Isaia 44:3 - ÎVUKU RÎA ÛVORO MWARO

³ “Nîûndû nîngetîrîria manjî vûrûrirî ûrîa mûnyondu, na mbîkîre nyûnjî vûrûrirî ûrîa mûmû. Nîngetîrîria njiarwa ciaku Roho wakwa, na mbîtîrîrie ciana ciaku irathimo ciakwa.

Isaia 44:3 ပူးပေါင်းရင်းမြစ်များ

Ayubu 5:25

Nîûkagîa na njiarwa nyîngî, ta nyaki ya kîthakarî.

Thaburi 107:35

Nîagarûraga werû ûgatuîka maria ma manjî, na nthî nyûmû îkatherûka manjî.

Thaburi 63:1

We Ngai, nîwe Ngai wakwa, na nîrakwîrirîria na ngoro yakwa. Mwîrî wakwa wonthe nîûrakwîrirîria ta mûndû mûnyondu; ngûnyondete ta nthî nyûmû îtarî na manjî.

Nthi 1:23

Tathikîrîriani ngîmûkaania. Nîngaamûmenyithia meciria makwa, na nîngaamwîcûria ûûgî wakwa.

Isaia 27:3

“Nie Ngai-Mûnene, nînie nîûmenyagîrîra, na ngawîtîrîria manjî vîndî cionthe. Nîûrangagîra ûtukû na mûthenya, nîguo ndûgacûkangue nî mûndû wa wonthe.

Isaia 32:15

Gûkaathiî na mbere gwîkara ûguo nginya rîrîa tûkaanyûrûrûkîrua Roho kuuma îgûrû. Vîndî îo werû nîûgaatuîka mûgûnda umaga maciaro, nayo mîgûnda îrîa mînoru îtuîke mûtitû.

Isaia 32:2

Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Isaia 41:17

“Rîrîa athîni na avatari maracaria manjî matakûmona, na rîrîa mîmero yao îrî mîng'arûku nî kûnyonda, nînie Ngai-Mûnene ngaamacokeria, nie Ngai wa Isiraeli ndikaamatiganîria.

Isaia 48:19

Njiarwa ciaku ingîengîvîte ta mûthanga, ciana ciaku ingîengîvîte ta tûthiga twa mûthanga, rîîtwa rîao rîtikaathengutua kana rîcûkangua.”

Isaia 48:21

Rîrîa aamatongoririe makîvîtûkîrîra werûrî matianyonda. Nîwatûmire manjî maume îthigarî nîûndû wao, nîwatûranirie îthiga na manjî makiuma mwatûkarî ûcio.

Isaia 49:10

Matikavûûta kana manyonda. Riûa kana ûrugarî wa werûrî itikaamavîvia, nîûndû nîmagaatongorerua nî ûrîa ûmendete, na nîakaamavira kûrîa manjî matherûkaga.

Isaia 55:1

Ngai-Mûnene arauga atîrî, “Mue muonthe arîa anyondu ûkani mûnyue manjî! Ûkani, wanamue mûtarî na mbeca, gûrani irio mûrîe! Ûkani! Gûrani ndivei na îriia, mûtarî na mbeca na mûtarî kîndû!

Isaia 59:21

Njoke nthondeke kîrîkanîro namue atî: vinya wakwa ûrîa nîmûvete na mataaro makwa marîa namûveere, nîmûtûûra nacio, na itûûre na ciana cienyu wana ciana cia ciana cienyu, kuuma rîu nginya tene na tene.”

Isaia 61:9

Njiarwa ciao nîikaagîa na îgweta gatagatî ka ndûrîrî, ciana ciao nîikaamenyeka atî nî andû a vata gatagatî ka andû arîa engî. Arîa onthe makaamoonaga nîmakaamenya atî nî andû arîa nie Ngai-Mûnene ndathimîte.”

Isaia 65:23

Matikaarutaga wîra ûtarî na umithio, kana magîa na ciana cia kûnyitagwa nî mathîna; nîûndû nîngaamarathimaga o ene wa vamwe na njiarwa ciao.

Ezek 34:26

“Nîngaairathima na nîigaatûûra mîenarî ya kîrîma gîakwa Kîammûre. Nîngaaciurithagîria mbura vîndî îrîa yagîrîrîte na nîgaatuîka mbura ya kîrathimo.

Ezek 36:27

Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.

Ezek 39:29

Nîngetîrîria andû a Isiraeli roho wakwa, na ndikaamatiganîria rîngî. Nînie Mwathani Ngai-Mûnene mbugîte ûguo.”

Ezek 47:8

Nîwambîrire atîrî, “Manjî mama manyûrûrûkaga mavîtûkagîra vûrûrirî wa mwena wa îrathîro mathiîte Kîamndarî Kîam Jorodani. Na makinya îriarî rîa cumbî nîmatûmaga manjî ma îria rîu matuîka maro.

Hosea 10:12

Îvandîreni ûthingu, namue nîmûgaaketha wendo; Rîmani mîgûnda îrîa yatigirwe, nîûndû kavinda ga kûnjaria nie Ngai mûnene nîgakinyu, nanie nîngaamurîria kîrathimo ta mbura.

Joeli 2:27

Nîmûkaamenya atî nîrî gatagatî ka Isiraeli, na nîmûkaamenya atî nie Ngai-Mûnene nîrî namue na gûtirî wîngî. Na atî andû akwa matigaconorithua rîngî.

Joeli 2:28

“Vuvarî, nîngetîrîria andû onthe Roho wakwa, andû enyu, anake na erîtu nîmakaanîrîra, andû enyu arîa akûrû nîmakaarota iroto, nao anake enyu nîmakoona cioneki.

Joeli 3:1

Ngai-Mûnene arauga atîrî, “Vîndî îo nîngaatûma Juda na Jerusalemu kûgacîre rîngî.

Joeli 3:18

Vîndî îo, irîma nîikaanyûrûrûkia ndivei îrî na mûrîo, na irîmarî kumage îria, gûkethîrwa kûrî na manjî tûrûnjîrî tuonthe twa Juda. Gûkethîrwa kûrî na karûnjî nyombarî ya Ngai-Mûnene, karûnjî kau nîgakaathiîrîra Kîamndarî gîa Shitimu.

Mika 5:7

Nao andû a Isiraeli arîa magaatigara marî mwoyo makethîrwa mekariî ta îme kuuma kûrî Ngai-Mûnene marî gatagatî ka andû arîa engî kana ta mbura ya rûthuthuû rûrîa rûgwîcagîra nyaki, na ndiurithagua nî mûndû nwatî nî Ngai.

Zakaria 12:10

“Njiarwa cia Daudi na andû arîa matûûraga îtûûrarî rîa Jerusalemu nîngaamecûria roho wa kwîgucanîra ntha na wa kûvoya. Nao maaroria ûrîa maamundire, nîmakaamûcakaîra ta ûrîa mûndû acakaagîra mwana wa kîmomwe, na mamûrîrîre na ûrûrû mwîngî ta wa mûndû ûkûrîrîra îrikithathi rîakua.

Mathaayo 12:43

“Ngoma îrauma kûrî mûndû, nîîvîtûkagîrîra kûndû gûtarî manjî îgîcaria vandû va kûvurûka, nwatî ndîvonaga.

Ciîko 10:45

Nao etîkia a Kîyahudi arîa maaûkanîtie na Petero maumîte Jopa, nîmaamakire mûno nîûndû kîveo Kîam Roho Mûtheru nîkîavecanîtwe wana kûrî Andû a Ndûrîrî.

Ciîko 2:17

‘Ngai augîte atî: Mîthenyarî ya mûthiia, nie nîngetîrîria andû onthe Roho wakwa. Ariû na aarî enyu nîmakaanîrîra ndûmîrîri yakwa kûrî andû; anake enyu na erîtu enyu nîmakoona cioneki, nao andû enyu arîa akûrû, nîmakaarota iroto.

Ciîko 2:33

Jesû nîwanenevirue na rîu ekaraga mwena wa ûrîo wa Ngai Îthe wake. Nake Ngai Nîwamûvere Roho Mûtheru wata ûrîa aamwîrîrîte. Kwoguo Jesû nîatwîtîrîrîtie Roho ûcio. Ûndû ûyû mûrona na mûregua nî kîveo Kîam Roho ûrîa Jesû atwîtîrîrîtie.

Ciîko 2:39

Ngai nîweranîre kîîranîro gîkî kûrî mue, kûrî ciana cienyu na kûrî andû onthe arîa marî kûraca, na kûrî andû onthe arîa Mwathani Ngai wetû etaga kûrî ke.”

Kûguû 21:6

Nake nîwaugire atîrî, “Maûndû nîmavinga! Nie nînie wa mbere na wa mûthiia, Kîambîrîria na Kîrîkîro. Mûndû wa wonthe mûnyondu nîngaamwîtîkîria anyue manjî kuuma ithimarî irîa ciumaga manjî marîa mavecanaga mwoyo atakûrîva.

Kûguû 22:17

Roho Mûtheru na mûviki marauga atîrî, “Ûka!” Mûndû ûrîa ûkwîgua ûndû ûyû nîauge atîrî, “Ûka!” Mûndû ûrîa mûnyondu nîaûke, ûrîa nake ûkwenda nîoce manjî marîa mavecaga mûndû mwoyo atakûrîva kîndû.