Isaia 44:9 - ÎVUKU RÎA ÛVORO MWARO

⁹ Andû onthe arîa marûthaga mîvuanano nî a mana, na maûndû marîa mamakenagia matirî kîguni. Arîa maigoocaga mationaga na matiîcî atî nîmagaaconorithua.

Isaia 44:9 ပူးပေါင်းရင်းမြစ်များ

2Atha 19:18

Nîmaavîvirie ngai ciao, nîûndû itiarî ngai, nwatî ciarî mîvuanano îrûthîtwe na mîtî na mathiga nî andû.

Thaburi 115:4

Mîvuanano ya ngai cia andû a ndûrîrî irûthîtwe na sîlûva na thaavu, irûthîtwe na njara cia andû.

Thaburi 115:8

Andû arîa mairûthaga mekariî ta cio, na arîa onthe maciîvokaga mekariî ta cio.

Thaburi 135:18

Arîa onthe mairûthaga na maciîtîkîtie, magaatuîka ta cio!

Thaburi 97:7

Andû onthe arîa magoocaga mîvuanano nî maconorithagua, arîa metîîaga na ngai cia maveeni; ngai cionthe ciînamagîrîria nthî ikagooca Ngai-Mûnene.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 41:24

Mue mûtirî kîene, na wîra wenyu nîwa mana, mûndû ûrîa ûmûgoocaga arî na mûgiro.

Isaia 41:29

Taroria, ngai icio ciao cionthe nî cia maveeni, mawîra mao monthe nîma mana, mîvuanano yao ya kûrarûrwa ndîrî vinya na nî ya mana.”

Isaia 42:17

Arîa onthe mevokete mîvuanano, arîa metaga mîvuanano ya kumua ngai ciao, nîmagaacokithua na maconorithue.”

Isaia 42:18

Ngai-Mûnene arauga atîrî, “Tathikîrîriani mue mûtegucaga! Mue itumumu roriani waro, nîguo mûvote kwona!

Isaia 43:8

Ngai arauga atîrî, “Reteni andû acio wana ethîrwa marî na metho, nî ndumumu, acio matiîgucaga, wana ethîrwa marî na matû!

Isaia 43:9

Andû onthe a ndûrîrî nîmacokanîrîre vamwe, andû onthe nîmagomane vamwe. Nî ûrîkû gatagatîrî kao ûngîvota kwanîrîra maûndû mama? Na atwonie maûndû marîa marekîka rîu? Nîmarete aira ao a kwonania atî nî ûma, tiga andû arîa makûthikîrîria mauge atî, ‘Ûcio nî ûvoro wa ma.’ ”

Isaia 44:11

Nama, arîa onthe magoocaga ngai icio nîmagaaconorithua, wana arîa marutaga wîra ûcio nwa andû tu. Tiga magomane vamwe onthe na meyumîrie, nîmagetigîra na maconoke.

Isaia 44:18

Andû acio matiîcî ûndû, wana kana mecirie. Nîavinge metho mao, nîguo matikavote kwona, na makavingwa meciria mao, nîguo matikavote gûtaûkîrwa.

Isaia 44:20

Mûndû ûcio arîcaga mûu, nîûndû meciria make nîmo mamûveenetie, akaremwa nî kwîvonokia wana kana kuga atîrî, “Kinthî tî maveeni nyitîte na njara yakwa ya ûrîo?”

Isaia 45:16

Arîa onthe marûthaga mîvuanano nîmagaaconorithua, onthe magaaconorithua vamwe.

Isaia 45:20

Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.

Isaia 57:12

Nie nîngaaumbûrîra andû ûvoro wa ûthingu wenyu na mawîra menyu, nwatî mîvuanano yenyu ndîkaamûguna.

Isaia 65:13

Kwoguo, nie Mwathani Ngai-Mûnene nauga atî: Ndungata ciakwa ikethagîrwa na gîa kûrîa, nwatî mue mûkethagîrwa mûrî na yûra; ndungata ciakwa ikethagîrwa irî na gîa kûnyua, nwatî mue mûkethagîrwa mûrî na nyonda; ndungata ciakwa igeekaraga irî na gîkeno, nwatî mue mûgeekaraga mûrî na gîconoko.

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Jeremia 2:11

Kûrî vûrûri wanakûranania ngai ciao na ciîngî, wana ethîrwa ngai icio tî cia ma? Nwatî andû akwa nîmandiganîrîtie nie Ngai ûrîa ûrî riiri, makegîra na ngai itangîmatethia.

Jeremia 2:26

Wata ûrîa mwîi aconokaga agwatwa, nwata guo andû a Isiraeli magaconoko; o ene, athamaki ao, anene ao, athînjîri-Ngai na arathi ao.

Danieli 11:38

Vandû va ûguo, nîkava ngai îrîa îgitagîra îtûûra rîrîa ririgîre gîtîîo, îrîa methe mao mataavecaga gîtîîo. Ke nîakaarutîra ngai îo thaavu, sîlûva, mathiga ma goro na iveo ciîngî cia goro.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Aroma 1:22

Maugaga nî aûgî nwatî nî irimû.

1Akor 8:4

Kwoguo nie ngîcokia kîûria kîgiî irio irîa ciîthagîrwa irutîrîtwe mîvuanano nîmbuga atî: tue nîtwîcî atî mîvuanano îrûngamaga îthenyarî rîa kîndû gîtarî vo, na nîtwîcî atî Ngai nî ûmwe tu.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

Aefeso 4:18

Matitaûkagîrwa na gûtirî ûndû maicî nîûndû wa ûmû wa ngoro ciao. Kwoguo matigîcaga na ûtûûro ûrîa ûvecanagwa nî Ngai.

Aefeso 5:8

Vîndî îmwe mwatûûraga ndumarî, nwatî rîu mûtûûraga ûtherirî nîûndû nîmûtuîkîte andû a Mwathani. Kwoguo tûûragani ta andû marî ûtherirî,

Gûco 27:15

“ ‘Kûnyitwa nî kîrumi nî mûndû ûrîa ûkaarûtha ngai ya mûvuanano na akamîgoocaga na nthitho. Ngai-Mûnene nîathûrîte ûgooci wa mîvuanano.’ “Nao andû onthe nîmakaauga, ‘Ameni!’

Gûco 4:28

Mûrî mavûrûrirî mau, mûgaatungataga ngai cia mûvuanano irûthîtwe nî andû: ngai cia mîtî, mathiga, irîa itonaga, itegucaga, itarîcaga na itanungagîra.

Atir 10:14

Thiîni mûkarîrîre ngai icio mwathuurire nîguo imûvonokie rîrîa mûranyamarîka.”