthe wa Isiraeli, na Efiraimu nî îrikithathi rîakwa.

Jeremia 33:3

“Mbîta na nîngûgwîtîka na ngwîre maûndû manene marî nthithorî marîa ûtaicî.

Ezek 36:37

Mwathani Ngai-Mûnene arauga atîrî, “Nîngetîkîria andû a Isiraeli mamvoe nîmatethie na nîngaatûma andû ao mongerereke ta ndîthia ya ng'ondu.

Ezek 39:7

Nîngamenyithia andû akwa a Isiraeli rîîtwa rîakwa rîtheru na ndigetîkîra rîîtwa rîu rîakwa rîtheru rîcambua rîngî. Nacio ndûrîrî nîikaamenya atî, nie nînie Ngai-Mûnene, ûrîa Mûtheru wa Isiraeli.”

Danieli 2:18

Nîwamerire mavoe Ngai wa îgûrû nîguo ameguîre ntha na amaguûrîrie nthitho îo nîguo matikaûragwe vamwe na anake arîa engî maathûrîtwe a gûtaaraga Mûthamaki.

Hosea 1:10

Nwatî andû a Isiraeli nîmakengîva ta mûthanga ûrîa ûrî îriarî ûrîa ûtangîthimîka kana ûtarîka; navo varîa Ngai-Mûnene amerire, “Mue mûtirî andû akwa” nîagaacoka ameere, “Mue mûrî ciana cia Ngai mûtûûra mwoyo.”

Hosea 12:4

Nîwagianire na mûraika na akîmûvoota, nîwamûkaîre na akîmûthaitha amûrathime. Arî Betheli nîwacemanirie na Ngai, na arî kûu Ngai nîwaranîrie nake.

Maariko 11:24

Kwoguo nîramwîra atî, ûndû wa wonthe mûngîtia rîrîa mûkûvoya, îtîkagiani atî nîmûrîkîtie kûvingîrua, namue mûkaavecagwa kîndû wa kîonthe kîrîa mûkaavoyaga.

2Akor 6:18

Nie nîngaatuîka îthe wenyu, namue nîmûgaatuîka ariû na aarî akwa, ûguo nîguo Mwathani mwene vinya wonthe augîte.”

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Josh 10:12

Mûthenya ûcio Ngai-Mûnene aavotithirie andû a Isiraeli kûvoota andû a Amori, Joshua nîwaririe na Ngai-Mûnene. Joshua arî mbere ya andû a Isiraeli nîwaugire atîrî, “Riûa, rûngama ki îgûrû rîa Gibeoni; nawe mweri rûngama ki Kîamndarî Kîam Aijaloni.”

Atir 16:23

Athamaki a Afilisiti nîmaacemanirie vamwe nîguo makenanîre na marutîre Dagoni, ngai wao kîgongoona kînene. Maainaga atîrî, “Ngai wetû nîatûvotithîtie kûvoota Samusoni nthû yetû!”