Isaia 43:16 - ÎVUKU RÎA ÛVORO MWARO

¹⁶ Ngai-Mûnene arauga atîrî, “Nînarûthire njîra îriarî, na ngîrûtha gacîra manjîrî meengî,

Isaia 43:16 ပူးပေါင်းရင်းမြစ်များ

Nehemia 9:11

Nîwagaanirie îria mbere yao nîguo ûmathondekere njîra, na ûkîmavîtûkîrîria nthî nyûmû. Arîa maamathingatîte nîmaaûrîre manjîrî kûndû kûriku mûno, ta ûrîa îthiga rîvorokagîra manjîrî meengî.

Thaburi 106:9

Nîwathire îria îtune rînyaare, na rîkînyaara, aavîtûkîrîrie andû ake îriarî takwa marî nthî nyûmû.

Thaburi 77:19

We nîwathiîrîre îriarî; nîwavîtûkîrîre îriarî kûrîa kûriku, nwatî makinyo maku mationeka.

Thaburi 77:20

Watongoririe andû aku ta ûrîa mûrîthi atongoragîria ndîthia, matongoretue nî Musa na Aroni.

Thaburi 78:13

Nîwagaanirie îria ûkîmavîtûkîrîria kuo, na agîtûma manjî marûngame ta rûthingo mîena yoîrî.

Ntha 14:16

Ûkîrîria mûragi waku îgûrû na wambararie njara yaku îgûrû rîa îria. Manjî ma îria nîmakûgaûkana, na andû a Isiraeli nîmakûvota kûvîtûkîra nthî nyûmû.

Ntha 14:29

Nwatî andû a Isiraeli maavîtûkîrîre îriarî kûrî nthî nyûmû, na nthingo cia manjî irî mîena yoîrî.

Isaia 43:2

Rîrîa mûkûvîtûkîrîra manjîrî ngethagîrwa nîrî vamwe namue; na mûkîvîtûkîrîra nyûnjîrî itikaamûkîria vinya. Rîrîa mûkavîtûkîrîra mwakirî mûtikaavîa, na rûrîrîmbî rûtikaamûvîvia.

Isaia 44:27

Nînie mbugaga kûrîa kûrî manjî mariku kûvûe, na nîngaavûîthia nyûnjî cienyu.

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Isaia 51:10

Kinthî tîwe wavûîthirie îria, manjî ma îria rîrîa rînene, we ûrîa warûthire njîra îriarî kûrîa kûriku, nîguo arîa maarî akûre mavîtûkîrîre kuo?

Isaia 51:15

“Nie nînie Ngai-Mûnene Ngai wenyu, nînie ndûmaga îria rikie ndivû, na ngatûma makûmbî ma rîo marurume. Ngai-Mûnene mwene vinya wonthe nîrîo rîîtwa rîakwa.

Jeremia 31:35

Ngai-Mûnene ûrîa arî ke Ngai mwene vinya wonthe arauga atî: Nîke ûvecaga riûa ûtheri nîguo rîare mûthenya, na akava mweri na njata ûtheri nîguo imûrîkage ûtukû. Nîke winainagia îria gûkagîa na makûmbî ma manjî na makaruruma.

Kûguû 16:12

Mûraika wa gatandatû nake nîwetûrûrire kîrîa Kîamrî mbakûrirî yake rûnjîrî rûrîa rûnene rwa Farati. Naruo rûnjî nîrwavwîre, nîguo rûthondeke njîra ya kûvîtûkîra athamaki a kuuma mwena wa îrathîro.