Isaia 43:22 - ÎVUKU RÎA ÛVORO MWARO

²² “Kûnarî ûguo, we Jakovu ndwangooca; we Isiraeli, nîûnogetue nînie.

Isaia 43:22 ပူးပေါင်းရင်းမြစ်များ

Thaburi 14:4

Ngai-Mûnene araûria atîrî, “Nîkwa andû arîa mekaga maûndû macûku matarî na ûmenyo? Marîcaga andû akwa ta ûrîa marîcaga irio, na matingoocaga.”

Thaburi 79:6

Îtûrûra marakara maku kûrî andû arîa matagwicî, kûrî mavûrûri monthe marîa matakûgoocaga.

Isaia 64:6

Tue tuonthe tûtuîkîte ta andû marî na mûgiro; na ciîko cietû cionthe mbaro ciîkariî ta nguo îrî na gîko. Tuonthe tûûmaga ta mathangû, namo mevia metû matûgûrûkagia ta rûkûngi.

Isaia 64:7

Gûtirî wanarî mûndû ûkûvoyaga; gûtirî mûndû ûkûvoyaga ûtethio. We nîûtwîthithîrîte na ûgatûtiganîria nîûndû wa mevia metû.

Jeremia 10:25

Îtûrûra marakara maku kûrî mavûrûri marîa matakûgoocaga, na kûrî andû arîa matagoocaga rîîtwa rîaku. Nîûndû nîmaûragîte andû aku a Isiraeli, nîmamacûkangîtie makathira viû, na magatiga vûrûri wao ûrî maganjo.

Jeremia 2:5

Ngai-Mûnene arauga atîrî, “Methe menyu mamonire na mavîtia marîkû, nîguo magarûrûke na mandiganîrie, na makîrûmîrîra mîvuanano îtarî na vata, magîtuîka andû matarî na vata?

Danieli 9:13

Nîûtûverithîtie na maûndû monthe wata ûrîa kwandîkîtwe wathorî wa Musa. Nwatî nginya rîu Ngai-Mûnene, Ngai wetû, nîtûregete gwîka ûndû ûngîgûkenia na njîra ya kûvera mevia, kana kûrûmîrîra ûma.

Mika 6:3

Ngai-Mûnene arauga atîrî, “Mue andû akwa, nî atîa nîmwîkîte? Nîmûnogetie na ndûî? Mbîrani!

Malaki 1:13

Mugaga atîrî, ‘Maûndû mama nî mûrigo mûrito kûrî tue’ na nîmûnjonorithagia. Mûndutagîra magongoona ma indo irîa mûcunanîte na vinya, kana irîa monju, kana irîa ndwaru. Nie nwa nyamûkîre indo ta icio? Ûguo nîguo Ngai-Mûnene mwene vinya wonthe araûria.

Malaki 2:17

Nîmûnogetie Ngai-Mûnene na ndeto itarî na mûkinyo. Nwatî mûragia atîrî, “Tûmûnogetie atîa?” Mûmûnogetie na njîra ya kuga atî, “Ngai-Mûnene nîakenagua nî arîa mekaga maûndû macûku, na nîamendete.” Kana mûkaûria atîrî, “Ngai ûrîa wîkaga maûndû na njîra ya kîvooto arî kû?”

Malaki 3:14

Mue mugaga atîrî, ‘Gûtirî na vata wa gûtungatîra Ngai-Mûnene. Kûrî na umithio ûrîkû wa kwathîkîra Ngai-Mûnene, mwene vinya wonthe, kana kûgeria kûmwonia atî nîtwîvîtie tûrî mbere yake na njîra ya kûthiî varî ke tûgîcakayaga.